Isaya 26:19 - Baibo Busansulushi Bwa Libuku Ili

¹⁹ “Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Isaya 26:19 ပူးပေါင်းရင်းမြစ်များ

Jobo 14:8

Ee, nabi miyanda ya ncico yacembela alimwi acalo cishiki cayuma mubulongo,

Jobo 29:19

Ndakalinga mbuli cisamu cicite miyanda ili mumaanshi ayalo misampi ya ncico keetontola kumume mashiku.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulumbaisha 22:15

Mukanwa mwangu mwayuma nta anga ncikula, awalo mulaka wangu wacatilila kwiculu. Mwebo mwandekelesha ayi ndifwiite mulusuko.

Kulumbaisha 22:29

Balisumpula boonse balaakufukama pameenso akwe. Muntu woonse uboola kubulongo, ulaakufukama kunembo lyakwe. Nkokwaamba ayi uyo woonse weenga taalilamini buumi.

Kulumbaisha 71:20

Mwakatuma makatasho amapensho pali ndime. Sombi ndishi kwaamba ayi mulaakumbooshamo nkusu. Ncakwiila mulaakumbusha alimwi kuswa kuunshi lya nshi.

Kulumbaisha 88:11

Sa lusuno lwanu lutamaani lulaambwa amucuumbwe? Sa kushomeka kwanu kulaambwa mumusena wakunyonyookelaamo?

Isaya 18:4

Mwaami Lesa wandwiita ayi, “Ndaakulanga panshi kuswa kwiculu mubuumwite akunokweebelabo kaandi mumusena umo moonkala bweenka bubala lisuba na lyashika pakati ka mutwi nabi bweenka buloka mume ciindi cakutebula.

Isaya 25:8

Ncakwiila Mwaami Lesa, ee, Mwaami Lesa Shinkusu shoonse ulaakulobya lufu kwamuyayaya! Ulaakukunkumuna minsonshi mumeenso a muntu woonse akumukusha musebaanyo uyo bantu bakwe ngobakalingaawo mucishi. Mwaami Lesa waamba!

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.

Danyelo 12:2

Bantu baanji baanji abo boona mubulongo bwa cishi ca panshi balaakubuka. Bamwi balaakubukila kuba abuumi butamaani, sombi bamwi balaakubukila kulenshekwa nsoni akuba cintu ceelete kushibulukwa kwalyoonse alyoonse.

Osiya 13:14

“Ndaakubapulusha kuswa kunkusu sha musena wa bafu. Ndaakubalubula kuswa munkusu sha lufu. Myaalu yako olufu ili kuli? Kunyonyoola kwako omusena wa bafu kuli kuli? “Teshi nkabeewo ankuumbu pabantu aba.

Osiya 14:5

Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.

Osiya 6:2

Muciindi ciniinibo ulaakutubusha, ee, munshiku shobilo nabi shotatwe ulaakutubusha kwaamba ayi tube abuumi pameenso akwe.

Sekaliya 8:12

“Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.

Mateyo 27:52

Shuumbwe shakacalooka, mpeeke bantu baanji bakafwa kabashoma muli Lesa, bakabushikwa kuswa kubafu.

Mateyo 27:58

Muntu uyu wakaya kuli Pilato mukusenga mutuntu wakwe Jesu. Mpeeke Pilato wakasuminisha ayi bamupe mutuntu uyo.

Milimo ya Batumwi 24:15

Ntoolangila muli Lesa, bweenka mbuli mbobalangila aba, ayi bantu boonse bali kabotu abatabete kabotu pameenso akwe Lesa, balaakubuka kuswa kubafu.

1 Bene Kolinto 15:20

Ono ncakwiila Jesu wakabushikwa kuswa kubafu akuba citondesho cakwaamba ayi uyo woonse eshi akafwe, ulaakubushikwa kuswa kubafu.

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

Dutolonomi 32:2

Kwiisha kwangu kube anga nimfula, amaswi angu aloke anga ngumume, anga nimfula pamweemfu, nabi mfula inene pamimeno.

Dutolonomi 33:13

Kumukowa wakwe Josefu wakaamba ayi, “Mwaami Lesa aape cishi cabo coolwe kwiinda mukubapa mfula kuswa kwiculu, akwiinda mukubapa maanshi aswa panshi.

Dutolonomi 33:28

Aboobo bene Isilaeli balekala muluumuno, bamulunyungu lwakwe Jakobo tabalokelwi kalongo mucishi muswite shili anga ngamaila awaini, uko mume nkooloka kuswa kwiculu.

Bene Filipi 3:10

Ndisuni kwishiba Klistu ankusu shakubuka kwakwe kuswa kubafu, kukoshanyaakwe mumapensho akuba mbuli nguwe mulufu lwakwe.

Bene Filipi 3:21

Lakwe ulaakusandula mibili yesu ilefukite ya buntu kwaamba ayi ikabe mbuli mubili wakwe wa bulemu. Ulaakucita boobo munkusu shakwe isho shikoma shintu shoonse akushilela.

1 Samwelo 2:6

Mwaami Lesa ngooleta lufu akupa buumi. Ulatuma bantu kumusena wa bafu akubapilusha kubuumi.