Isaya 21:2 - Baibo Busansulushi Bwa Libuku Ili

² Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Isaya 21:2 ပူးပေါင်းရင်းမြစ်များ

Matalikilo 10:22

Bana bakwe Shemu basankwa bakalinga Elamu, Ashuwa, Apakishadi, Ludi alimwi aAlamu.

2 Baami 17:6

Mumwaaka wasanu ayone wa bwaami bwakwe Osheya, mwaami wa bene Asilya wakakoma ndabala ya Samaliya akutola busha bene Isilaeli kucishi ca Asilya. Bamwi wakabekalika mundabala ya Ala, bamwi kufwaafwi aMulonga wa Aboli mumusena wiitwa ayi Gosani, bamwi mumandabala anene a mucishi ca bene Medi.

Kulumbaisha 119:158

Ndafundookwa kumoyo na ndalanga bantu batashomeki ceebo tabakonkeli maswi anu.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 25:3

Taaku muntu ulangila kucafwikwa kuswa kuli ndimwe weshi akalenshekwe nsoni. Sombi abo bafwambaana kwaalookila Mwaami Lesa ndushinisho balaakulenshekwa nsoni.

Kulumbaisha 60:3

Bantu banu mwabalengesha kwiinda muciindi ciyumu. Tutooya citalantantabo anga twakolwa waini.

Kulumbaisha 79:11

Amunyumfwe kutongela kwa bantu bali muntolongo. Amwaangulule bantu bapekwa mulandu wakufwa alyaansa lyanu lyalulyo.

Tushimpi 13:15

Maano akunyumfwisha shintu alalengesha muntu kulemekwa, sombi batashomeki bali munshila yakunyonyoolwa.

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 14:4

Pabushiku aakucita boobo, bantu bakwe abakaweluluke mwaami wa Babiloni ayi, “Mwaami shilunkutwe walinga kwaalya sunu waaluba. Teshi akalyatililewo tubili muntu nabi womwi!

Isaya 14:7

Bulya ono shishi shiinji shitokookesha alimwi shili muluumuno. Ncakwiila bamushishi isho batoosangalala akwiimba.

Isaya 22:6

Bene Elamu bapakata shipokolo sha mifwi amata alimwi akutanta pamaaki amushikoci sha nkondo. Abalo bene Kili babamba mayawo abo.

Isaya 24:16

Kuswa kushishi sha kulaale tutoonyumfwa lwiimbo lwakwaamba ayi, “Amulemeke wooyo Ululeme.” Sombi nebo ndaamba ayi, “Ndamanaawo! Ndamanaawo! Mapensho kuli ndime! Beshikwaaba babyaabo baciyabo kunembo, bubeshi bwabo tabutooboolawo pesule!”

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

Isaya 47:6

Bantu bangu bakalinga bankalasha. Mpeeke ndakacita anga ndacileka kubabikaako maano. Lyalo ndakabaaba mumaansaako. Ncakwiila tookwe kubanyumfwilawo nkumbu. Wakalinga kucita shalunkutwe akubamacembele boonse.

Jelemiya 25:25

bamaami boonse ba kuSimili, Elamu aMediya,

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Jelemiya 31:25

Ndaakubooshamo nkusu sha baabo balemete akupa shakulya batoowisooka kunsala.

Jelemiya 45:3

webo utokwaamba ayi, ‘Mapensho kuli ndime! Mwaami Lesa wanungawo buumba pamapensho angu. Kutongela kwankopola alimwi nshintokookeshaawo napaceyi!’

Jelemiya 49:34

Kumatalikilo a bwaami bwakwe Sedekiya mwaami wa bene Juda, Mwaami Lesa Shinkusu shoonse wakaŋambila pacishi ca Elamu nebo neJelemiya ayi,

Jelemiya 49:35

“Ndaakucaya beshimata boonse bene Elamu abo balengesha cishi ca Edomu kuyuma abuumbi.

Jelemiya 50:14

“Amwiimikane mumisena yanu ya nkondo mushinguluke Babiloni noonse nobeshimata. Amuwaale mifwi yanu yoonse! Kutabi mifwi njeshi mushiyewo, ceebo bakabishisha nebo neMwaami Lesa.

Jelemiya 50:34

Nakubi boobo nebo neShikubalubula ndicite nkusu. Mwaami Lesa Shinkusu shoonse ndyeliina lyangu. Ndushinisho ndaakubafuna akuleta luumuno mucishi cabo. Sombi ndaakumana luumuno pabaabo bekala muBabiloni.”

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Jelemiya 51:53

Nabi Babiloni akatante kwiculu akuyaka ciyubilo ciyumu uko, ndaakutuma beshikunyonyoola kuya mukumulwana. Nebo neMwaami Lesa ndaamba.”

Malilo 1:22

“Amubashinine pashibiibi shabo shoonse, Amubacite bweenka mbomwakancita ceebo ca shibiibi shangu shoonse. Ncakwiila kutongela kwangu kwakomena cakwaamba ayi moyo wangu utoowisookabo.”

Danyelo 5:28

“PASINI, nkwaamba ayi bulelo bwanu bwabaanishikwa akupekwa kubene Mediya alimwi abene Pesha.”

Danyelo 5:9

Paceebo ceeco ciwa ca mwaami Beloshasa cakeendawobo kusanduka kuboowa abalo bacinenenene bakwe taaku ncebakacitaawo.

Danyelo 8:2

Mucili anga nciloto ico ndakalicana muSusa ndabala inene icite lilinga mucishi ca Elamu. Ndakalinga kwiimfwi muloombe lwa Mulonga wa Ulayi.

Danyelo 8:20

“Mbelele isankwa icite meeca obilo njewabona, ileemikanina bulelo bwa bene Mediya abwa bene Pesha.

Ciyubululo 13:10

Uyo woonse weelete kwaangwa, ulaakwaangwa cancinencine, alakwe uyo weelete kucaikwa kumupeeni, ulaakucaikwa kumupeeni mbomunya ubo. Nkokwaamba ayi ncibotu bashomi boonse kutaboola pesule akushomeka.”

1 Samwelo 24:13

Mbweeke bubete mwaambo ulya ukulukulu wakwaamba ayi, ‘Kubamucita shibi nkokuswa micito ya bubi,’ aboobo anebo teshi nkamutyunkeewo nabibo munwe.