Isaya 26:20 - Baibo Busansulushi Bwa Libuku Ili

²⁰ Kamuya nobene misheesu, amunjile mumaandaanu. Amulicalile mushipinda shanu kushikila bukali bwakwe Lesa bwiinde.

Isaya 26:20 ပူးပေါင်းရင်းမြစ်များ

Matalikilo 7:1

Mwaami Lesa wakaambila Nowa ayi, “Njila mubwaato abamuŋanda yako boonse. Ndacana kwaamba ayi pabantu boonse mucishi ca panshi ndiwe ucitabo shiluleme.

Matalikilo 7:16

kweelana aLesa mbwaakaamba. Lyalo Mwaami Lesa wakacala cisasa Nowa ndyaakenjila mubwaato.

Jobo 14:13

“Ono nicabota abuumbi nimwanshisa mumusena wa bafu, kunshisa kushikila bukali bwanu bukeende, lyalo inga mwabamba ciindi cakunjibaluka.

Kulumbaisha 143:9

NoBaami baLesa amumfuune kubalwani bangu, ceebo muli ndimwe moonjuba.

Kulumbaisha 17:8

Amundaame kabotu bweenka bulamwa liinso, amunshiise muliimfwa lyanu bweenka nkuku mboifukatisha baana.

Kulumbaisha 27:5

Muciindi ca mapensho ulaakunshisa, ulaakundama kabotu muŊanda yakwe isalalite, ee, ulaakumbika pamusena pataaku cakulibilika.

Kulumbaisha 30:5

Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.

Kulumbaisha 31:20

Bantu abo mulabashisa muliimfwa lyanu, kubashisa kuswa kumiyeeyo ibiibi ya balwani. Mulabashisa mumusena wanu mutaamu cakulibilika ayi bafunwe kumatushi aswa kubalwani babo.

Kulumbaisha 32:7

Muli ndimwe ndushinisho moonjuba. Mulamfuna kumapensho angu oonse. Aboobo ndeemba palupulusho lwanu ceebo mulamfuna.

Kulumbaisha 57:1

Amunyumfwile nkumbu nobaLesa, amunyumfwile nkumbu, mukwiinga muli ndimwe moonshisa buumi bwangu. Ndanooyubite mushimfule sha mapapaminwa anu, kushikila ciindi cakunyonyoolwa ici cikeende.

Kulumbaisha 57:2

Ndapaila kuli Lesa Shinkusu shoonse, ee, kuli Lesa uyo ucita kweelana akuyanda kwakwe pali ndime.

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Kulumbaisha 91:4

Ulaakumufwekelela mumapapaminwa akwe, ee, mumapapaminwa akwe mweshi mukabe ciyubilo canu. Kushomeka kwakwe kulaakumutabilila anga ndiyawo nabi lubumbu lwa ndabala.

Kulumbaisha 94:13

Mulamupa kookesha kuswa kuciindi ca mapensho, kushikila cilindi cakabwa ayi bamucita shibi bawiteemo.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Tushimpi 22:3

Muntu ucenjete ulabona mapensho ali kunembo akwaayuba, sombi muluya ulaya mukulinjishamobo akupengelaamo.

Isaya 10:25

Coonoonobo bukali bwangu pali ndimwe butoomana. Lyalo ntoobukila mbabo kwaamba ayi mbanyonyoole.

Isaya 10:5

Mwaami Lesa waamba ayi, “Mapensho kuli ndiwe Asilya! Ee, ndiwe nsebensesha anga nimpimfwa ya kuumisha baabo bankalasha.

Isaya 13:5

Bashilumamba abo batooswa kushishi sha kulaale. Ncakwiila batooswabo kwiine kweela cishi ca panshi. Mwaami Lesa mubukali bwakwe utoosa mukunyonyoola cishi ca Babiloni coonse.

Isaya 34:2

Mwaami Lesa wakalalila baswamashi boonse, bukali bwakwe buli pamakoto abo oonse a bashilumamba. Boonse ulaakubanyonyoola cakumaninina. Ulaakubaaba ayi bacaikwe.

Isaya 51:16

Ndakafungulula liculu akuyaka lwiimbi lwa cishi ca panshi. Bene Jelusalemu ndabaambila ayi, ‘Mwebo muli bantu bangu! Ndakamupa milawo yangu alimwi ndamutabilila alyaansa lyangu.’ ”

Isaya 51:4

“Amukutike nobantu bangu, ee, amuteye matwi kuli ndime nomushobo wa bantu bangu. Milawo ilaakuswa kuli ndime. Lyalo bululami bwangu bulaakumunikila bantu boonse.

Isaya 66:14

Ici mwaakucibona, myoyo yanu ilaakusangalala. Lyalo mulaakunoonemfumabo anga ngumweemfu mukuswitilila. Nkusu shangu nebo neMwaami Lesa, shilaakuboneka kubasebenshi bangu. Sombi balwani bangu ndaakubatondesha bukali bwangu.”

Jelemiya 31:14

Bapailishi ndaakubapa shakulya shiinji shibotu akupa bantu bangu shoonse shiyandika mubuumi bwabo. Nebo neMwaami Lesa ndaamba.”

Jelemiya 7:23

Sombi ndakabapa amulawo wakwaamba ayi kabanyumfwila ingaawo nkabe Lesa wabo abalo bakabe bantu bangu. Beende munshila shangu isho nshendakaambila kwaamba ayi shintu shinoobeendela kabotu.

Esekelo 11:16

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Nakubi kwaamba ayi ndakamutandila pakati ka mishobo imwi kulaale akumupalanganishisha mushishi shimwi, kwaciindi ciniini ndalinga kumufunaako mushishi umo momwakaya.’

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Sefaniya 2:3

Amuyandoole Mwaami Lesa noonse mwebo nobantu babombu ba mucishi, mwebo nomukonkela milawo yakwe. Amuyandoole bululami alimwi mulibombye. Mpashi mulaakutabililwa pabushiku Mwaami Lesa ndyeshi akatondeshe bukali bwakwe.

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Mateyo 6:6

Sombi mwebo pakupaila, amunjile muŋanda yanu akucala kumulyango, lyalo mupaile kuli Ishiwanu utaboneki. Ishiwanu ubona shabushishi ulaakumulambula.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse