Isaya 20:2 - Baibo Busansulushi Bwa Libuku Ili

² Paciindi ico, kapeendite myaaka yotatwe Mwaami Lesa ndyaakaambila Isaya mwanaakwe Amosi ayi afuule masaka alimwi ankwabilo. Alakwe wakacita kweelana abwakaamba Lesa akutalika kweendabo matakosha alimwi amyeendobo.

Isaya 20:2 ပူးပေါင်းရင်းမြစ်များ

2 Samwelo 15:30

Defedi wakatolelela lweendo lwakwe akutanta Kalundu ka Olifi kaaya cilila buumpute. Paciindi ico wakalinga kulifwekete kumutwi alimwi kaali myeendobo. Abalo bamwi boonse bakalifweka kumitwi yabo akunooya cilila buumpute pakutanta kalundu ako.

2 Samwelo 6:20

Ono Defedi ndyaakaboola kuŋanda ayi ape coolwe bamuŋanda yakwe, Mikali mwanaakwe Saulo wakaswa ayi amukumanye akwaamba ayi, “Ee, sunu kwalingaanka mwaami wa cishi ca Isilaeli kupanga liina, mbomwalinga kuliyaloola pameenso abasebenshi banakashi ba bacinenenene banu anga ngumuntu muntubo! Ne, lushinisho cilensha ansooni.”

2 Baami 1:8

Balo bakakumbula ayi, “Walinga kufwete cakufwala ca booya peculu alimwi kaangite alamba wa cipaya mubukome.” Mwaami wakaamba ayi, “Anu nguElija mwine Tishibe!”

Kulumbaisha 30:11

Mwakapilula kulila kwangu ayi kube kushana. Ncakwiila mwakankusha buumba akundetela kusangalala.

Kulonga 3:5

Lesa wakamwaambila ayi, “Imikana peenkaapo. Fuula nkwabilo shako mukwiinga pamusena apo mpooimfwi palisalalite.

Isaya 1:1

Mulibuku ili mulilembetwe makani aamba pacishi ca Juda alimwi andabala ya Jelusalemu kweelana aLesa mbwaakayubulwita Isaya mwanaakwe Amosi. Wakayubulwitwa mubulelo bwakwe Usiya, Jotamu, Aasi alimwi abwakwe Esekiya, bamaami ba cishi ca Juda.

Isaya 13:1

Ono ngaaya maswi aamba paBabiloni Isaya mwanaakwe Amosi ngwaakatambula kuswa kuli Lesa.

Isaya 37:2

Wakatuma Eliyakimu uyo wakalinga kweendelesha ŋanda ya bwaami, Shebina uyo wakalinga mulembi abapailishi banene kumulaluki Isaya mwanaakwe Amosi. Abalo bakalinga kufwete masaka.

Jelemiya 48:37

Mitwi yoonse ilicesetwe, andesu shoonse shakakululwa. Boonse bakalinengoola kumaansa akufwala masaka mumakome abo.

Esekelo 24:17

Ukanooshinshimukabo cakutanyumfwika alimwi kuteelesha kulila mufu. Utakafuuli cisani ncoofwala kumutwi nabi kufuula nkwabilo shako. Utakalifwekiwo pamulomo nabi kulya shakulya shilikwabo pamalilo.”

Esekelo 24:23

Mulaakunoofwetebo shisani shakufwala kumutwi ankwabilo shanu. Teshi mukoongumane nabi kulilawo buumpute, sombi mulaakukokabo ceebo ca shibiibi shanu akutongela pakati kanu nobene.

Esekelo 4:1

Mpomunyaawo Lesa wakaŋambila ayi, “Webo omuntu, bwesa lucelwa ulubike kunembo lyako akutalaawo ndabala ya Jelusalemu.

Esekelo 4:5

Ntookupa mweelo wa nshiku shakunyamuna shibiibi isho weelene amyaaka yakubisha kwabo. Nkokwaamba ayi ulaakunyamuna shibiibi sha bene Isilaeli kwanshiku shili 390.

Mika 1:11

Nobene Shafili, kamuya mubusha matakosha alimwi munsoni. Abo bekala mundabala inene ya Saanani bateeleshi kuswa mundabala iyo. Bene Beti Eselo batoolila. Teshi bakamufuneewo, napaceyi.

Mika 1:8

Lyalo nebo neMika ndakaamba ayi, “Paceebo nebo ndaakooloma akulila. Ndaakunooya ceenda myeendobo alimwi matakosha. Ndaakunookooloma anga ngumwaaba, akunoolila anga ngumwiina.

Sekaliya 13:4

“Pabushiku ubo mulaluki woonse ulaakufwa nsoni ceebo ca bulaluki bwakwe. Aboobo teshi akafwalewo shakufwala shabulaluki sha booya ayi acenjeeke bantu alimwi, sobwe.

Mateyo 16:24

Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

Mateyo 3:4

Joni wakalinga kufwala shakufwala shakapangwa abooya bwa ngamela alimwi alaamba wacipaya mubukome. Wakalinga kulyabo nsoshi abuuci.

Joni 21:7

Lyalo shikwiiya uyo Jesu ngwaakalinga kusunishi wakaambila Pita ayi, “MBaami!” Pita ndyaakanyumfwa ayi mBaami, wakafwala cakufwala cakwe ca peculu (ceebo wakalinga wacipa) akuliwaala mumaanshi.

Milimo ya Batumwi 19:16

Mpomunyaawo musankwa wakalinga kucite shikaswa wakabafukukila cankusu akubakoma boonse. Wakabacisa akubakwamwita shakufwala, mpeeke bakacica kuswa muŋanda.

Milimo ya Batumwi 21:11

Lyalo wakesa kuli ndiswe akubwesa laamba wakwe Paulo, akulyaanga kumaansa akumyeendo akwaamba ayi, “Mushimu Usalashi utokwaamba ayi, ‘Mwine laamba uyu baJuda balaakumwaanga muJelusalemu bweenka mbondalyaanga akumwaaba mumaansa a baswamashi bakunsengwe.’ ”

Joshuwa 5:15

Mutanjilili wa bashilumamba ba Mwaami Lesa ulya wakakumbula Joshuwa ayi, “Fuula nkwabilo shako ceebo pamusena mpooimfwi palisalalite.” Alakwe Joshuwa wakacita mbomunya ubo.

Ciyubululo 11:3

Ndaakutuma bakamboni bangu bobilo abo beshi bakanoofwete masaka kwisa mukumushimikila makani akwe Lesa kwanshiku shili cuulu amyaanda yobilo alimwi amakumi osanwe alyomwi.”

1 Samwelo 19:24

Mpomunyaawo wakacipa shakufwala shakwe akulaluka pameenso akwe Samwelo. Wakoona matakosha malumwi oonse kunungaako amashiku. Mboboobo mbowaakatalika mwaambo wakwaamba ayi, “Sa Saulo alakwe waba mulaluki?”