Isaya 3:23 - Baibo Busansulushi Bwa Libuku Ili

²³ shilola, shakufwala sha nsalu ilasha, tutambala twa nkasaalo alimwi ashitambala shilaamfu nshebafwala kumutwi.

Isaya 3:23 ပူးပေါင်းရင်းမြစ်များ

Matalikilo 24:65

akwiipusha musebenshi wakwe Abulaamu ayi, “Ngani musankwa ulya utoosa kokuno mumuunda mulya?” Musebenshi wakakumbula ayi, “Mbaami bangu.” Mpomunyaawo Labeka wakalifweka cisani cakwe pameenso.

Matalikilo 41:42

Mwaami wakafuula ninga yakalinga kucite keshibilo ka bwaami akufwalika Josefu kumunwe. Wakamufwalika cakufwala ca peculu cibotu alimwi akancetani kaniini ka golodi munshingo.

1 Makani 15:27

Defedi lyalo wakafwala mungaanjo wa nsalu iteshimite bweenka mbuli bene Lefi abo bakanyamuna Libokoshi lya Cipangano, beshikwiimba alimwi aKenaniya uyo wakalinga kutanjilila bwiimbi. Defedi wakafwala acakufwala ciitwa ayi Efodi ca nsalu iteshimite.

Kulonga 38:8

Mpeeke wakapanga mbale ifongomene ya bulonse alimwi acapanshi ca njiyo ca bulonse kuswa mushilola sha banakashi bakalinga kusebensela kumulyango wa Tente ya Cipangano.

Lwiimbo lwakwe Solomoni 5:7

Beshikulindilila ndabala bakambona ndibakalinga kuya ceendeenda mundabala. Bakanguma cakunjupoola mubili woonse. Bakabwesa cakufwala cangu ca peculu, ee, abo beshikulindilila lubumbu!

Isaya 3:22

mingaanjo ya nsalu shiteshimite, shakufwala sha peculu, mpontomona,

Isaya 3:24

Ono mumusena wakununkila mafuta abotu, balo balaakunoonunka nkasaalo. Mumusena wakufwala laamba wiine, balo balaakunoofwala looshi. Mumusena wakuba amisusu ibambitwe kabotu, balo nkuba alubala. Mumusena wakufwala shakufwala shibotu, balo balaakufwala sha masempele alimwi mumusena wakuboneka kabotu, balo balaakunoolensha nsoni.

Isaya 47:2

Bwesa mpelo upele fulaulo. Fuula kasani kateshimite kakulifweka kumeenso. Pimpa cifunga cako myeendo icaale patuba. Lyalo ukubule mumaanshi kusubuka tulonga.

Esekelo 16:10

Ndakakufwalika lilaya lyakatungwa shakulibotesha akukufwalika nkwabilo sha cipaya. Ndakakufwalika cakufwala ca nsalu iteshimite akukufwekelesha ansaalu sha makwebo.

Sekaliya 3:5

Mpomunyaawo munjelo wakaambila baabo bakalinga kwiimfwi akwe ayi, “Amumufwalike cisani cakumutwi citashipite.” Mpeeke bakamufwalika cisani ceenka ico. Bakamufwalika shakufwala shipya shimwi shoonse munjelo wa Mwaami Lesa kaaimfwi apo peenka.

Luka 16:19

“Kwakalinga musankwa mubile wakalinga kufwala shakufwala shamakwebo uyo wakalinga kulya kabotu lyoonse.

Ciyubululo 19:14

Bashilumamba boonse ba kwiculu bakamukonkela kabatantite pamaaki atuba, kabafwete shakufwala shiteshimite shituba tuu.

Ciyubululo 19:8

Mwanakashi uyu wapekwa shisani shiteshimite shituba kwaamba ayi afwale.” (Shisani shiteshimite shituba shileemikanina micito ibotu ya bashomi.)

Lute 3:15

Bowasi wakamwaambila ayi, “Leta cisani ncoofwete uciyaale apa.” Lute wakacita ubo, mpeeke Bowasi wakapuumwiitawo bale ukwanabo mpashi makilogilamu ali 20 akumucafwa kubika pacifushi. Mpomunyaawo Lute wakaboolela mundabala acifunta ico.