Isaya 26:14 - Baibo Busansulushi Bwa Libuku Ili

¹⁴ Ono bulya balifwite, ncakwiila tabacibete boomi. Teshi bakabukeewo musongo ceebo mwebo mwabapa mulandu akubanyonyoola. Ndushinisho taaku eshi akabeebalukeewo tubili.

Isaya 26:14 ပူးပေါင်းရင်းမြစ်များ

Jobo 18:17

Impuwo yakwe kumishaabo akumisena ya kulaale yamana. Taaku muntu nabi womwi ucimwiibaluka.

Jobo 24:20

Abalo banyina balamulubaako. Mapila aalo alamulya cakutamushiyaako. Ulanyonyoolwabo bweenka bunyonyoolwa cisamu cawa.

Jobo 7:9

Bweenka mbuli likumbi mbolisunguluka akumana, mbweeke ubo alakwe uya mucuumbwe mbwaalobelabo limwi.

Kulumbaisha 106:28

Lyalo bantu abo bakalambila Baala, lesa wa kuPeyoli, akulya milambu yakabengwa kubalesa batayooyi.

Kulumbaisha 109:13

Bamulunyungu lwakwe boonse abamane kufwa, cakwaamba ayi kutakabi wiibaluka liina lyakwe mulishalane litoosa.

Kulumbaisha 135:17

Matwi balicite, sombi tabanyumfwi alimwi tabakoonshi akuyoya.

Kulumbaisha 36:12

Amubone bamucita shibi balibo kampa kampa panshi. Mwabawisha alimwi tabakoonshi kubuka napaceyi.

Kulumbaisha 59:5

NoBaami baLesa Beshinkusu shoonse, baLesa ba bene Isilaeli. Amunyamuke mupe mulandu bakunsengwe boonse. Mutalekeli nabi womwi pabaabo baashu bapinga kuncaya pataapu aceebo.

Kulumbaisha 9:6

Balwani besu bakanyonyoolwa cakumaninina, mandabalaabo mwakaanyonyoola akwaalobya, nkokwaamba ayi teshi bakeebalukwewo tubili.

Kulonga 14:30

Anu pabushiku ubo, Mwaami Lesa wakapulusha bene Isilaeli mumaansa abene Ijipiti, alimwi bene Isilaeli bakabona bene Ijipiti bafwite kabaseela muloombe lwa lweenge.

Tushimpi 10:7

Bantu baluleme balayeeyekwa anga ncoolwe, sombi lakwe mucita shibi ulaakufwambaana kulubwa.

Shikushimikila 9:5

Bantu boomi balishi ayi balaakufwa, sombi bafwite balo taaku ncebeshi. Taaku cilambu ncebakonsha kupekwa, camana balubwa!

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Isaya 29:6

Mwaami Lesa Shinkusu shoonse ulaakwisa mukukupulusha acilulumo, citentaanshi alimwi acoongo cinene. Ulaakwisa amfuula ya muuwo, cipuupu cinene alinyaku lya mulilo ukali.

Isaya 37:19

Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Mateyo 2:20

akumwaambila ayi, “Nyamuka, ubooshe mwaana abanyina kucishi ca Isilaeli, mukwiinga abo bakalinga kuyanda kucaya mwaana bakafwa.”

Dutolonomi 4:28

Uko mulaakunoosebensela balesa bakupanga amaansa, mbuli balesa ba shisamu aba mabwe abo batalashi, batanyumfwi, batalyi nabi kunyumfwa bweema.

Ciyubululo 20:5

Uku nkokubushikwa kuswa kubafu kwakutaanguna. Bafu boonse bakacaala, tabakwe kubuka kushikila myaaka ilya ili cuulu ndiyakamana.