Isaya 22:11 - Baibo Busansulushi Bwa Libuku Ili

¹¹ Mpeeke pakati ka malinga obilo mwakayakawo cishiba cakusungilaamo maanshi kwaamba ayi maanshi akalinga kukunka kuswa muCishiba Cikulukulu anooya mumo. Nakubi boobo Lesa uyo wakabambilabo limwi shintu shoonse ishi ayi shikacitike tamukwe kumubikaako maano.

Isaya 22:11 ပူးပေါင်းရင်းမြစ်များ

2 Baami 20:20

Shintu shimwi shoonse shakacita mwaami Esekiya, kuswitilila kwakwe alimwi ambwaakayaka cishiba amufolo wakuleta maanshi mundabala inene shililembetwe mulibuku lya buumi bwa bamaami ba bene Juda.

2 Baami 25:4

Mpeeke bakatulula cilyango mulubumbu lwa ndabala. Nakubi kwaamba ayi bashilumamba bene Babiloni bakalinga kushingulukite ndabala inene iyo, bashilumamba bene Juda boonse bakamana kuloboka ciindi ca mashiku. Bakeenda mumuunda wa bwaami akuya mukuswita kumwinjililo apo pakalinga kukumanina lubumbu. Lyalo bakacica kululama kuCinyika ca Joodani.

2 Makani 6:6

Sombi ono ndasala ndabala ya Jelusalemu kwaamba ayi ibe musena mweshi noolambililwa alimwi ndakasalabo ndiwe Defedi kwaamba ayi ube muleli wa bantu bangu.’ ”

Neyemiya 3:16

Neyemiya mwanaakwe Asibuku, mweendeleshi wa musa wa cishi ca Beti Suli wakayakulula cipansha ca lubumbu cakakonkelaawo kushikila kucuumbwe cakwe Defedi, kukashiba alimwi akumaanda a bashilumamba.

Isaya 17:7

Pabushiku ubo bantu balaakulansha meenso abo kuMulengi wabo. Ee, balaakwaalansha kuUsalalite wa bene Isilaeli.

Isaya 22:10

Mwakeendaana kuya cibelenga maanda oonse muJelusalemu, mpeeke mwakapumununa maanda amwi ayi mushimpye lilinga.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 37:26

“ ‘Sa tookwe kunyumfwaawo? Sa tooshi ayi ici ndakacibambabo kale kale? Ncakwiila ici ndakalengesha ayi cicitike. Ndakakupa nkusu shakunyonyoola mandabala acite malinga kuba matongo.

Isaya 7:3

Lyalo Mwaami Lesa wakaambila Isaya ayi, “Webo amwanaako Shiya Jashubu muye mukakumane aAasi. Mulamucana munshila ilya kusebensela beshikutunga shisani, pafwaafwi amufolo uleta maanshi aswa mulishiba lya peculu.

Isaya 8:17

Mwaami Lesa walishisa kubamulunyungu lwakwe Jakobo. Nakubi boobo nebo ndicinkite manungo muli nguwe. Kulangila kwangu mweshi kunoobete.

Jelemiya 39:4

Mpeeke Sedekiya mwaami wa bene Juda abashilumamba boonse ndibakababona bakacica. Bakaswa mundabala mashiku akwiinda mumuunda wa bwaami kuya mukuswita kumwinjililo apo pakalinga kukumanina lubumbu. Lyalo bakacica kululama kuCinyika ca Joodani.

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.