Isaya 26:21 - Baibo Busansulushi Bwa Libuku Ili

²¹ Amubone Mwaami Lesa ulaakuswa muŋanda yakwe ya kwiculu kwisa mukupa mulandu bantu bamucishi ca panshi ceebo ca shibiibi shabo. Cishi ca panshi cilaakuyubulula bulowa bwakatilwa muli ncico. Teshi cikashiseewo abo bakacaikwa.

Isaya 26:21 ပူးပေါင်းရင်းမြစ်များ

Jobo 16:18

“Ono ocishi ca panshi utashisi shibiibi nshendacitilwa. Akwalo kulila kwangu kwakoombolosha kululeme kakuyabo kunembo.

Jobo 20:27

Liculu lilayubulula shibiibi shakwe. Acalo cishi ca panshi cilapa bukamboni bwakumushinina.

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 18:4

Mwaami Lesa wandwiita ayi, “Ndaakulanga panshi kuswa kwiculu mubuumwite akunokweebelabo kaandi mumusena umo moonkala bweenka bubala lisuba na lyashika pakati ka mutwi nabi bweenka buloka mume ciindi cakutebula.

Isaya 22:14

Mwaami Lesa, ee, Mwaami Lesa Shinkusu shoonse waŋambila ayi, “Cibiibi cabo teshi cikalekelelweewo kushikila bakafwe. Nebo neMwaami Lesa, Lesa Shinkusu shoonse ndaamba.”

Isaya 29:6

Mwaami Lesa Shinkusu shoonse ulaakwisa mukukupulusha acilulumo, citentaanshi alimwi acoongo cinene. Ulaakwisa amfuula ya muuwo, cipuupu cinene alinyaku lya mulilo ukali.

Isaya 65:6

“Amubone mulandu wabo ulilembetwe kale, ncakwiila teshi nkoomunebo, sombi ndaakuboosha cishole cikwene, ee, cishole pabubi ubo mbobakacita.

Isaya 65:7

Ndaakuboosha cishole pabubi bwabo abwakacita bamashali babo bakulukulu. Mukwiinga bakalinga kubenga milambu pamisena yakulambililaawo ya patulundu akubisha liina lyangu patulundu uto, ndaakubapa mulandu, ee, mulandu weelete pashintu shoonse nshebakacita kale kale.” Mwaami Lesa waamba.

Isaya 66:6

Amunyumfwe ciyobeyobe ico cili mundabala inene, amunyumfwe coongo citooswa muŊanda yangu. Ico ncoongo cangu nebo neMwaami Lesa ntooboosha shishole kubalwani bangu boonse kweelana ambobeelete.

Esekelo 8:6

Mpeeke Lesa wakaŋambila ayi, “Webo omuntu, washibona nshebatoocita kuno bene Isilaeli isho shilensha bunya? Shintu isho shitoontalamusha kuswa kumusena wangu usalalite akuyabo kulaale? Sombi ulaakubona ashimwi shilensha bunya shiinda sheeshi.”

Luka 11:40

Mwebo nobantu nobaluya! Sa te uyo wakalenga pansengwe ngowakalenga amukati?

Luka 11:50

Aboobo bantu ba cecino ciindi balaakupekwa mulandu ceebo ca balaluki boonse mbobakacaya kuswa kumatalikilo a cishi,

Ciyubululo 16:6

Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”

Ciyubululo 18:24

Ndabala inene ya Babiloni yakapekwa mulandu ceebo ca bulowa bwa balaluki alimwi abwa bashomi boonse bwakacanika mumo. Ee, abulowa bwa bantu boonse bakacaikwa mucishi ca panshi.