8 Anu ngani wakapinga kucita cintu ca mushobo uyu kundabala ya Taya? Ngani wakapinga boobo kundabala ya bamaami yakalinga kucite beshimakwebo, banaabaami, bapukite cishi coonse?
Ulalisumpula akwaamba ayi, “Bamatanjilili bangu ba bashilumamba boonse mbamaami.
Webo tookoonshi kukoma aweelaako pabacinenenene ba bene Asilya, nakubi boobo utooyeeya ayi bene Ijipiti bakutumine shikoci abeshikulwanina pamaaki!
Balaakusaala bubile bwako akutola makwebo ako. Balaakupwaya lubumbu lwako, kuwisha maanda ako abotu akusowa mabwe, mapulanga alusuko lwa shakuyakisha shimwi mulweenge.
Mwakafusha beshimakwebo banu ee, kubafusha kwiinda nyenyeenshi sha mwiculu. Sombi bulya bamana kuya anga ncisoshi cooluka.
Bene Taya bakaliyakila ciyubilo. Babunjika silifa cakubabo pali poonse anga ndusuko. Ee, babunjika golodi cakubabo anga ngamatombe a mumikwakwa.
Muli ndiwe teshi mukabonekeewo lilampi litoonyaka alimwi teshi mukanyumfwikeewo liswi lyakwe shibwiinga alyakwe nabwiinga. Beshimakwebo bako bakalinga mbobantu beendaawo nkusu mucishi coonse ca panshi. Ono kwiinda mumampelampela ako, wakacenjeeka bantu ba mishobo yoonse mucishi coonse ca panshi!”
Paceebo ceeco, mubushiku bomwibo, ulaakupolelwa myaalu iyi, malwashi, buumba alimwi ansala. Ulaakutentwa mumulilo mukwiinga Mwaami Lesa umoombolosha ulicite nkusu shiinji.”