Isaya 20:5 - Baibo Busansulushi Bwa Libuku Ili

⁵ Lyalo abo bakalinga kucinkite manungo mubene Kushi akunoolisumpwita mubene Ijipiti balaakuloonda akulenshekwa nsoni.

Isaya 20:5 ပူးပေါင်းရင်းမြစ်များ

2 Baami 18:21

Webo utooyeeyela kucafwikwa kubene Ijipiti. Ico inga caba anga nkushimpila kulitete pakweenda. Litete ilyo inga lyatyoka akukuyasa mulyaansa omwiine. Anu ubo mwaami wa bene Ijipiti mbwaabete na muntu wacinka manungo muli nguwe.’ ”

Isaya 2:22

Amucileeke kucinka manungo mumuntu ufwa. Muntu taaku mbwaabete, ino inga wamucafwa buyani?

Isaya 30:3

Ono kutabililwa kuli Falawo kulaakumulensha nsoni. Shimfule sha mucishi ca Ijipiti shilaakumuletela musebaanyo.

Isaya 30:5

boonse balaakulenshekwa nsoni ceebo ca mushobo utakoonshi kubacafwa. Ee, ceebo ca mushobo uyo utabaleteliiwo lucafwo nabi coolwe, sombibo nsoni alimwi amusebaanyo.”

Isaya 30:7

Ncakwiila balatolela cishi ca Ijipiti ico cicite lucafwo lutaaku mbolubete. Paceeco ceeco cishi ico ndakacitumba ayi, ‘Shinshimwe utacite meeno.’ ”

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 36:6

Webo utooyeeyela kucafwikwa kubene Ijipiti. Ico inga caba anga nkushimpila kulitete pakweenda. Litete ilyo inga lyatyoka akukuyasa mulyaansa omwiine. Anu ubo mwaami wa bene Ijipiti mbwaabete na muntu wacinka manungo muli nguwe.’ ”

Isaya 36:9

Webo tookoonshi kukoma aweelaako pabacinenenene ba bene Asilya, nakubi boobo utooyeeya ayi bene Ijipiti bakutumine shikoci abeshikulwanina pamaaki!

Isaya 37:9

Liswi lyakanyumfwika kubene Asilya ayi bashilumamba bene Ijipiti, abo batanjililwa aTewaka mwaami wa bene Kushi bali munshila kwisa mukubalwana. Mpeeke mwaami wa bene Asilya ndyaakanyumfwa makani aya, wakatuma nkalata kuli Esekiya mwaami wa bene Juda.

Jelemiya 17:5

Mwaami Lesa utokwaamba ayi, “Ulishingenwe uyo ucinka manungo mumuntunyina, ee, uyo ushoma mumuntubo ayi inga wamucafwa ncakwiila uyo ufutatila Mwaami Lesa.

Jelemiya 46:25

Mwaami Lesa Shinkusu shoonse, Lesa wa bene Isilaeli waamba ayi, “Ntooyanda kupa mulandu Amoni lesa wa bene Tebesi, Falawo, cishi ca Ijipiti, balesa abamaami ba ncico pantu pomwi abaabo bacinkite manungo muli Falawo.

Esekelo 29:16

Bene Isilaeli teshi bakacinkewo tubili manungo mucishi ca Ijipiti, sombi mapensho a ncico alaakunoobeebalushabo mbocibete cibiibi kusenga lucafwo kuli ncico. Lyalo ndyeshi bakeshibe ayi nebo ndi Mwaami Lesa Shinkusu shoonse.”

Naamu 3:9

Yakalinga kweendelesha cishi ca Kushi aca Ijipiti. Cishi ca Puti aca Libya nsheshakalinga kucafwana andabala iyo munkondo.

Sefaniya 2:12

Amwebo nobene Kushi, mulaakuyaswa kumupeeni wa Mwaami Lesa munkondo.

1 Bene Kolinto 3:21

Ono anu taaku muntu weelete kulisumpula ceebo ca sheesho shicita bantu. Mukwiinga shintu shoonse nshanu.