Isaya 26:7 - Baibo Busansulushi Bwa Libuku Ili

⁷ “NoBaami baLesa mulalengesha nshila ya baluleme kubula mankununkunu. NoMululeme mulalengesha nshila sha batacite tumpenda kubula mfumpu.

Isaya 26:7 ပူးပေါင်းရင်းမြစ်များ

1 Makani 29:17

Ndishi kwaamba ayi mulabonabona mumoyo wa muntu uli woonse alimwi mulakondwa bantu bacite myoyo yakushomeka. Shintu shoonse ishi ndashipa cakulyaaba alimwi amoyo womwi. Ono bulya ndasangalala kubona abalo bantu banu baliiwo pano mbobapa cakulyaaba.

Jobo 31:6

Lesa ampiime pashipimo shalushinisho, utoocana kwaamba ayi nshicitewo mulandu.

Kulumbaisha 1:6

Ncakwiila Mwaami Lesa ulalama baluleme, sombi bamucita shibi balilulemebo mukunyonyooka.

Kulumbaisha 11:4

Mwaami Lesa mwaali muŊanda yakwe isalalite. Ncakwiila ulishiite pacuuna cakwe ca kwiculu. Bantu boonse ulibabwene kuli koonse alimwi ulishi shoonse nshebatoocita.

Kulumbaisha 11:7

Ee, Mwaami Lesa uliluleme, ulisuni micito iluleme. Ncakwiila baluleme balaakumubona.

Kulumbaisha 25:4

NoBaami baLesa, amuntondeshe nshila shanu, munjiishe mboonjelete kweenda pameenso anu.

Kulumbaisha 25:5

Amunjiishe akuntanjilila mulushinisho lwanu, mukwiinga ndimwe baLesa nomumpulusha. Lyoonse ndalangila lucafwo kuswa kuli ndimwe.

Kulumbaisha 27:11

Anu noBaami baLesa amunjiishe nshila shanu, amunyenshe munshila isalalite ya bululami, ceebo balwani bangu mbaanji abuumbi.

Kulumbaisha 5:9

Isho shaamba balwani bangu tashishomwa, mukwiinga balisunibo kunyonyoola. Maswi abo ngabotu alimwi ngabushicibusa, sombi muli kweena kwabucayi.

Tushimpi 11:5

Bululami bwa baabo batacite kampenda bulalengesha nshila yabo kutuba, sombi bamucita shibi balawishikwa kushibiibi shabo beene.

Tushimpi 20:7

Muntu ululeme taacite kampenda mubuumi bwakwe, balicite coolwe bana bakwe bakonkela bwikaalo bwakwe.

Tushimpi 21:8

Nshila ya muntu ucite mulandu njabucenjeshi sombi micito ya muntu utacite mulandu ililuleme.

Tushimpi 3:6

Koyeeya Lesa mumilimo yako yoonse alakwe ndyeshi akakululamikile nshila shako.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 52:12

Sombi teshi mukasweemo cakwiingana nabi cakunoonyumfwite boowa ceebo Mwaami Lesa ngweshi akanooli kunembo lyanu. Mwaami Lesa eenka ngweshi akanoomutabilila kwisule.

Isaya 57:2

Abo bekala buumi bubotu balenjila muluumuno. Kufwa kwabo kulaba nkoona ayi bookeshe.

Jelemiya 10:23

NoBaami baLesa, ndishi kwaamba ayi buumi buli mumuntu teshi bwaakwe, sobwe. Muntu taacite nkusu shakweendelesha buumi bwakwe.

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Sefaniya 3:5

Sombi Mwaami Lesa ululeme ucili mundabala iyo. Ulacita bululami, taaciti shilubo. Uloombolosha cakutanyengelela bushiku abushiku. Ciindi coonse taalilwi kucita boobo. Sombi bataluleme balabisha cakubula nsoni.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

1 Joni 3:10

Anu bupusano buliiwo pakati ka bana bakwe Lesa abana ba Mubiibi mboobu. Uyo woonse utaciti shiluleme nabi utasuni mubye, teshi mwanaakwe Lesa.

1 Joni 3:7

Nobana bangu, kutabi muntu nabi womwi weshi amucenjeeke. Uyo ucita shiluleme, uliluleme bweenka mbuli Klistu mbwaaluleme.