Isaya 22:23 - Baibo Busansulushi Bwa Libuku Ili

²³ Ndaakumushimpya pamusena wakwe anga nimpoopo yakapopwa cankusu. Ulaakulengesha bamuŋanda ya baishi kuba abulemu.

Isaya 22:23 ပူးပေါင်းရင်းမြစ်များ

Esila 9:8

Ono muciindi ciniini, noBaami baLesa, baLesa besu mwakatunyumfwila luse akufuna sobamwi kuswa mubusha akutukalika kabotu mumusena uno usalalite. Mwakatukusha mubusha akutupa buumi bupya.

Esita 10:3

Modekayi muJuda wakapekwa cuuna cabili kumwaami Sakisesi. BaJudanyina bakamusuna akumulemeka ceebo wakalinga kubacitila shibotu akuletela bamulunyungu lwakwe boonse luumuno.

Esita 4:14

Nkokwaamba ayi na uumunebo paciindi ca mushobo uyo, lucafwo lulaakuswa kwiculu pabaJuda, balaakupulushikwa. Sombi webo ulaakufwa pantu pomwi abamumukowa wa baiso. Ngani wishi, mpashi ici nceciindi ncewakabeta muka mwaami?”

Jobo 36:7

Baluleme ulabalama ciindi coonse. Ulababika pashuuna sha bwaami akubasumpula ayi balemekwe kwalyoonse alyoonse.

Shikushimikila 12:11

Maswi aamba bantu basongo ali anga ntusamu tukolete uto beembeshi ntoobasebensesha pakubinga mbelele. Atwalo tushimpi twabo tuli anga njimisomaali yakapopwa cankusu. Tushimpi uto twakapekwa aLesa, Mweembeshi womwibo ngotucite soonse.

Isaya 22:24

“Sombi alimwi bamakwabo abaabo mbweshi akanoolela balaakuba anga ngumukuli unene pali nguwe. Bweenka mipika, mbale shifongomene mboshileleela kunkobeko, mbweeke ubo abalo mbweshi bakanoocatite kuli nguwe!

Isaya 22:25

Ico caakucitika mpoopo iyo yakapopwa cakwiishimpya ilaakutenkaana akuwa. Lyalo shoonse isho sheshi shikanookobeketweeko shilaakunyonyooka cakumaninina.” Mwaami Lesa waamba.

Sekaliya 10:4

Kubene Juda kulaakuswa libwe lya mulikonko lya ŋanda, kuli mbabo kulaakuswa mpoopo ya kutente, kuli mbabo kulaakuswa buta bwa nkondo, alimwi kuli mbabo kulaakuswa baleli boonse.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

1 Samwelo 2:8

Ulasumpula bakandu kuswabo kwiine kumiyanda, ulakusha bakandu kuswa mubuumba bwabo. Ulabalengesha kwikala mubwanabwankashi abanaabaami akubalengesha kuba mumisena ya bulemu. Lwiimbi loonse lwa nsengwe ndwa Mwaami Lesa, pali ndulo mpaakayaka cishi ca panshi.