Isaya 3:13 - Baibo Busansulushi Bwa Libuku Ili

¹³ Ono Mwaami Lesa wekala pacuuna cakwe ca koombolosheshaawo. Bulya wanyamuka kwaamba ayi oomboloshe bantu bakwe.

Isaya 3:13 ပူးပေါင်းရင်းမြစ်များ

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 74:22

NobaLesa, amunyamuke muliimikanine pamakani anu. Amuyeeye baluya mbobakamuseka cakupisha lisuba.

Kulumbaisha 82:1

Lesa ngooendelesha nkuta yakwe ya kwiculu. Ngowoombolosha akutimbula makani pakati ka balesa ayi,

Isaya 1:18

Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 51:22

Mwaami Lesa wanu Shinkusu shoonse, Lesa uyo umufuninina mwebo nobantu bakwe waamba ayi, “Amubone, nkomeshi ya bukali bwangu iyo yakamulengesha kutalantanta ndeebwesa. Ncakwiila munkomeshi ya bukali bwangu iyo teshi mukanweemo tobilo.

Isaya 66:16

Mwaami Lesa ulaakoombolosha bantu boonse amulilo alimwi amupeeni. Ncakwiila Mwaami Lesa baanji ulaakubacaya.

Jowelo 3:12

Mwaami Lesa waamba ayi, “Mishobo yoonse ilyeelete kulibambila akwisa muCinyika ca Koombolosheshaamo. Lyalo ndaakwisa mukoombolosha bamumishobo yoonse kuswa mumbasu shoonse.

Mika 6:1

Amukutike mbwaatokwaamba Mwaami Lesa. Waamba ayi, “Amwiimikane, mwaambe mulandu wanu kunembo lya tulundu. Tulundu atunyumfwe nshemutokwaamba.”

Mika 6:2

Amunyumfwe mwebo notulundu mulandu Mwaami Lesa ngwaapa. Amunyumfwe mwebo nolwiimbi lwa cishi ca panshi, Mwaami Lesa wapa bantu bakwe mulandu. Ncakwiila washinina bantu bakwe bene Isilaeli.