Isaya 22:12 - Baibo Busansulushi Bwa Libuku Ili

¹² Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Isaya 22:12 ပူးပေါင်းရင်းမြစ်များ

2 Makani 35:25

Mpomunyaawo Jelemiya mulaluki wakapanga lwiimbo lwakulila mwaami Josiya. Bulya cakashibila beshikwiimba mucishi ca Isilaeli, basankwa abanakashi, kwiimba lwiimbo ulo ciindi coonse ndibamulila. Lwiimbo ulo lulacanika mumabuku anyimbo sha malila.

Esila 9:3

Ono ndindakanyumfwa boobo, ndakakwamoona shakufwala shangu akunonkola misusu alimwi andesu shangu mubukali. Lyalo ndakekala panshi mubuumba bunene abuumbi.

Neyemiya 9:9

“Mwakabona mapensho a bamashali besu bakulukulu muIjipiti. Mwakanyumfwa kulila kwabo kuLweenge Lusalala.

Jobo 1:20

Mpomunyaawo Jobo wakanyamuka akukwamoona shakufwala shakwe ceebo ca buumba. Mpeeke wakalikulula misusu, waliwaala panshi mukulambila akupaila ayi,

Shikushimikila 3:11

Wakalengesha shintu shoonse kubota mushiindi sha nshisho. Ono wakatupa miyeeyo yakusuna kwishiba shakunembo, sombi taatupi lushibo lukwene pashintu nshaakacita asheesho nsheshi akacite.

Shikushimikila 3:4

Kuli ciindi cakulila aciindi cakuseka. Kuli ciindi cakuungumana aciindi cakushana.

Isaya 15:2

Bantu bamundabala ya Diboni baya kuŋanda ya lesa wabo. Ee, kumisena yakulambililaako balesa babo kuya mukulila. Bene Moabu abo batoolila ndabala ya Nebo aMedeba. Mutwi wa muntu womwi awomwi wakululwa ashalo ndesu sha basankwa boonse shaceswa.

Isaya 26:10

Na nkuumbu shatondeshekwa kumucita shibi, ndushinisho bululami taabwiiyiiwo napaceyi. Lakwe pakati ka bantu baluleme micito yakwe njakusendamya alimwi taalemeki Mwaami Lesa napaceyi.

Isaya 29:1

Mapensho kuli ndiwe Jelusalemu ocipaililo cakwe Lesa. Ee, ondabala inene umo Defedi mwakayaka misumba. Ncakwiila apeendebo mwaaka womwi nabi yobilo, akwalo kusekelela kucitwa muli njiyo akutolelelebo.

Isaya 3:24

Ono mumusena wakununkila mafuta abotu, balo balaakunoonunka nkasaalo. Mumusena wakufwala laamba wiine, balo balaakunoofwala looshi. Mumusena wakuba amisusu ibambitwe kabotu, balo nkuba alubala. Mumusena wakufwala shakufwala shibotu, balo balaakufwala sha masempele alimwi mumusena wakuboneka kabotu, balo balaakunoolensha nsoni.

Isaya 32:11

Amututume mwebo nobanakashi nomushiite buumi bubotu, Amulisukame mwebo nobalutundu nomutacite cakulisukama! Amufuule shakufwala shanu shibotu, amufwale masaka mumakome kutondesha buumba.

Isaya 37:1

Mwaami Esekiya ndyaakanyumfwa makani ayo, wakakwamoona shakufwala shakwe kubuumba, wafwala lisaka akuya kuŊanda yakwe Lesa.

Isaya 37:2

Wakatuma Eliyakimu uyo wakalinga kweendelesha ŋanda ya bwaami, Shebina uyo wakalinga mulembi abapailishi banene kumulaluki Isaya mwanaakwe Amosi. Abalo bakalinga kufwete masaka.

Isaya 58:3

“Baleepusha ayi, ‘Ceebonshi twakalikasha, kulya sombi mwebo nobaLesa cakutabona ncetwakalinga kucita? Ceebonshi twakalibombya pameenso anu, sombi mwebo cakutabikaako amaano?’ ” Mwaami Lesa wakumbula ayi, “Mwebo paciindi ndimulikasha kulya mulacita shimusangalasha akulita masuku basebenshi banu pamitwi.

Jelemiya 16:6

Babile abakandu boonse balaakufwitabo pantu pomwi mucishi ici. Teshi bakabikwewo nabi kulilwa, alimwi taakuuwo nabi womwi weshi akalinengoole nabi kulikulula mumutwi ceebo ca malilo.

Jelemiya 16:8

“Kutenjila muŋanda umo muli kusekelela ayi ulye akunwaabo.

Jelemiya 4:8

Paceebo ceeco amufwale masaka. Amulile akooloma ceebo bukali bwa Mwaami Lesa tabuna kuswaawo pali ndiswe.

Jelemiya 7:29

“Amucese misusu yanu mwiisoowe. Amwiimbe lwiimbo lwakulila pakalundu katacitewo bwiisu ceebo nebo neMwaami Lesa ndakalala abuumbi akumukaka mwebo nobamulunyungu lwa bantu bangu.”

Esekelo 27:31

Batookulula mitwi yabo ceebo ca ndiwe akufwala masaka. Batookulilila buumpute ceebo ca kupeenga kwa myoyo yabo alimwi akulila bunene.

Danyelo 5:1

Bumwi bushiku mwaami Beloshasa wakeeta bacinenenene bali cuulu kwisa mukusekelela kunene abuumbi. Lyalo Beloshasa wakanwaabo waini.

Osiya 9:1

Nobene Isilaeli, amucileeke kusangalala, ee, amucileeke kusamwa pakusekelela kwanu anga njimishobo imwi. Mwebo tamukwe kushomeka kuli Lesa wanu. Mwalyaaba kuli lesa Baali mumisena yoonse ya mucishi anga mbafuule akukondwa shili anga ngamaila amafuta a olifi isho nshemuyeeya ayi nguBaali umupa.

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jowelo 1:8

Nobantu amulile anga ngumulindu wafwala masaka mukulila musankwa wakamumamikila uyo wafwa.

Jowelo 2:12

Mwaami Lesa waamba ayi, “Nabi pacecino ciindi amusanduke kuswa kushibiibi shanu mwise kuli ndime amyoyo yanu yoonse, mukulikasha kulya, mukulila amukuungumana.”

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Jona 3:6

Mwaami wa kuNinife ndyaakanyumfwa cikani ici, wakanyamuka pacuuna cakwe cabwaami, wafuula cakufwala cabwaami, walifweka masaka alimwi akwikala mumilota.

Mika 1:16

Nobene Juda, amukulule mitwi yanu mukulila ceebo ca bana banu abo mbomusunishi. Amulikulule minkunyu akuba anga ndikubi ceebo balaakumushiya akutolwa mubusha.

Jemusi 5:1

Amukutike ono nobabile, amulile buumpute amibila ceebo ca mapensho atoosa pali ndimwe.