Isaya 26:5 - Baibo Busansulushi Bwa Libuku Ili

⁵ Abo balinaamuna ulababoosha panshi. Ndabala yabo uleenyonyoola. Lilinga lya njiyo ulalikuloola cakubabo lusuko.

Isaya 26:5 ပူးပေါင်းရင်းမြစ်များ

Kulumbaisha 79:8

Mutatupi milandu ceebo ca shibiibi shakacita bamashali besu bakulukulu. Amutunyumfwile nkumbu cakutacelwa. Twabula mbotucita pacikani ici.

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 14:13

Wakaamba mumoyo wako ayi, ‘Ntootanta kwiculu kwiine nkabike cuuna cangu ca bwaami peculu lya nyenyeenshi shakwe Lesa. Ndaakubika cuuna cangu peculu lya kalundu kakubunganinaawo, ee, peene pansonga ya kalundu kasalalite.

Isaya 2:12

Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

Isaya 24:10

Ndabala inene ya shimfulunganya ilya yacaala matongo. Mulyango wa ŋanda yomwi ayomwi ulicalitwe.

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Isaya 32:19

Nakubi kwaamba ayi imfula ya mabwe ilaakunyonyoola musaansa andabala yanu inene,

Isaya 47:1

Mwaami Lesa waamba ayi, “Ondabala ya Babiloni, seluka pacuuna ca bwaami, ukale panshi. Ee, kala mulusuko kuteshi pacuuna ca bwaami. Mukutakomwa wakalinga anga ngumooye utana kukumanawo kale amusankwa. Sombi bulya teshi unoocaambwa ayi mubombubombu ulamwa anga ndiyi.

Jelemiya 51:37

Cishi ca Babiloni cilaakuba matongo umo mweshi mukanookalabo bamwaaba. Cilaakuba cintu ceelete kuloondwa akusekwa. Taaku muntu nabi womwi weshi akekaleemo.

Jelemiya 51:64

Mpomunyaawo ukaambe ayi, ‘Bweenka bulya aBabiloni mbweshi akepile cakutafumpulukawo tubili ceebo ca mapensho ayo ngweshi nkamuletele. Ncakwiila bantu bakwe boonse balaakufwa.’ ” Makani akwe Jelemiya mpwaaela peenka apa.

Malilo 2:2

Cakutafwawo nkumbu, Mwaami Lesa wakanyonyoola mishi ya bamulunyungu lwakwe Jakobo yoonse. Mubukali bwakwe buyoosha wakawisha shiyubilo sha bamulunyungu lwakwe Juda. Wakawisha bwaami bwabo abaleli ba mumo mukubasebaanya.

Esekelo 26:11

Bashilumamba beshikulwanina pamaaki balaakuwuumuka mumikwakwa yoonse akucaya bantu bako kumupeeni. Macinko ako ayumu alaakuwishikwa.

Esekelo 28:17

Wakaba shikulisumpula ceebo ca bubotu bwako alimwi wakalengesha busongo kumana ncito ceebo ca bulemu bwako. Aboobo ndakakusowela pacishi ca panshi akukulengesha kuba cakucenjesheshaako bamaami bamwi.

Ciyubululo 18:2

Wakoolobesha ayi, “Yawa, yawa ndabala inene ya Babiloni! Yaba momwakwikala bashikaswa ba mishobo yoonse. Yaba momwakwikala shiyuni shitasalalite alimwi shilensha bunya.