Isaya 3:3 - Baibo Busansulushi Bwa Libuku Ili

³ Utooyanda kukusha bamatanjilili babo bacishi aba bashilumamba, beshikupanda maano, bacibwene shakupangapanga alimwi abaloshi.

Isaya 3:3 ပူးပေါင်းရင်းမြစ်များ

Jobo 22:8

nabi wakalinga muntu shinkusu uyo wakalinga kucite cishi, ee, wakalinga muntu ulemekwa uyo wakalinga kwikala pali ncico.

Kulonga 18:21

Sombi kwiilikaawo, ulyeelete kusala basankwa bamwi beenga basebensa mulimo wa butanjilili. Bamwi balyeelete kuba batanjilili ba bantu bali cuulu, bamwi mwaanda, bamwi makumi osanwe alimwi abamwi likumi. Bantu abo mbweshi ukasaale balyeelete kuba bantu balemeka Lesa, bashomeka alimwi batakoonshi kutambula mashinka kanwa.

Kulonga 4:10

Sombi Mose wakaamba ayi, “NoBaami baLesa nebo kuswabo kalekale nshaambiwo kabotu, alimwi ampomwatalikila kwaamba anebo, poonse nshintokwaambawo kabotu. Ndacelwa kuposha shikani alimwi ndicite kamaama.”

Isaya 3:2

Utooyanda kukusha beshinkusu abashilumamba babo, boomboloshi abalaluki babo, beshikulotela abamaloba babo.

Isaya 3:4

Mwaami Lesa ulaakulengesha ayi bantu beendeleshekwe kubanike basankwa. Ee, banike mbweshi bakabe beendeleshi babo.

Isaya 5:13

Aboobo bantu bangu balaakuya mucishi ca busha ceebo cakutanyumfwa kwabo. Bamatanjilili babo balaakumana kufwa kunsala abantubo boonse balaakumana kufwa kunyotwa.

Isaya 9:15

Basankwa bamanene alimwi balemekwa ngomutwi, mucila mbalaluki beeisha shakubeca.

Dutolonomi 1:15

Aboobo ndakabwesa basongo alimwi batanjilili balemekwa, abo mbomwakasala, akubabika ayi bamutanjilile. Bamwi bakalinga kweendelesha bali cuulu, bamwi mwaanda, bamwi makumi osanwe, abalo bamwi likumi. Ndakasala abamwi bacinenenene mumikowa yoonse.

Boomboloshi 8:18

Mpeeke wakeepusha Seba aSalimuna ayi, “Ino bantu mbomwakacaya kuTabo bakalinga kuboneka buyani?” Abalo bakakumbula ayi, “Bakoshenye amwebo, nkokwaamba ayi bakalinga kuboneka anga mbanaabaami mbuli mbomuboneka mwebo.”

1 Samwelo 8:12

Bamwi balaakunooba bamatanjilili ba bashilumamba bali cuulu, bamwi ba bali makumi osanwe. Bana banu basankwa balaakunoolima myuunda yakwe, kwiitebula akupanga sheensho ashisebensesho sha beshikulwanina mushikoci sha maaki.