Isaya 28:1 - Baibo Busansulushi Bwa Libuku Ili

¹ Mapensho kubwaami bwa bene Efuleemu balisumpula alimwi bacakolwa! Bulemu bwabo butooya cimanabo anga ngumubala wa liluba litooya bunyana. Ee, mapensho kundabala ya Samaliya ilya ili mucinyika ca mboleshi, ndabala yabooshekwa panshi ceebo ca bacakolwa.

Isaya 28:1 ပူးပေါင်းရင်းမြစ်များ

2 Baami 15:29

Muciindi ca bwaami bwakwe Peka mwaami wa bene Isilaeli, Tigilati Pilesa mwaami wa bene Asilya wakesa wabwesa ndabala ya Ijoni, Abelo Beti Maaka, Janowa, Kedeshi alimwi aya Asoli, kubikaawo acishi ca Gilyadi, Galili alimwi aca Nafutali. Wakatola bantu busha kuAsilya.

2 Makani 28:6

Peka, mwaami wa bene Isilaeli, mwanaakwe Lemaliya wakacaya bashilumamba bene Juda bali 120,000 mubushiku bomwi. Wakacita boobo mukwiinga bene Juda bakafutatila Mwaami Lesa, Lesa wa bamashali babo bakulukulu.

Tushimpi 23:29

Ngani uli mumapensho lyoonse, ngani ucite buumba, ngani upikishana abantu, ngani ucite matongooshi, ngani wakatululwa luuma pataapu mulandu, ngani ucite meenso asalala?

Isaya 28:7

Abalo balaluki abapailishi balakolwa waini abuumbi cakutalantanta. Ncakwiila balapuwookapuwookabo uku akooku ceebo ca bwalwa. Ceebo cakukolwa, balaluki balaalilwa kunyumfwisha shili anga nshiloto isho Lesa nshaabatumina. Pamilandu ileta bantu kuli mbabo balaalilwa kupa bupingushi ceebo cabucakolwa.

Isaya 5:11

Mapensho kuli baabo bafuminabo kuyandoola shakunwa shikali. Ee, abo banwa cakwipisha lisuba kushikila shabakola cakwiindilila.

Isaya 5:22

Mapensho kubaabo baambwa busankwa pawaini! Ee, abo batacite boowa na caamba kusenkanya shakunwa shikali!

Isaya 8:4

Mwaana uyu kaatana kucishiba kwaamba ayi, ‘Ma,’ nabi ayi, ‘Ta,’ buboni boonse bwa bene Damasikasi ashintu nsheshi shikasaalwe kubene Samaliya ulaakushitola mwaami wa bene Asilya.”

Isaya 9:11

Sombi Mwaami Lesa wabalamuna balwani babo ee, wababalamuna kwaamba ayi babalwaane.

Isaya 9:8

Mwaami Lesa watuma nkombe yakucenjesha kubamulunyungu lwakwe Jakobo. Ee, watuma nkombe kubene Isilaeli.

Isaya 9:9

Ncakwiila bene Isilaeli boonse, abo bekala mundabala inene ya Samaliya balaakwishiba kwaamba ayi Lesa ngowacita boobo. Ono balo balalisumpula akwaamba ayi,

Osiya 4:11

Mwaami Lesa waamba ayi, “Waini upya alimwi aukulukulu utoomana bantu bangu maano akunyumfwisha shintu.

Osiya 5:5

Kulisumpula kwa bene Isilaeli kutoobashinina beene. Shibiibi shabo bene Isilaeli, ee, bene Efuleemu shilabawisha, ono abalo bene Juda balawa pantu pomwi ambabo.

Osiya 5:9

Efuleemu ulaakunyonyoolwa cakubabo luyanga pabushiku bwa bukali bwakwe Lesa. Nomikowa ine Isilaeli aya ngamakani a lushinisho ngoontokwaambilisha kuli ndimwe.”

Osiya 6:10

Nebo ndaboona cintu ciloondesha abuumbi muIsilaeli. Bantu bangu balibisha kwiinda mubufuule bwakulambila shibumbwabumbwa.

Osiya 7:5

Bushiku bwakusekelela bwa mwaami, bantu abo bakalengesha mwaami abacinenenene bakwe kukolwa. Mpeeke mwaami wakalinjishabo mulikoto lya baabo bakalinga kumupingite.

Bene Lefi 26:19

Ndaakumana cimpamya canu cakulisumpula, teshi kukabewo mfula. Aboobo cishi canu cilaakuboolabo nta anga nceela ca nshimbi.

Amosi 2:12

“Sombi mwebo mwakalengesha baNasili kunwa waini alimwi akukasha balaluki kulaluka.

Amosi 2:8

Kumisena yakulambililaako yoonse balo baloonabo pashakufwala nshebacatila bakandu ceebo ca nkongole. MuŊanda yangu neLesa balanwitamo waini uyo ngobanyaya baabo bakakweleta kuli mbabo.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Amosi 6:1

Mapensho kuli ndimwe nomushiite kwakubula cakulisukama muSiyoni, alimwi amwebo nomushiite muluumuno paKalundu ka Samaliya, nobacinenenene ba mushobo unene wa bene Isilaeli, uko bantu nkobacicila mukusenga lucafwo.

Amosi 6:4

Muloona pamalo akaboteshekwa ameeca a nsofu. Mulekala pashuuna shibotu abuumbi. Mulalya nyama ibotu ya bana bambelele aya boombe bakeenishikwa.

Amosi 6:6

Mwebo mulanwa mbale shiinji sha waini akunana mafuta eendaawo kubota. Sombi tamuungumani pakunyonyooka kwa cishi ca Isilaeli.

Amosi 6:8

Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”