Isaya 3:15 - Baibo Busansulushi Bwa Libuku Ili

¹⁵ Anu mutooyeeya ayi ndimwe baani pakulyatilila bantu bangu akunoolita masuku pamitwi ya bakandu?” Ubo mbwaatokwaamba Mwaami Lesa, ee, Mwaami Lesa Shinkusu shoonse.

Isaya 3:15 ပူးပေါင်းရင်းမြစ်များ

Kulumbaisha 94:5

Balalyatoola bantu banu noBaami baLesa, ncakwiila balalyatilila bantu mbomwakasala.

Kulonga 5:14

Bene Ijipiti beshikusebensesha basha bakalinga kuuma bene Isilaeli mbobakasala beene ayi banoobona bashanyinaabo mbobatoosebensa. Bakalinga kubeepusha ayi, “Ceebonshi tamutokuuma mweelo wa ncelwa weenka wa lyoonse, ciilo nabi sunu?”

Tushimpi 30:14

Kuli bantu bacite meeno ali anga njimipeeni, ee, balicite micendwa ili anga nshibeshi kwaamba ayi balye akumana bakandu pacishi ca panshi, ncakwiila kwaamba ayi balobye bapenshi boonse pakati ka bantu.

Isaya 10:2

Munshila iyo balalengesha bakandu kubula nkusu shakupabuka akushinkilisha milandu ya baabo balyatililwa ayi itoomboloshekwi cabululami. Pabamukalubinje abana banshiwa mpobashanina kasela kwiinda mukunoobanyaya buboni.

Isaya 14:30

Bakandu beelaako kubukandu balaakuba ashakulya. Ncakwiila bataaku mbobabete balaakwikala kwakubula cakulisukama. Sombi mwebo abamulunyungu lwanu ndaakumucaya kunsala. Taaku nabi womwi weshi akapuluke kunsala iyo.

Isaya 26:6

Ono myeendo yeenka ya baabo mbobakalinga kulyatilila, njeitokwiindaawo, ncakwiila myeendo ya bakandu njeitoolyatoolaawo.

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Isaya 30:12

Sombi Usalalite wa bene Isilaeli waamba ayi, “Ono ceebo cakwaamba ayi mwakaka nshendamulwiita akucinka manungo munkondo abubeshi,

Isaya 32:6

Ceebo muluya ulaambabo shabuluya bwakwe. Kalango kakwe kulitaatitwebo kuyeeya bubi. Uleelibalabo kucita shintu shiteshi shabulesa akumwaya lwiisho lubisha liina lya Mwaami Lesa. Bafwite nsala ulabalekabo ansala yabo. Abalo bafwite nyotwa ulabeema maanshi.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Isaya 58:4

Peculu lya waawo, kulikasha kulya kwanu kuleela mukwaambana. Muloomana makoofi mukusebensesha maansaanu ayo atasalalite. Mulalyatilila bantu bamusebensela. Ono sa mutooyeeya ayi kulikasha kulya kwanu kwa mushobo uyu inga kwalengesha ayi nebo nyumfwe kusenga kwanu kwiculu?

Isaya 63:8

Mwaami Lesa wakaamba ayi, “Aba mbantu bangu, bana bangu abo batakoonshi kumbeca.” Nceceeco ncaakabeta Mupulushi wabo.

Esekelo 18:2

“Anu mwebo nobantu mulaambanshi ndyemwaamba kashimpi aka pacishi ca Isilaeli? ‘Minyansa isasamwita yalya bamashali, ilashiya kusasamwita kwa njiyo mumilomo ya bana babo.’

Jona 1:6

Mpomunyaawo munene wa beshikweensha bwaato wakamucana umo akumwaambila ayi, “Ulilete webo? Buka usenge lucafwo kuli lesa wako! Mpashi inga watunyumfwila nkumbu ayi tutafwi.”