Isaya 26:2 - Baibo Busansulushi Bwa Libuku Ili

² Amucalule minjililo ya ndabala kwaamba ayi mushobo ululeme unjile, ee, unjile mushobo uyo ushomeka.

Isaya 26:2 ပူးပေါင်းရင်းမြစ်များ

Kulumbaisha 106:5

kwaamba ayi nkasangalale mukuswitilila kwa baabo mbomwakasala. Ee, kwaamba ayi anebo nkabeeko lubasu mukusangalala kwa mushobo wanu akumulumbaisha pantu pomwi abantu banu.

Kulumbaisha 118:19

Amuncalwite mulyango wa kuŊanda yanu, ndaakwinjila akulumba Mwaami Lesa.

Kulumbaisha 118:20

Uyu ngomulyango wa Mwaami Lesa, mpowaawa pakonsha kwinjililabo baluleme.

Kulumbaisha 24:7

Amushiye nshila inene nominjililo ya ndabala, amucaluke noshisasa shikulukulu, kwaamba ayi Mwaami shibulemu enjile.

Kulonga 19:6

Mulaakuba bantu balibengetebo muli ndime neenka, alimwi mulaakusebenselabo ndime milimo ya bupailishi.”

Isaya 45:25

Balo bamulunyungu lwakwe Jakobo, nebo neMwaami Lesa ndaakubalulamika alimwi balaakunoonumbaisha.

Isaya 54:14

Koombolosha kwakutanyengelela abululami bulaakukushimpya. Kulyatililwa alunkutwe shilaakunooli kulaale awebo. Taaku nabi comwi nceshi ukanoolisukama. Shakuloondaloonda shilaakumaninabo limwi, cakutashinyumfwaawo tubili pafwaafwi awebo.

Isaya 54:17

Sombi taaku cakulwanisha ceshi cikakonshe kumucisa. Abalo abo bamupa milandu mulaakuba ashakubakumbula. Ici cilaakuba ncecilambu ca basebenshi bangu.” Mwaami Lesa waamba.

Isaya 58:8

“Ncakwiila mwaakucita boobo coolwe canu cilaakubalabo anga nkumuyamaca. Kushilikwa kwanu kulaakufwambaana kuba. Mpeeke bululami bulaakunoomutanjilila akwalo kwisule lyanu kulaakunoobabo bulemu bwangu nebo neMwaami Lesa.

Isaya 60:11

Minjililo yako ilaakunookalabo keecalukite. Teshi ikanoocalwaawo malumwi amashiku kwaamba ayi bantu bakakuletele buboni bwa bamumishobo imwi. Bamaami babo balaakunooli pamulongo wa beshi bakanoosekelela kukoma.

Isaya 60:18

Mucishi cako teshi mukanyumfwikewo tubili shankondo abucayi. Cishi cako teshi cikanyonyoolwewo tubili. Ndaakunookufunabo anga ndilinga liyumu, paceebo ceeco ulaakunumbaisha ceebo ndakupulusha.

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Isaya 62:1

Ceebobo cakusuna Siyoni teshi ncale mulomo. Ee, ceebobo cakusuna Jelusalemu teshi ngumuneewo, kushikila bululami bukabale anga ncitubilishi cakumuyamaca, alimwi alwalo lupulusho lukamunike anga ncimunimweenge.

Isaya 62:10

Nobene Jelusalemu, amuswe mundabala muye mukabambe mukwakwa wa bene mishaanu batoopiluka. Amubambe mukwakwa unene akukushaamo mabwe. Mishobo imwi amwiinyamwite mbembela kwaamba ayi banooibona.

Isaya 62:2

Mishobo imwi yoonse ilaakubona bululami bwako. Bamaami boonse balaakubona bulemu bwako. Balaakunookwiita liina lipya ilyo Mwaami Lesa mwiine ndyeshi akakupe.

Sekaliya 8:20

Mwaami Lesa Shinkusu shoonse waamba ayi, “Ciindi cilaakushikila ba mumandabala amwi aanji ndyeshi bakese kuJelusalemu.

Milimo ya Batumwi 2:47

Bakalinga kulumbaisha Lesa, mpeeke abantu boonse bakakondwa ndibakabona ncito yabo. Alakwe Mwaami wakalinga kuletelamo bantu abamwi inshiku shoonse mulikoto lyabo, abo bakalinga kupulushikwa.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

2 Pita 3:13

Sombi swebo tutoolindila liculu lipya alimwi acishi ca panshi cipya, kweelana aLesa mbwaakashomesha, umo mweshi mukanoolibo bululami.

Judi 1:3

Nomusunikwi, ndakalinga kusuni abuumbi kumulembela nkalata kwaamba ayi musansulwite lupulusho ndotucite swebo sobashomi soonse. Sombi ndakabona kwaamba ayi inga cabota kumulembela nkalata yakumuyumya ayi mulame camaansa obilo lushomo ulo Lesa ndwaakapa bantu bakwe linkanda lyomwibo.

Ciyubululo 21:24

Lyalo bantu ba mishobo yoonse balaakweenda mumumuni wa njiyo, abalo bamaami ba mucishi ca panshi balaakuleta bubile bwabo mundabala inene iyo.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.