Isaya 3:24 - Baibo Busansulushi Bwa Libuku Ili

²⁴ Ono mumusena wakununkila mafuta abotu, balo balaakunoonunka nkasaalo. Mumusena wakufwala laamba wiine, balo balaakunoofwala looshi. Mumusena wakuba amisusu ibambitwe kabotu, balo nkuba alubala. Mumusena wakufwala shakufwala shibotu, balo balaakufwala sha masempele alimwi mumusena wakuboneka kabotu, balo balaakunoolensha nsoni.

Isaya 3:24 ပူးပေါင်းရင်းမြစ်များ

Esita 2:12

Ono mooye womwi awomwi kaatana kutolwa kumwaami Sakisesi, wakalinga kweelete kumanisha mwaaka kaanana mafuta kwaamba ayi abote. Myeenshi yosanwe awomwi itaanshi wakalinga kunana mafuta a mule, lyalo myeenshi yosanwe awomwi imwi, wakalinga kunana mafuta anunkila kabotu eetwa ayi bolisamu.

Jobo 16:15

“Ntoolila akufwala masaka kutondesha buumba. Ndatondesha kulibombya kwiinda mukwikala mulusuko.

Tushimpi 31:24

Ulatunga shakufwala sha nsalu iteshimite akushuulisha. Uloolisha balamba kubeshimakwebo.

Tushimpi 7:17

Ndabusanseela mafuta anunkila kabotu eetwa ayi mule, amwi ayi aloyi aamwi ayi sinamoni.

Isaya 15:2

Bantu bamundabala ya Diboni baya kuŋanda ya lesa wabo. Ee, kumisena yakulambililaako balesa babo kuya mukulila. Bene Moabu abo batoolila ndabala ya Nebo aMedeba. Mutwi wa muntu womwi awomwi wakululwa ashalo ndesu sha basankwa boonse shaceswa.

Isaya 15:3

Mumikwakwa bafwala masaka kutondesha buumba. Pashiluli amumisena icanika bantu baanji moonse batoolila cakooloma. Ncakwiila bakopoka abuumbi kukulila.

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Isaya 3:23

shilola, shakufwala sha nsalu ilasha, tutambala twa nkasaalo alimwi ashitambala shilaamfu nshebafwala kumutwi.

Isaya 4:4

Mwaami Lesa ulaakusansha bubi bwa banakashi bene Siyoni. Ulaakusansha ashibala shibala sha bulowa mundabala ya Jelusalemu. Ishi ulaakushicita kwiinda mukusebensesha muuya wakoombolosha amuuya usalasha wa mulilo.

Isaya 57:9

Mulalinaneeka mafuta eendaawo kununkila amafuta amwibo akuya mukulambila lesa Moleki. Kulangoola balesa abo mulacita kutuma beshinkombe banu kulaale ee, cakubatumabo nabi kushuumbwe kwiine.

Jelemiya 4:8

Paceebo ceeco amufwale masaka. Amulile akooloma ceebo bukali bwa Mwaami Lesa tabuna kuswaawo pali ndiswe.

Jelemiya 48:37

Mitwi yoonse ilicesetwe, andesu shoonse shakakululwa. Boonse bakalinengoola kumaansa akufwala masaka mumakome abo.

Jelemiya 49:3

“Amoolome, mwebo nobene Eshiboni ceebo ndabala yanu ya Ai yanyonyoolwa. Amwebo nomwikala mucishi ca Laba amufwale masaka mulile cabuumba. Amucice cakupilingana mumalinga anu ceebo lesa wanu Moleki ulaakutolwa mubusha pantu pomwi abapailishi alimwi abacinenenene bakwe.

Jelemiya 6:26

Mwaami Lesa waamba ayi, “Mwebo nobantu bangu, amufwale masaka mwaalabangane mumilota. Amulile cakooloma anga ngumuntu utoolila mwanaakwe musankwa womwibo ndondoli ceebo shikunyonyoola utoopola cakufwambaana.

Malilo 2:10

Bamaloba ba muSiyoni balishiitebo panshi cakutaamba. Balitukweeta alusuko pamitwi yabo akufwala masaka. Bamyooye ba muJelusalemu bakotamina panshi.

Esekelo 27:31

Batookulula mitwi yabo ceebo ca ndiwe akufwala masaka. Batookulilila buumpute ceebo ca kupeenga kwa myoyo yabo alimwi akulila bunene.

Esekelo 7:18

Balaakufwala masaka akututuma kuboowa. Balaakunyumfwa nsoni amitwi yabo ilaakukululwa.

Jowelo 1:8

Nobantu amulile anga ngumulindu wafwala masaka mukulila musankwa wakamumamikila uyo wafwa.

Bene Lefi 26:16

ndaakumupa mulandu. Ndaakumuletela mapensho a mbuli malwashi atashilikwi alimwi ashimpwita isho nsheshi shikamupofole akunyonyoola buumi bwanu. Mulaakushanga mbuto shanu, sombi teshi cikamucafweewo mukwiinga balwani banu balaakumukoma akulya shoonse nshemwakalima.

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Mika 1:16

Nobene Juda, amukulule mitwi yanu mukulila ceebo ca bana banu abo mbomusunishi. Amulikulule minkunyu akuba anga ndikubi ceebo balaakumushiya akutolwa mubusha.

Dutolonomi 28:22

Mwaami Lesa ulaakumuletela malwashi ayambukila, shuute acimpwita. Ulaakutuma cilanga alimwi amuuwo ulungula ayi shinyonyoole shishango shanu. Anu myaalu iyi teshi ikamulekeewo kushikila mukamane kufwa.

Dutolonomi 32:24

Ndaakutuma nsala ashimpwita, balaakufwa kumalwashi ayoosha. Ndaakutuma banyama bamuluundu ayi babacaaye, alimwi ansooka shikali ayi shikabaluume.

1 Pita 3:3

Kulibotesha kwanu kutabibo kwapansengwe, mbuli koosa misusu, kufwala makosa agolodi alimwi ashakufwala shuulwa maali aanji.

Ciyubululo 11:3

Ndaakutuma bakamboni bangu bobilo abo beshi bakanoofwete masaka kwisa mukumushimikila makani akwe Lesa kwanshiku shili cuulu amyaanda yobilo alimwi amakumi osanwe alyomwi.”

Ciyubululo 16:9

Aboobo kulungula kwakabatenta abuumbi. Mpeeke bakacobola Lesa ucite nkusu shakuleta myaalu ili bobulya. Nakubi boobo tabakwe kusanduka kuswa kushibiibi shabo kwaamba ayi bamulumbaishe.

Ciyubululo 18:9

Mpeeke bamaami boonse ba mucishi ca panshi, abo bakacitaakwe bufuule alunkumbwa lumwi loonse, balaakulila akuba abuumba bunene pakubona bwiishi bweshi bukanoosunta pakupya ndabala inene iyo.