Isaya 26:10 - Baibo Busansulushi Bwa Libuku Ili

¹⁰ Na nkuumbu shatondeshekwa kumucita shibi, ndushinisho bululami taabwiiyiiwo napaceyi. Lakwe pakati ka bantu baluleme micito yakwe njakusendamya alimwi taalemeki Mwaami Lesa napaceyi.

Isaya 26:10 ပူးပေါင်းရင်းမြစ်များ

2 Baami 13:6

Sombi bakatolelela kucita shibiibi shakalinga kucita Jeloboamu isho nshaakalengesha bene Isilaeli kucita. Ncakwiila Bakatolelela kubisha alimwi cikoshanyo cakwe Ashela lesa mwanakashi cakalingaamobo mundabala ya Samaliya.

Kulumbaisha 106:43

Mankanda maanji Mwaami Lesa wakalinga kubafuna, sombi balo bakalinga kumubukila cakutacilekaawo. Paceebo ceeco shibiibi shabo shakeendaawo kufula.

Kulumbaisha 143:10

Amunjiishe kucita kweelana akuyanda kwanu, ceebo ndimwe baLesa bangu. Mushimu wanu ubotu auntanjilile munshila shitacite shakulisukama.

Kulumbaisha 69:27

Ono milandu yabo muyiilinkanye, alimwi mutakabalekeleliiwo mulandu nabi womwi.

Kulonga 8:15

Ono mwaami Falawo ndyaakabona ayi babombwe bafwa, wakaba shicimpamya alimwi. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Kulonga 9:30

Sombi ndishi kwaamba ayi mwebo abacinenenene banu abobulya tamuna kutalika kuloonda Mwaami Lesa.”

Kulonga 9:34

Ono mwaami Falawo ndyaakabona kukalooka, mabwe alimwi amfuula shamana, wakabisha alimwi. Lakwe alimwi abacinenenene bakwe bakatolelela cimpamya.

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Shikushimikila 3:16

Lyalo ndakabona cintu cimwi pacishi ca panshi. Pamusena wakoombolosheshaawo, bubi bwakalingaawo. Pamusena wakoombolosha cakutanyengelela, bubi bwakalingaawo.

Shikushimikila 8:11

Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.

Isaya 1:21

Amubone bamundabala inene abo bakalinga kushomeka ono batalika bufuule bwakulambila balesa bamwi. Muciindi cimwi ndabala iyi yakalinga kuswitebo bantu bakalinga kucita shiluleme, ee, bantu batacite tumpenda. Ono mwacaalabo bacayi.

Isaya 2:10

Nobantu, amuyube mushimfwengo mutulundu twa myaandami, nabi kukaba shilindi kwaamba ayi mucice bukali bwa Mwaami Lesa akuyuba nkusu abulemu bwakwe.

Isaya 24:5

Ceebo bantu bacilengesha kutanoosalalite kwiinda mukupwaya milawo yakwe Lesa. Ee, bakapwaya cipangano ico ncaakapanga ambabo kwaamba ayi cikanooliikobo kwalyoonse alyoonse.

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Isaya 32:6

Ceebo muluya ulaambabo shabuluya bwakwe. Kalango kakwe kulitaatitwebo kuyeeya bubi. Uleelibalabo kucita shintu shiteshi shabulesa akumwaya lwiisho lubisha liina lya Mwaami Lesa. Bafwite nsala ulabalekabo ansala yabo. Abalo bafwite nyotwa ulabeema maanshi.

Isaya 32:7

Nshila sha muntu ushishimfulunganya nshabubi alimwi ulapanga miyeeyo ibiibi. Lakwe ncaapingabo, nkunyonyoola bakandu kwiinda mubunkulwe bwakwe nakubi kwaamba ayi shaamba bakandu shililuleme.

Isaya 5:12

Pakusekelela kwabo balalishilwa tulumbu tunene atuniini, misebe amitoolilo akunwa waini. Sombi kumilimo ya Mwaami Lesa tababikiiko amaano. Ncakwiila milimo ya maansaakwe baleesuula.

Jelemiya 2:7

Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.

Jelemiya 31:23

Mwaami Lesa Shinkusu shoonse, Lesa wa bene Isilaeli waamba ayi, “Ndaakumana kubaboosha kuswa mubusha, bantu ba mucishi ca Juda amumandabala a njiyo balaakutalika alimwi kusebensesha maswi akwaamba ayi, ‘Mwaami Lesa aakupe coolwe, webo Omusena ululeme wa Jelusalemu. Aape coolwe kuli ndiwe Okalundu kasalalite.’

Osiya 11:7

Bantu bangu balishinishite kumfutatila. Paceebo ceeco balaakulila ceebo ca lijoko lili panshingo shabo, sombi taaku muntu weshi akabaangululeko lijoko ilyo.

Osiya 13:6

Ndindakamusanina mucishi cibotu mwakalinga kukuta. Ono ingayi mutalike kukuta mwakalisumpula. Lyalo nebo mwakandubaako.

Osiya 9:3

Mwebo nobene Isilaeli teshi mukanoocishiite mucishi ca Mwaami Lesa. Mwebo nobene Efuleemu mulaakuboolela kucishi ca Ijipiti mubusha. Mulaakuya mukunoolya shakulya shitasalalite kweelana aMilawo kuAsilya.

Mika 2:10

Amunyamuke, munooya mukwiinga uno teshi musena wanu wakookesheshaawo. Shibiibi shanu shalengesha musena uno kutaba usalalite. Ncakwiila ulaakunyonyoolwa cakumaninina.

Mateyo 4:5

Kuswawaawo Mubiibi uyo wakatola Jesu kuJelusalemu, ndabala inene isalalite, akumubika pakansunswa ka ciluli ca Ŋanda yakwe Lesa.

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

Ciyubululo 2:21

Ndakamupa ciindi cakwaamba ayi asanduke kuswa kushibiibi shakwe, sombi taasuni kucileka bufuule bwakwe.

1 Samwelo 15:17

Samwelo wakaamba ayi, “Nakubi kwaamba ayi wakalibona anga taaku mboobete, sa te wakaba mutanjilili wa mikowa ya bene Isilaeli? Mwaami Lesa wakakunanika mafuta a bwaami kwaamba ayi ube mwaami wa cishi ca Isilaeli.