Isaya 26:12 - Baibo Busansulushi Bwa Libuku Ili

¹² “Ono swebo mulatupa luumuno noBaami baLesa ceebo ndimwe mutulengesha ayi tuswitilile mumilimo yoonse njetucita.

Isaya 26:12 ပူးပေါင်းရင်းမြစ်များ

Kulumbaisha 29:11

Mwaami Lesa ngoopa bantu bakwe nkusu, alimwi ulapa bantu bakwe coolwe ca luumuno.

Kulumbaisha 57:2

Ndapaila kuli Lesa Shinkusu shoonse, ee, kuli Lesa uyo ucita kweelana akuyanda kwakwe pali ndime.

Kulumbaisha 57:3

Ulakumbula kusenga kwangu kuswa kwiculu akumpulusha. Abo bantandaanya ulabakalalila. Munshila iyo ulantondesha lusuno lwakwe lutamaani, ulantondesha akushomeka kwakwe.

Kulumbaisha 68:28

NobaLesa, amwiite nkusu shanu. Amututondeshe nkusu shanu nobaLesa, bweenka mbomwakalinga kucita.

Kulumbaisha 90:17

Nobaami baLesa, baLesa besu nkumbu shanu shibe aswebo. Amutulengeshe kuswitilila mushintu shoonse nshetucita.

Isaya 26:3

Mwebo noBaami baLesa, mulapa luumuno lwiine lwiine kubaabo bashomeka lyoonse ceebo cakucinka manungo muli ndimwe.

Isaya 27:5

Ono na balwani ba bantu bangu balisuni ayi noobatabilila, bataangune kusuminishanya luumuno anebo. Ncakwiila abasuminishanye luumuno anebo.”

Isaya 29:23

Baakubona baana mbweshi nkabape, balaakusumina ayi ndime Wooyo Usalalite wa bamulunyungu lwakwe Jakobo. Lyalo balaakunoondemeka neLesa wa bene Isilaeli.

Isaya 32:18

Lyalo bantu bangu balaakwikala mumaanda a luumuno, mutaamu cakulisukama alimwi mutaamu cibapilinganya.

Isaya 57:10

Isho nshemucita shilamulemya, sombi taaku ndyemusuminaawo ayi taaku mboshibete. Mulayeeya ayi balesa banu balamupa nkusu, aboobo tamulefukiiwo.

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 33:6

“ ‘Nakubi boobo, ndaakushilika ndabala inene ino abantu bekalaamo akubalengesha kuba abuumi bubotu alimwi. Ndaakubatondesha luumuno luunji akubalengesha kwikala cakubula kulisukama.

Esekelo 20:14

Sombi nshikwe kucita boobo ceebo ico nicakalengesha liina lyangu kumana bulemu mukwiinga pameenso a baswamashi ndakakusha bene Isilaeli muIjipiti.

Esekelo 20:22

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi ndakakusha bene Isilaeli muIjipiti.

Esekelo 20:9

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi abo mbobakalinga kwikalaabo, ndakabashomesha bene Isilaeli ayi ndaakubakusha muIjipiti.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Shakubelenga 6:26

Mwaami Lesa amunyumfwile nkumbu akumupa luumuno.’”

Joni 14:27

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.