Isaya 25:2 - Baibo Busansulushi Bwa Libuku Ili

² Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Isaya 25:2 ပူးပေါင်းရင်းမြစ်များ

Jobo 12:14

Ncakwiila na wanyonyoola cimwi cintu, taaku weenga waciyakulula. Na waanga muntu, taaku nabi womwi ukonsha kumwaangulula.

Isaya 13:20

Taaku muntu nabi womwi weshi akekaleemo tubili. Taaku muAlabu shikwiingooka nabi womwi weshi akayakemo musumba alimwi taaku mweembeshi nabi womwi weshi akeembeleleemo mbelele shakwe umo.

Isaya 13:21

Ulaakubabo matongo umo mweshi mukanookala banyama bamuluyanga abalo bamwiina mweshi bakanooyakilabo shiinswa. Ntibatiba mweshi shikanookalabo ampongo sha muluundu mweshi shikanootangalila.

Isaya 13:22

Mushiyubilo shakwe sha mabwe mulaakunoolilabo basuntwe abalo baumpe mbweshi bakanookalabo mumaandaakwe abotu abwaami. Ciindi cakunyonyoolwa kwa Babiloni cashikila, ashalo nshiku isho tashicibete kulaale.”

Isaya 14:23

Musena uyo ndaakuwaalula kuba cilonga. Ulaakuba umo mweshi mukanookalabo bamwiina. Ndaakuupyanga acipyaango cakunyonyoola, Nebo neMwaami Lesa Shinkusu shoonse ndaamba.”

Isaya 17:1

Aya ngamaswi aamba pandabala ya Damasikasi. Mwaami Lesa waamba ayi, “Damasikasi teshi inoocili ndabala inene, sobwe. Bulya ilaakubabo mulwi wa sheesho sha kanyonyoolwa.

Isaya 17:3

Mucishi ca bene Efuleemu teshi munoocili ndabala inene icite lilinga lya mabwe. KuDamasikasi teshi kukabewo tubili bwaami. Abalo ba kuSilya beshi bakacaaleewo balaakunyaikwa bulemu anga mbantu bene Isilaeli. Ubo mbondaamba nebo neMwaami Lesa Shinkusu shoonse.

Isaya 21:9

Ono anaaba baashika! Bashilumamba bobilo bobilo bali pamaaki baashika.” Mpomunyaawo shikulindilila wakaambilisha ayi, “Babiloni wawa! Ee, Babiloni wawa! Ono sunu shibumbwabumbwa shoonse nshebalambila shitoopwayoolwa.”

Isaya 23:11

Mwaami Lesa watandabika lyaansa lyakwe palweenge akulengesha malelo kututuma. Waamba ayi shiyubilo sha bene Kenani shinyonyoolwe.

Isaya 23:13

Amubone mucishi ca Babiloni, taamu muntu nabi womwi. Bene Asilya mbobakaalula ndabala ya Taya kuba musena wa banyama ba muluyanga. Bakalaampya lubumbu lwakutantilaawo pakwiishinguluka. Mpeeke bakapalanganya shiyubilo sha njiyo akwiinyonyoola.

Isaya 24:10

Ndabala inene ya shimfulunganya ilya yacaala matongo. Mulyango wa ŋanda yomwi ayomwi ulicalitwe.

Isaya 25:12

Ulaakunyonyoola malinga a bene Moabu alaamfu mukwaapwayoola tibili apanshi. Ncakwiila kwaanyonyoola kushikila akabebo lusuko.

Isaya 26:5

Abo balinaamuna ulababoosha panshi. Ndabala yabo uleenyonyoola. Lilinga lya njiyo ulalikuloola cakubabo lusuko.

Isaya 27:10

Ndabala inene ya lilinga yaba matongo, yaba musena usuulitwe anga nduyanga. Ono mwaba momumafulo a shifubwa. Shilapanga milela akulya matewu kumisampi.

Isaya 32:14

Ŋanda ya bwaami ilaakucaala cisuukila. Ndabala inene iyi ilaakucaalabo matongo. Shiyubilo sha njiyo amaanda alaamfu a beshikulindilila shilaakucaalabo shikalikulukile shiine. Mumusena woonse uyu mulaakubabo mafulo a mbongolo alimwi ambelele.

Isaya 32:19

Nakubi kwaamba ayi imfula ya mabwe ilaakunyonyoola musaansa andabala yanu inene,

Isaya 34:13

Mushiyubilo shabo sha nkondo mulaakwisulabo shisamu sha myuumfwa. Mumandabala abo acite malinga mulaakumena tukoloŋonso. Ncakwiila cishi cabo cilaakubabo musena wa bamwaaba akubabo maanda a bamwiina.

Isaya 37:26

“ ‘Sa tookwe kunyumfwaawo? Sa tooshi ayi ici ndakacibambabo kale kale? Ncakwiila ici ndakalengesha ayi cicitike. Ndakakupa nkusu shakunyonyoola mandabala acite malinga kuba matongo.

Jelemiya 51:26

Taaku libwe nabi lyomwi lyeshi likasebenseshekwe kuyaka likonko, nabi lyeshi likabwesekwe ayi ndyakuyakisha mulwiimbi. Ncakwiila ulaakuba anga nduyanga kwalyoonse alyoonse. Nebo neMwaami Lesa ndaamba.

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Dutolonomi 13:16

Kuswawaawo mukabunjike shintu sha bantu ba mundabala umo pamusena ucanika bantu baanji. Lyalo ndabala mukeeteente alimwi ashintu shoonse shiliimo ayi ncipo kuMwaami Lesa. Ndabala iyo ilyeelete kunyonyookelabo limwi, tayeelete kuyakululwa alimwi, sobwe.

Ciyubululo 18:19

Mpeeke bantu aba bakalitukwita lusuko mumitwi, bakalila akuungumana abuumbi. Bakalinga kwaamba ayi, “Mapensho, mapensho kundabala inene iyi! Njendabala inene umo bantu boonse abo bacite maato anene palweenge mobakabilila. Ono muawala yomwi iyi banyonyookelwa shintu shoonse!”