Isaya 24:17 - Baibo Busansulushi Bwa Libuku Ili

¹⁷ Nobamucishi ca panshi noonse, kuli shiyoosha, shilindi atoose shitoomulindilila kunembo.

Isaya 24:17 ပူးပေါင်းရင်းမြစ်များ

1 Baami 19:17

Woonse weshi akaloboke kucaikwa kuli Asayelo, ulaakucaikwa aJewu alimwi woonse weshi akaloboke kucaikwa kuli Jewu, ulaakucaikwa aElisha.

Jobo 18:8

Wenjila mubukonde, lyalo myeendo yakwe yacatwa.

Isaya 8:14

Nebo ndi anga ngumusena wakuyubaamo. Sombi kubene Isilaeli abene Juda ndaakuba anga ndibwe lisuntula bantu, ncakwiila mwaandami ulengesha bantu kuwa. Kubene Jelusalemu ndaakuba anga nkoose umo mweshi bakacatwe.

Jelemiya 11:11

Paceebo ceeco nebo neMwaami Lesa ndaamba ayi, ‘Ndaakubaletela mapensho ayo ngweshi bakaalilwe akwaacica. Nabi bakandilile, teshi nkabakumbuleewo, sobwe.

Jelemiya 8:3

Lyalo bantu ba mumushobo uyu ubiibi abo beshi bakacaaleewo akunoocishiite mumisena iyo njendakabatandilaamo, balaakusala kufwa kwiinda kunooli boomi. Nebo neMwaami Lesa Shinkusu shoonse ndaamba.”

Malilo 2:22

Bweenka mbuli mbomutamba bantu pabushiku bwakusekelela, mbweeke ubo mbomwakantambila balwani kwisa mukunoondesha kuswa kumbasu shoonse shoonse. Mubushiku bwa bukali bwanu, taaku nabi womwi wakaloboka nabi kupuluka. Abo mbondakalela akulama balwani bangu babanyonyoola.

Malilo 3:47

Twapeenga kwiinda mumapensho, mukunyonyoolwa ee, kwiinda mushintu shicaya alimwi shiloondesha.”

Esekelo 11:8

Mwebo mulaloonda nkondo, ono nkondo yeenka iyo njeshi nkamuletele. Nebo neMwaami Lesa Shinkusu shoonse ndaamba.

Esekelo 12:13

Ndaakufungulula koombe kangu umo mweshi akacatwe akumuleta kundabala inene ya Babiloni. Sombi lakwe teshi akeeboneewo, nakubi boobo ulaakufwita nkomunya uko.

Esekelo 14:21

Mwaami Lesa Shinkusu shoonse waamba ayi, “Ino cilaakuba buyani ndaakutuma mapensho one eendaawo kubica pandabala ya Jelusalemu, nkokwaamba ayi ndaakutuma nkondo, nsala, banyama bamuluundu amwaalu kucaya bantu ba mumo alimwi ashifubwa shabo?

Amosi 5:19

Cilaakuba anga ngumuntu utoocica nkalamu, nakubi boobo wakumana abeya. Ono ayi enjile muŋanda yakwe akuyaamina kulubumbu, walumwa nsoka.