Isaya 27:11 - Baibo Busansulushi Bwa Libuku Ili

¹¹ Misampi iyo na yayuma ilaponsoka. Lyalo banakashi balesa beebwesa yaya mukuba nkuni. Ceebo bantu aba tabanyumfwishishiiwo, aboobo Mulengi wabo taaciteewo coopa nkoye nabi nkumbu pali mbabo

Isaya 27:11 ပူးပေါင်းရင်းမြစ်များ

Kulumbaisha 106:40

Aboobo Mwaami Lesa wakakalalila bantu bakwe. Ee, bantu mbwaakasala bakamufundoosha kumoyo.

Isaya 1:3

Amubone ŋombe ilishi mwineyo ayalo mbongolo ilishi wiisanina. Sombi bantu bangu bene Isilaeli tabenshiiwo, ncakwiila bantu bangu tabanyumfwi.”

Isaya 18:5

Sombi bantu kabatana kutalika kutebula, maluba aakumana kulokaako kushisamu, minyansa yaakutalika kupya, balwani balaakunyonyoola bene Kushi cakufwambaana bweenka mbocibete cuubu cibeshi kutimbula misampi ya minyansa.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 43:7

Boonse mbantu bangu, ndakabalenga ayi banoompa bulemu.”

Isaya 44:2

Nebo ndime Mwaami Lesa uyo wakamulenga, ee, Lesa uyo wakabumba womwi awomwi pakati kanu mumala muli banyina alimwi Lesa uyo weshi akanoomucafwa. Mutaloondi nobasebenshi bangu bamulunyungu lwakwe Jakobo. Mwebo muli bantu abo mbondakasala alimwi mboonsuni.

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 5:13

Aboobo bantu bangu balaakuya mucishi ca busha ceebo cakutanyumfwa kwabo. Bamatanjilili babo balaakumana kufwa kunsala abantubo boonse balaakumana kufwa kunyotwa.

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 11:16

Nebo neMwaami Lesa ndakalinga kubeeta ayi cisamu cibotu abuumbi ca maolifi cicite shisepo shiboneka kabotu. Ono cisamu ico ndaakucitenta kukuyooma kuli anga nkululuma kwa mfula ayalo misampi ya ncico ndaakwiiponsoola.

Jelemiya 13:14

Kuswawaawo ndaakumana kubapwayoola anga ninongo mukuboomanya, bamanene abanike bweenka. Teshi nkabafwitewo nkumbu nabi paniini shakunkasha kubanyonyoola. Nebo neMwaami Lesa ndaamba.’ ”

Jelemiya 16:5

“Kuteelesha kwinjila muŋanda umo mubete shakulya sha pamalilo. Tooelete kuyaamo mukulila nabi kuungumana ambabo ceebo ndacileka kupa coolwe bantu aba, kubatondesha lusuno nabi kubafwita nkumbu. Nebo neMwaami Lesa ndaamba.

Jelemiya 25:37

Cishi canu ca luumuno cilaakunyonyoolwa ceebo ca bukali buyoosha bwa Mwaami Lesa.

Jelemiya 4:22

Mwaami Lesa waamba ayi, “Bantu bangu mbaluya, tabenshiiwo. Mbaana bafwite mitwi, tabacite maano akunyumfwisha shintu. Balicibwenebo kucita shibiibi, sombi kucita shibotu kulabaalila.”

Jelemiya 8:7

Nkobokobo shilishi ciindi ncesheelete kuboolelamo. Ashalo mpolobe, tumimbya amatongola shilishi ciindi ncesheelete kulonga. Sombi balo bantu bangu tabeshi nsheensuni nebo neMwaami Lesa.

Esekelo 19:12

Nakubi boobo cakashulwa mubukali buyoosha alimwi akuciwishisha panshi. Awalo muuwo wakwicwe wakalengesha shisepo sha ncico kunyana. Misampi ya ncico yakayuma akumana kupya kumulilo.

Esekelo 20:47

Lwiita misaansa ya kumalenge ayi nebo neMwaami Lesa Shinkusu shoonse ndaamba ayi, ‘Bona, ntooyanda kukumika mulilo uyo weshi ukatente shisamu shako shoonse, shitontola ashiyumu. Mulilo uyu teshi ukakonsheke kuushimya alimwi bantu boonse kuswa kumalenge kuya kumatwa balaakunyumfwa cikasaashi ca nguwo.

Esekelo 9:10

Aboobo teshi nkabafwitewo nkumbu nabi kubalangabo, sobwe. Sombi ndaakubacitila bweenka mbobakacitila bamwi.”

Osiya 4:14

Nakubi boobo teshi nkape mulandu bana banu banakashi ndibaya cicita bufuule, nabi kupa mulandu bamalokashi banu ndibaya cicita bulale mukwiinga mwebo nobeene mulaya cicita bulale akubenga milambu abafuule ba kushipaililo sha bakunsengwe. Ncakwiila bantu batacite maano balaakunyonyooka.

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Mateyo 13:15

Mukwiinga bantu aba mbeshicimpamya, alimwi bashinka mumatwi akucala meenso abo. Nakuteshi boobo naakwiinga kababonesha akunyumfwishisha akuba amyoyo yakusuna kukutika, kwaamba ayi basanduke kuswa kushibiibi shabo, ayi nebo neLesa mbashilike.’

Mateyo 13:19

Na bantu banyumfwa maswi a Bweene bwakwe Lesa cakubula kwaanyumfwisha, alakwe Satana ulesa wakushamo sheesho shashangwa mumyoyo yabo. Bantu bali boobo nshembuto shakalokela munshila.

Mateyo 3:10

Bulya keembe kakutimbwishako shisamu kumiyanda kalibambitwe kale. Aboobo, cisamu coonse citacati shisepo shibotu, cilaakutemwa akuwaalwa mumulilo.

Joni 15:6

Na umwi wabula kukalilila muli ndime, ulasowekwa bweenka mbuli musampi watemwa, aboobo ulayuma. Misampi ya mushobo uyo ilabunganishikwa akuwaalwa mumulilo yapya.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Bene Loma 1:31

Mbantu bataliseendi, tabashomeki, tabacite nkumbu alimwi aluse.

Dutolonomi 4:6

Amukeekonkele cakushomeka. Ico cilaakutondesha mishobo imwi busongo mbomucite akunyumfwishisha kwa shintu shoonse. Na bakanyumfwe milawo iyi, balaakwaamba ayi, ‘Mushobo uyu ngunene ulicite busongo bunene akunyumfwishisha kwa shintu shoonse!’

1 Bene Tesalonika 2:16

Bakeelesha kutukasha kushimikila Makani Abotu kubaswamashi bakunsengwe ayo Lesa ngweenga wabapulushishaamo. Paceebo ceeco balibunjikila shibiibi shabo shoonse, cakwaamba ayi bulya bukali bwakwe Lesa bwabashikila.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.