Isaya 26:18 - Baibo Busansulushi Bwa Libuku Ili

¹⁸ Ee, twakalinga anga ngushilifumo alimwi twakanyonwa akupenga. Nakubi boobo twakatumbukabo muuwo. Tatukwe kuleta lupulusho pacishi cino. Ncakwiila taaku mpindu njetwabonaawo naciceyi.

Isaya 26:18 ပူးပေါင်းရင်းမြစ်များ

2 Baami 19:3

Isaya bakamulwiita ayi, “Mwaami Esekiya waamba ayi, ‘Sunu mbushiku bwa buumba, mapensho alimwi bwa nsoni. Twaba anga ngumwanakashi usuni kutumbuka, sombi wabula nkusu shakutumbuka.

Kulumbaisha 17:14

Amumfuune kubantu babiibi ba mushobo uyu. Amumpulushe alyaansa lyanu noBaami baLesa, mukwiinga balo caabo mbuumibo buno bweenka. Amubapoomwete mapensho ayo ngomwakabasungila. Kubana babo akeendeewo tibili akubamashikulu babo.

Isaya 33:11

Mulapangana shifwite alimwi shoonse nshemucita taaku mboshibete. Ncakwiila mulalinyonyoola nobeene.

Isaya 37:3

Isaya bakamulwiita ayi, “Mwaami Esekiya waamba ayi, ‘Sunu mbushiku bwa buumba, mapensho alimwi bwa nsoni. Twaba anga ngumwanakashi usuni kutumbuka, sombi wabula nkusu shakutumbuka.

Isaya 59:4

Taaku nabi womwi ulilila koombolosha kululeme alimwi taaku waamba mulandu wakwe kunkuta mulushinisho. Boonse balacinka manungo mukwaamba uko kutaaku mbokubete, kwaamba kwabubeshi. Balamita makatasho akutumbuka bubi.

Osiya 13:13

Bene Isilaeli balicite ciindi cakunoocili boomi, sombi tabacite maano akusebensesha ciindi ico. Bali anga ngumwaana weelete kushalwa, sombi taacite maano akuswa mulifumo lya banyina.

Joni 7:7

Mwebo bantu ba mucishi ca panshi tabamupatiteewo, sombi nebo balimpatite mukwiinga lyoonse ndabaambila ayi micito yabo njibiibi.

1 Joni 5:19

Tulishi kwaamba ayi tuli bakwe Lesa nabi bantu bamwi boonse batokweendeleshekwa aMubiibi.

1 Samwelo 11:13

Sombi Saulo wakaamba ayi, “Sobwe! Taakuuwo eshi acaikwe sunu, mukwiinga buno mbobushiku Mwaami Lesa mbwaafuna bene Isilaeli.”

1 Samwelo 14:45

Sombi bashilumamba bakaambila Saulo ayi, “Jonasani inga wafwa buyani? Jonasani ngowalengesha ayi bene Isilaeli bakome munshila ikankamanisha. Sobwe! Mbuli Mwaami Lesa mbwaali muumi, taaku mususu nabi womwi weshi ulokele panshi kuswa mumutwi wakwe Jonasani. Mukwiinga ico ncaacita sunu cacitwa kwiinda mukucafwikwa aLesa.” Munshila iyo bantu abo bakafuna Jonasani ayi atacaikwi.