Isaya 21:10 - Baibo Busansulushi Bwa Libuku Ili

¹⁰ Nobene Isilaelima, mwalyatoolwa anga nguwiti palubansa lwakulupwitaawo. Ono ndaambilisha kuli ndimwe makani abotu ayo ngondanyumfwa kuMwaami Lesa Shinkusu shoonse, Lesa wa bene Isilaeli.

Isaya 21:10 ပူးပေါင်းရင်းမြစ်များ

1 Baami 22:14

Sombi Mikaya wakakumbula ayi, “Bweenka mbocibete lushinisho ayi Mwaami Lesa ngumuumi, mbweeke ubo ntoobalwiitabo sheenka nsheshi andwiite!”

2 Baami 13:7

Jeowasi taakalinga kucite bashilumamba bakacaalaako, sombibo beshikulwanina pamaaki bali makumi osanwe, shikoci likumi abashilumamba beshikulwanina panshi bali 10,000 mukwiinga mwaami wa bene Silya wakanyonyoola boonse akubapela anga ngamaila pampelo.

Isaya 28:28

Mulimi taanyonyooli witi kwiinda mukulupwita citaala. Uleenshaanyawo ŋoola kwaamba ayi ulupuke sombi maaki ayo taaupwayooli.

Jelemiya 23:28

Mulaluki uyo ucite ciloto, aacipandulule, sombi uyo ucite maswi angu, aambe maswi ayo cakushomeka. Sa shibuba inga sheelana amancebele?

Jelemiya 51:33

Babiloni waba anga ndubansa lwakulupwitaawo ciindi ndyelulyatoolwa pakulupula shili anga ngamaila. Ndushinisho ciindi cakwe cakumutebula cilaakushikila cakufwambaana. Nebo neMwaami Lesa Shinkusu shoonse, Lesa wa bene Isilaeli ndaamba.”

Esekelo 40:4

Mpomunyaawo muntu uyo wakandwiita ayi, “Webo omuntu, langilisha kabotu, ukutike akubikaako maano kushoonse nsheshi nkutondeshe ceebo ncewaletelwa kokuno. Wamana uye ulwiite bene Isilaeli shoonse nsheshi ubone.”

Amosi 3:8

Na nkalamu yalila, ngani utakoonshi kuloonda? Na Mwaami Lesa Shinkusu shoonse waamba, ngani weenga wakaka kwaambilisha maswi akwe?

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Abakuku 3:12

Mubukali bwanu mwakeenda kucilingana cishi ca panshi. Ncakwiila mubukali bwanu buyoosha mwakalyatoola bantu bamumishobo yoonse.

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”