Isaya 3:12 - Baibo Busansulushi Bwa Libuku Ili

¹² Banike mbobatoolyatilila bantu bangu, banakashi mbobatoobalela. Nobantu bangu, bamatanjilili banu bamulubya. Ncakwiila bamupambusha munshila iluleme.

Isaya 3:12 ပူးပေါင်းရင်းမြစ်များ

2 Baami 11:1

Ono Ataliya banyina mwaami Aasiya ndyaakabona ayi mwanaakwe musankwa bamucaya, wakaamba ayi boonse bamuŋanda ya bwaami bacaikwe.

Jobo 30:13

Bashinkila nshila yangu yakulobokelaamo. Baswitilila mumiyeeyo yabo yakunyonyoola kwakubula nabi womwi ubakashaako.

Tushimpi 28:16

Muleli utacite maano ulalela bantu calunkutwe, sombi uyo upatite bubile bwakucanina munshila shibiibi ulaakukala buumi bulaamfu.

Shikushimikila 10:16

Mapensho kuli ndiwe ocishi cicite mwaami uli anga ngumwanike, alimwi oocite baleli baba akusekelela malumwi amashiku.

Isaya 19:14

Mwaami Lesa wabatilila muuya wa cinshiingwa, batoolengesha bamucishi ca Ijipiti kutalantanta mushintu shoonse nshebatoocita, bweenka cakolwa mbwaatalantanta mumaluko akwe.

Isaya 3:4

Mwaami Lesa ulaakulengesha ayi bantu beendeleshekwe kubanike basankwa. Ee, banike mbweshi bakabe beendeleshi babo.

Isaya 51:22

Mwaami Lesa wanu Shinkusu shoonse, Lesa uyo umufuninina mwebo nobantu bakwe waamba ayi, “Amubone, nkomeshi ya bukali bwangu iyo yakamulengesha kutalantanta ndeebwesa. Ncakwiila munkomeshi ya bukali bwangu iyo teshi mukanweemo tobilo.

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Mika 3:5

Mwaami Lesa waamba ayi, “Mwebo nobalaluki nomulubya bantu bangu, na umwi wamupa cakulya mulaamba shaluumuno. Na taamupi, mulalaluka shankondo.

Naamu 3:13

Bashilumamba bako bali anga mbanakashi! Minjililo yako ilibo bwaashi kubalwani bako. Mulilo watenta mpingilo sha njiyo.

Mateyo 15:14

Mutalisukami ambabo, mbamatanjilili boofu. Aboobo na moofu watanjilila moofunyina, boonse bobilo balawita mucilindi.”

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [