Isaya 3:16 - Baibo Busansulushi Bwa Libuku Ili

¹⁶ Mwaami Lesa waamba ayi, “Amubone banakashi bene Jelusalemu mbobatoolisumpula. Baleenda cakunonomona nshingo akulasha meenso a nkwela. Baleenda cakunangaila uku kabalisha makosa ayo ngobafwala kumyeendo.

Isaya 3:16 ပူးပေါင်းရင်းမြစ်များ

Tushimpi 16:18

Kulisumpula kulatola mukunyonyoolwa. Kulyuuma mucaamba kulalengesha muntu kuwa.

Tushimpi 21:4

Bamucita shibi baleendeshekwa amiyeeyo yabo yakulisumpula akulyuuma mucaamba.

Tushimpi 30:13

“Kuli bantu balisumpula, ee, abo balanga babyaabo cakunaama.

Lwiimbo lwakwe Solomoni 3:11

Amuswe nobanakashi ba kuSiyoni. Kamwisa mweebele mwaami Solomoni. Kamwisa mubone mushini wa bwaami ngwaafwete kumutwi uyo wakamushiila banyina ayi afwale pabushiku bwa bwiinga bwakwe. Ncakwiila pabushiku ubo moyo wakwe ndiwakasangalala abuumbi.

Isaya 1:8

Ndabala ya Siyoni yacaalabo yeenka anga nkatungu pakati ka muunda wa minyansa, nabi anga nkaanda kali mumuunda wabanamunwa. Ncakwiila yacaalabo anga nindabala ishingulukitwe abashilumamba.

Isaya 24:4

Cishi ca panshi cayuma, ncakwiila coonse caangana. Cishi ca panshi aliculu shabola.

Isaya 3:1

Amubone! Mwaami Lesa, Mwaami Lesa Shinkusu shoonse utooyanda kukusha lucafwo lwakwe lwa mushobo uli woonse muJelusalemu amucishi ca Juda. Utooyanda kucileka kubapa shakulya amaanshi.

Isaya 3:17

Paceebo ceeco nebo neMwaami Lesa ndaakulengesha ayi mumitwi yabo mube shiloonda. Womwi awomwi ndaakumulengesha kuba alubala.”

Isaya 3:18

Pabushiku ubo Mwaami Lesa ulaakubanyaya shakulibotesha shabo shoonse. Nkokwaamba ayi makosa a kumyeendo, mitintiko ya cipaale, ncetani sha munshingo,

Isaya 3:4

Mwaami Lesa ulaakulengesha ayi bantu beendeleshekwe kubanike basankwa. Ee, banike mbweshi bakabe beendeleshi babo.

Isaya 4:4

Mwaami Lesa ulaakusansha bubi bwa banakashi bene Siyoni. Ulaakusansha ashibala shibala sha bulowa mundabala ya Jelusalemu. Ishi ulaakushicita kwiinda mukusebensesha muuya wakoombolosha amuuya usalasha wa mulilo.

Sefaniya 3:11

Pabushiku bweenka ubo mwebo nobene Jelusalemu teshi mukalenshekwe nsoni pashintu isho nshemwakambishisha. Nebo ndaakukusha beshikulisumpula boonse mundabala yanu. Teshi mukambukilewo tubili pakalundu kangu kasalalite.

Mateyo 21:5

“Ambila bantu bamundabala ya Siyoni ayi, ‘Amubone Mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.’ ”

Luka 23:28

Ono Jesu wakapiluluka akubaambila ayi, “Nobalutundu ba muJelusalemu mutalilili ndime, sombi mulililile nobeene alimwi abana banu.