Isaya 27:1 - Baibo Busansulushi Bwa Libuku Ili

¹ Pabushiku ubo Mwaami Lesa ulaakusebensesha mupeeni wakwe wa nkusu alimwi ucaya, kupa mulandu Lefayatani, cisoka cilipeta cilya. Ee, kucaya shinshimwe wa mulweenge ulya.

Isaya 27:1 ပူးပေါင်းရင်းမြစ်များ

Jobo 26:13

Muuya wakwe ngowakalengesha ayi liculu litube. Lyaansa lyakwe ndilyakoma mulongolo wa mulweenge wakalinga kucica.

Jobo 3:8

Abo bacishi kushingana, abashingane bushiku ubo, ee, babushingane abo bacishi kweendelesha shinshimwe.

Jobo 40:19

Ngomunyama wiindaawo nkusu pabanyama boonse mbondakalenga. Nebo neenka nemulengi wa njiyo ndimebo neenga ndeekoma.

Jobo 41:1

“Sa webo inga wakonsha kuloba shinshimwe andoobo nabi kwaanga mulaka wakwe alutambo?

Kulumbaisha 104:26

Maato alaya akuboola peculu lya lweenge ulo. Mulweenge umo mwakabikaamo Lefiyatani, shinshimwe uyo ngomwakalenga ayi anoomusangalasha.

Kulumbaisha 45:3

Amukobeke mupeeni wanu kulubasu lwa kukasolo mwebo nobeshinkusu, mweende ca bwaami mubulemu bwanu.

Isaya 26:21

Amubone Mwaami Lesa ulaakuswa muŋanda yakwe ya kwiculu kwisa mukupa mulandu bantu bamucishi ca panshi ceebo ca shibiibi shabo. Cishi ca panshi cilaakuyubulula bulowa bwakatilwa muli ncico. Teshi cikashiseewo abo bakacaikwa.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Isaya 65:12

malwesa anu nkufwa lufu lubiibi. Ncakwiila mulaakumana kufwa kunkondo mukwiinga ndindakeeta tamukwe kukumbula, alimwi ndakaamba, sombi tamukwe kunkutika. Mwakacita bubi mumeenso angu mukusala kucita shitasangalashi ndime.”

Isaya 65:25

Muciindi ico baumpe balaakunoolyabo pantu pomwi ambelele. Inkalamu shilaakunoolya bwiisu anga niŋombe sombi yalo nsoka ilaakunoolya bulongo ono teshi shikanoolumaawo. Ncakwiila pakalundu kangu kasalalite teshi pakabewo ciluma nabi cinyonyoola.” Mwaami Lesa waamba.

Isaya 66:16

Mwaami Lesa ulaakoombolosha bantu boonse amulilo alimwi amupeeni. Ncakwiila Mwaami Lesa baanji ulaakubacaya.

Jelemiya 47:6

Mutootama ayi, ‘Maawe omupeeni wa Mwaami Lesa, citooba ciindi cilaamfu buyani koocayabo kwakutookesha? Boolela mucipokolo cako, wikale mumo kwaamba ayi wookeshe.’

Jelemiya 51:13

Mwebo nomushiite kufwaafwi amilonga iinji nomucite buboni buunji, ono bwamweela, cashikila ciindi canu cakufwa.

Jelemiya 51:34

Bene Jelusalemu baamba ayi, “Nebukadinesa mwaami wa bene Babiloni wakatumana. Watulengesha kufulungana akutusandula kuba nongo itacite cintu. Watuminabo anga ninsato akususha lifumo lyakwe ashoonse nshaakalinga kusuni. Lyalo wakashipulula mbwaatakalinga kusuni.”

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Amosi 9:3

Nabi bakayube paKalundu ka Kamelo, ndaakubayandoola kushikila nkabacaate. Nabi bakayube panshi peene palweenge lulaamfu, ndaakwaambila shinshimwe ayi abaluume.

Ciyubululo 12:3

Kwakaboneka acimwi cintu cikankamika kwiculu. Kwakaboneka shinshimwe musalala pyu, kaacite mitwi yosanwe ayobilo, meeca likumi alimwi amishini pamutwi womwi awomwi.

Ciyubululo 13:11

Kuswawaawo ndakabona munyama aumwi wakaswa mucishi ca panshi. Wakalinga kucite meeca obilo ali anga nga mbelele alimwi wakalinga kwaamba anga ngushinshimwe.

Ciyubululo 13:4

Bantu boonse bakalambila shinshimwe uyo mukwiinga wakapa munyama uyo nkusu shakwe. Alakwe munyama bakamulambila, kabaamba ayi, “Ngani uli anga ngumunyama uyu? Ngani weenga walwanaakwe?”

Ciyubululo 16:13

Kuswawaawo ndakabona bashikaswa botatwe bakalinga kuboneka anga mbabombwe. Bashikaswa aba bakalinga kuswa mumulomo wa shinshimwe, mulomo wa munyama alimwi awa mulaluki mubeshi.

Ciyubululo 17:1

Lyalo umwi munjelo pakati ka baabo bali bosanwe abobilo bakalinga kucite mbale shifongomene shosanwe ashobilo, wakesa mukundwiita ayi, “Kosa nkuboneshe mbuli mwanakashi mufuule uyo wakaya mpuwo mbweshi akapekwe mulandu, njendabala inene iyo ili pafwaafwi amilonga iinji.

Ciyubululo 17:15

Munjelo uyu alimwi wakaŋambila ayi, “Maanshi alya ngowalinga wabona kapashiite mwanakashi mufuule uyo aleemikanina mishobo, shishi, shikanda shipusenepusene alimwi amilaka.

Ciyubululo 19:21

Bashilumamba babo boonse bakacaikwa amupeeni uswa mukanwa lya wooyo wakalinga kutantite paliaki. Lyalo bayuni abo boonse bakalya mituntu iyo akukuta.

Ciyubululo 2:16

Ono sanduka kuswa kushibiibi shako. Na ubule kusanduka, ndaakwisabo onoono kuli ndiwe mukulwana abantu abo amupeeni uswa mumulomo wangu.’

Ciyubululo 20:2

Mpomunyaawo wakacata shinshimwe uyo, insoka itaanshi, nkokwaamba ayi Mubiibi nabi Satana akumwaanga myaaka ili cuulu.