Isaya 26:9 - Baibo Busansulushi Bwa Libuku Ili

⁹ Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.

Isaya 26:9 ပူးပေါင်းရင်းမြစ်များ

1 Makani 16:14

Mwaami Lesa, ngoLesa wesu, milawo yakwe ili mucishi ca panshi coonse.

Kulumbaisha 105:7

Mwaami Lesa, ngoLesa wesu, milawo yakwe ili mucishi ca panshi coonse.

Kulumbaisha 119:55

Mashiku ndamwiibaluka noBaami baLesa, alimwi ndakonkela milawo yanu.

Kulumbaisha 119:62

Ndabuka pakati ka mashiku ayi mulumbaishe. Ndamulumbaisha ceebo ca milawo yanu iluleme.

Kulumbaisha 130:6

Moyo wangu utoolindila Mwaami Lesa kwiinda abeshikulindilila mbobalindila kuca kwa bushiku. Ee, kwiinda abeshikulindilila mbobalindila kuca kwa bushiku.

Kulumbaisha 58:11

Lyalo bantu balaakwaamba ayi, “Anu ncakwiila nkocili cilambu ca baluleme. Ndushinisho nkwaali Lesa woombolosha nsengwe yoonse.”

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

Kulumbaisha 63:5

Moyo wangu ulaakukuta bweenka bukuta uli pakusekelela alimwi ndaakunokwiimba nyimbo shakumulumbaisha.

Kulumbaisha 64:9

Lyalo bantu boonse balaakuloonda. Shintu isho Lesa nsheshi akacite balaakunooshiyeeya alimwi balaakunooshimikilako bamwi.

Kulumbaisha 78:34

Ono kulilabo na wacaya bamwi, beenga bacalaawo bakalinga kusandukila kuli nguwe akumulambila.

Kulumbaisha 83:18

Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Isaya 55:6

Amulangoole Mwaami Lesa kaacicanika. Amupaile kuli nguwe cino ciindi kaacili pafwaafwi.

Malilo 2:19

Nyamuka ulile mashiku, ulile ciindi beshikulindilila mashiku ndibatalika kusebensa. Lilila Mwaami Lesa amoyo wako woonse. Ee, umulilile akumukombelela ayi bana bako abo batoowisooka kunsala kweela mikwakwa yoonse bapuluke.

Malilo 3:25

Mwaami Lesa ngumubotu kuli baabo balangila kuli nguwe. Ncakwiila ngumubotu kuli wooyo uyandoola lucafwo kuli nguwe.

Esekelo 5:15

Ncakwiila ndaakumulengesha kuba cintu ceelete kucobolwa akucelebulwa. Mulaakuba cintu cakucenjesheshaako alimwi cintu ciloondesha kumishobo imushingulukite. Ishi shilaakucitika bushiku ndaakumupa mulandu mubukali bwangu, ee, mubukali buyoosha alimwi amukumukalalila cankusu. Nebo neMwaami Lesa ndaamba.

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Maako 1:35

Bushiku bwakaboolaawo kumuyamaca, Jesu wakabuka akuswa muŋanda. Lyalo wakaswa mundabala akuya kumusena kwatakalinga kwikala bantu uko nkwaakaya mukupailila.

Luka 6:12

Muciindi ico Jesu wakaya kukalundu mukupaila alimwi bwakamucetabo kaapaila.

Ciyubululo 11:13

Paciindi ncemunya ici, kwakaba citentanshi cinene abuumbi. Mpeeke cipansha calikumi ca ndabala inene cakanyonyooka alimwi abantu bali 7,000 bakafwa. Lyalo bantu boonse bakacaala bakaloonda abuumbi akutalika kulumbaisha Lesa wa kwiculu ceebo ca nkusu shakwe.