Isaya 27:5 - Baibo Busansulushi Bwa Libuku Ili

⁵ Ono na balwani ba bantu bangu balisuni ayi noobatabilila, bataangune kusuminishanya luumuno anebo. Ncakwiila abasuminishanye luumuno anebo.”

Isaya 27:5 ပူးပေါင်းရင်းမြစ်များ

Jobo 22:21

“Ono Jobo libombye, cileke kupikishanya aLesa, ingaawo shintu ndyeshi shikweendele kabotu.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 26:12

“Ono swebo mulatupa luumuno noBaami baLesa ceebo ndimwe mutulengesha ayi tuswitilile mumilimo yoonse njetucita.

Isaya 42:19

Sa kuliiwo ushinkite matwi mbuli musebenshi wangu? Sa kuliiwo moofu mbuli shinkombe ngoontuma? Ngani ushinkite matwi wiinda shinkombe wangu? Anu ngani moofu uli anga ngumusebenshi wangu neMwaami Lesa?

Isaya 45:24

“Mukwaamba liina lyangu balaakunokwaamba ayi, ‘MuMwaami Lesa mweenkabo, momuli bululami alimwi ankusu.’ ” Boonse abo bandwana balaakwisa kuli ndime akulenshekwa nsoni.

Isaya 56:2

Muntu ucita boobo ulicite coolwe. Ncakwiila uyo ukakatila mukucita boobo, uyo ulama bushiku bwakookesha bwa Cibelu cakutalilengesha kutasalala alimwi utasuminishi maansaakwe kucita bubi, ulicite coolwe.”

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

Isaya 64:7

Taaku nabi womwi umupaila nabi ulwanisha kwaamba ayi mumucaafwe. Mwalishisa kuswa kuli ndiswe akutusuula ceebo ca shibiibi shesu.

Luka 13:34

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!

Luka 14:32

Aboobo na wabona kwaamba ayi inga tabacikoonshi, ulatuma beshikumwiimikanina kumwaaminyina kaacili kulaale ayi bakamusenge ayi batalwaani, pabebo kunyumfwana aluumuno pakati kabo.

Luka 19:42

Wakaamba ayi, “Awebo naakwiinga kooshi sheesho shintu sheenga shakuletela luumuno. Sombi mukubula coolwe shakashisikwa kuli ndiwe.

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Joshuwa 10:6

Mpeeke bene Gibyoni bakatuma maswi kuli Joshuwa wakalinga kuGilugala pamisumba ayi, “Mutatuleeki sweenka sobasebenshi banu. Amufwambaane mwise mutupulusheeko. Amutucaafwe ceebo bamaami boonse ba bene Amoli kuswa mucishi ca tulundu bapaankanya makoto a bashilumamba babo akulwana aswebo.”