Isaya 24:18 - Baibo Busansulushi Bwa Libuku Ili

¹⁸ Uyo woonse weshi akeeleshe kucica shiyoosha, ulaakuwita mucilindi. Uyo weshi akeeleshe kuloboka kuswa mucilindi, ulaakucatwa mukoose. Kulaakuloka mfula inene abuumbi kuswa kwiculu alimwi lwiimbi lwa cishi ca panshi lulaakutenkaana.

Isaya 24:18 ပူးပေါင်းရင်းမြစ်များ

Matalikilo 19:24

Mpomunyaawo Lesa wakalosha mulilo wa salufa paSodoma aGomola

Matalikilo 7:11

Nowa ndyaakaba amyaaka ili 600, pabushiku bwa likumi anshiiku shosanwe ashobilo, mumweenshi wabili, toonse tuntupu twa mashiba anene ali panshi lya nshi twakacaluka. Ashalo shilyango sha miyoba shakacaluka kwiculu.

2 Baami 7:2

Mpomunyaawo shikucafwa mwaami wakaambila Elisha ayi, “Ico tacikoonshi kucitika nabi Mwaami Lesa mwiine watuma witi abale paciindi ciniinibo!” Elisha wakamukumbula ayi, “Ulaakucibona kacicitika, nakubi boobo webo teshi ukalyeeko.”

Jobo 20:24

Ono nabi wacica mupeeni wa ceela, mufwi wa bulonse ulaakumuyasa.

Kulumbaisha 18:15

Panshi lya lweenge pakacaalabo patuba, lwiimbi lwa cishi ca panshi lwakafwekulwa NoBaami baLesa ndimwakakalalila balwani banu. Ee, noBaami baLesa mwakababulumina cabukali.

Kulumbaisha 18:7

Lyalo kwakaba citentanshi mucishi ca panshi. Liculu alyalo lyakatenkaanishikwa ceebo Mwaami Lesa wakakalala.

Kulumbaisha 18:8

Mumashono akwe mwakalinga kunoosuntabo bwiishi. Amwalo mukanwa lyakwe kamunyakabo mulilo, mulilo uyo ukali anga ngwa makalangasha.

Shikushimikila 9:12

Peculu lya waawo, taaku muntu ushi ciindi cakwe. Bweenka mbuli nswi shacatwa mukoombe nabi bayuni bacatwa mukoose, mbweeke ubo bantu balacatwa mutoose twa shiindi sha bubi isho shibapolela kabateengashite.

Isaya 13:13

Ndaakulengesha liculu kututuma acalo cishi ca panshi cilaakutenkaanishikwaawo pamusena wa ncico. Pabushiku ubo nebo neMwaami Lesa Shinkusu shoonse ndaakuyubulula bukali bwangu buyoosha.

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 2:21

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 42:22

Sombi aba mbantu bakasaalwa akunyaikwa shintu shoonse. Ncakwiila bamwi bakacatishikwa mushilindi, ee, bamwi boonse balishisitwe muntolongo. Baba shintu shakubwesabo kwakubula ubafunaako. Ee, baba shintu shakusaalabo kwakubula awaamba ayi, “Amubabooshe.”

Isaya 8:14

Nebo ndi anga ngumusena wakuyubaamo. Sombi kubene Isilaeli abene Juda ndaakuba anga ndibwe lisuntula bantu, ncakwiila mwaandami ulengesha bantu kuwa. Kubene Jelusalemu ndaakuba anga nkoose umo mweshi bakacatwe.

Jelemiya 48:43

Ncakwiila shiyoosha, shilindi alimwi atoose shitoomulindila nobene Moabu.

Jelemiya 48:44

Uyo woonse weshi akaloboke shiyoosha ulaakuwita mucilindi. Uyo woonse weshi akasubuke mucilindi ulaakucatwa mutoose ceebo ngumwaaka wakupa mulandu bene Moabu. Nebo neMwaami Lesa ndaamba.

Malilo 3:47

Twapeenga kwiinda mumapensho, mukunyonyoolwa ee, kwiinda mushintu shicaya alimwi shiloondesha.”

Esekelo 11:8

Mwebo mulaloonda nkondo, ono nkondo yeenka iyo njeshi nkamuletele. Nebo neMwaami Lesa Shinkusu shoonse ndaamba.

Esekelo 12:13

Ndaakufungulula koombe kangu umo mweshi akacatwe akumuleta kundabala inene ya Babiloni. Sombi lakwe teshi akeeboneewo, nakubi boobo ulaakufwita nkomunya uko.

Esekelo 15:7

Ndaakubapa mulandu. Nabi bakapuluka kuswa kumulilo womwi, mulilo umwi ulaakubatenta. Ndaakumana kubapa mulandu, ndyeshi mukeshibe ayi nebo ndi Mwaami Lesa.

Amosi 5:18

Mapensho kuli ndimwe nomutookumbwa kubona bushiku bwa Mwaami Lesa. Ceebonshi mulakumbwa kubona bushiku ubo? Bushiku ubo bulaakuba bwa munshinshe, kuteshi bwa mumuni.

Amosi 5:19

Cilaakuba anga ngumuntu utoocica nkalamu, nakubi boobo wakumana abeya. Ono ayi enjile muŋanda yakwe akuyaamina kulubumbu, walumwa nsoka.