Isaya 24:23 - Baibo Busansulushi Bwa Libuku Ili

²³ Mweenshi ulaakushiya, alyalo lisuba lilaakucileka kubala ceebo Mwaami Lesa Shinkusu shoonse ngweshi akanoolela paKalundu ka Siyoni muJelusalemu. Ulaakulela cabulemu kunembo lya bamaloba ba bantu umo.

Isaya 24:23 ပူးပေါင်းရင်းမြစ်များ

Kulumbaisha 97:1

Mwaami Lesa ngoolela, aboobo nobamucishi ca panshi amukondwe. Amwebo nomwikala pansumbu sha palweenge amusangalale.

Kulonga 15:21

Milyamu wakatalika kubeembila ayi, “Amwiimbile Mwaami Lesa mukwiinga wakoma cabulemu. Wawaala maaki alimwi abalinga kutantiteewo mulweenge.”

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 13:10

Nyenyeenshi shoonse mwiculu shilaakucileka kubala. Lisuba pakuswa lilaakushiyishikwa, awalo mweenshi teshi ukape mumuni wa nguwo.

Isaya 30:26

Mweenshi ulaakubala anga ndisuba alyalo lisuba lilaakubala abuumbi akuba amumuni uli anga ngwa nshiku shosanwe ashobilo kuubika pantu pomwi. Ishi shoonse shilaakucitika Mwaami Lesa aakupombela tusani pashilonda sha bantu bakwe isho nshaakabacisa akushishilika.

Isaya 33:17

Lyalo muntu uyo ulaakubona mwaami mubulemu bwakwe alimwi ulaakubona acishi citandabukite mumbasu shoonse kulaale.

Isaya 33:22

Ceebo Mwaami Lesa ngomoomboloshi wesu, Mwaami Lesa eenka uyo ngooshikutupa milawo alimwi Mwaami Lesa ngweeke ngomwaami wesu. Ncakwiila ngweeke ngweshi akatupulushe.

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Isaya 60:1

Buka webo Jelusalemu ubale anga ndisuba. Ceebo bulemu bwa Mwaami Lesa buli pali ndiwe!

Isaya 60:19

“Lisuba lilaakucileka kuba ngomumuni wako malumwi, nabi mweenshi kukupa mumuni mashiku, ceebo nebo neMwaami Lesa ndimeshi nkabe mumuni wako kwalyoonse alyoonse. Nebo neLesa wako neenka ndaakuba bulemu bwako.

Isaya 60:20

Anu lisuba lyako teshi likapilewo tubili, awalo mweenshi wako teshi ukapileewo. Nebo neMwaami Lesa ndaakuba mumuni wako kwalyoonse alyoonse. Buumba bwako boonse bulaakumana.

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Danyelo 7:18

Sombi bantu basalalite bakwe Lesa wa kwiculu Wiindaawo, balaakutambula bulelo ubo bweshi bukabe bwaabo kwalyoonse alyoonse.’

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Jowelo 2:31

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, bushiku ubo bunene alimwi buyoosha.

Jowelo 3:15

Lisuba amweenshi shilaakushiyabo mbi ashalo nyenyeenshi shilaakucileka kubala.

Obadiya 1:21

Beshikupulusha balaakutanta pakalundu ka Siyoni ayi bakeendeleshe bamumalundu a Esau. Mpeeke Mwaami Lesa mwiine ulaakuba Mwaami wabo.”

Mika 4:7

Balema abo ndaakubalengesha kuba bantu bangu. Ncakwiila abo bakakushikwa kumishaabo, ndaakubalengesha kuba mushobo uyumu. Nebo neMwaami Lesa ndaakunoobalela paKalundu ka Siyoni, kuswa bushiku ubo tibili amuyayaya.”

Sekaliya 14:6

Ubo bushiku bwaakushika, teshi kukabewo mpewo nabi caandwa.

Sekaliya 14:7

Bulaakuba bushiku bubotu butacite munshinshe, bushiku ubo bushibikitwebo kuMwaami Lesa. Pabushiku ubo amacolesha kulaakunoolibo mumuni.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Mateyo 24:29

“Na akamanebo mapensho a nshiku isho, lisuba lilaakubabo munshinshe, mweenshi ulaakucileka kumunika, nyenyeenshi shilaakuloka kuswa mwiculu, ashalo nkusu sha mwiculu shilaakutenkaanishikwa.

Mateyo 6:10

Abwise Bweene bwanu, kuyanda kwanu akucitwe panshi pano bweenka mbuli kwiculu.

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 14:1

Lyalo ndakalangilisha akubona Mwanaambelele kaaimfwi paKalundu ka Siyoni, kaali abantu bali 144,000 abo bakalinga kulembetwe liina lyakwe alimwi alya baIshi pankumo shabo.

Ciyubululo 19:4

Bamaloba abo bali makumi obilo abone alimwi ashilengwa shuumi isho shili shone shakafukama akulambila Lesa ukala pacuuna ca bwaami. Bakaamba ayi, “Ameni! Aalumbaishikwe Lesa!”

Ciyubululo 19:6

Kuswawaawo, ndakanyumfwa liswi lyakuba anga nciyobeyobe ca bantu baanji alimwi anga nkupoota kwa maanshi aanji, kuli anga ncilulumo ca mfula, lyakwaamba ayi, “Atulumbaishe Lesa! Mukwiinga Mwaami Lesa wesu Shinkusu shoonse nguMweendeleshi!

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.

Ciyubululo 22:5

Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.