Isaya 20:1 - Baibo Busansulushi Bwa Libuku Ili

¹ Mumwaaka umwi Saligoni, mwaami wa bene Asilya, wakatuma mutanjilili wa bashilumamba bakwe ayi alwane ndabala ya Ashidodi. Ncakwiila wakeelwana akwiikoma.

Isaya 20:1 ပူးပေါင်းရင်းမြစ်များ

2 Baami 18:17

Lyalo Mwaami wa bene Asilya wakatuma bamatanjilili ba bashilumamba botatwe beendaawo pantu pomwi abashilumamba baanji baanji kuswa kuLakishi kuya mukulwana Esekiya kuJelusalemu. Ono ndibakashika kuJelusalemu bakeemikana mumukwakwa uyo beshikutunga nsalu mobakalinga kusebensela, pafwaafwi amufolo wakalinga kuleta maanshi kuswa kucishiba ca peculu.

2 Makani 26:6

Mpeeke Usiya wakaya mukulwana bene Filisiti. Wakapwaya lilinga lya ndabala ya Gati, Jabune alimwi alya Ashidodi. Lyalo wakayakulula mandabala amwi kufwaafwi andabala ya Ashidodi akumisena imwi ya muFilisitiya.

Isaya 14:31

Amulile mwebo nobamundabala inene! Amoolome akuloonda nobene Filisiti noonse. Amubone lusuko mbolwatumba kulubasu lwa kumalenge! Ndikoto lya bashilumamba litoosa. Pakati kabo taapu moowa.

Jelemiya 25:20

pantu pomwi abaswamashi boonse bali kooko, bamaami boonse ba bene Usi, bamaami boonse ba bene Filisiti nkokwaamba ayi ba kuAshikeloni, Gasa, Ekiloni abantu bakacaala kuAshidodi,

Amosi 1:8

Ndaakunyonyoola mwaami wa bene Ashidodi, ncakwiila uyo ulela mundabala ya Ashikeloni. Ndaakupa mulandu ndabala inene ya Ekiloni kushikila abene Filisiti bakamane kufwa. Nebo neMwaami Lesa Shinkusu shoonse ndaamba.”

Joshuwa 11:22

Taaku mwine Anaki nabi womwi wakacaala kaayoya mucishi coonse ca Isilaeli. Mwakacaalabo bakamwikamwi muGasa, Gati alimwi amuAshidodi.

1 Samwelo 5:1

Mpeeke bene Filisiti ndibakamana kucata Libokoshi lya Cipangano, bakaliyumuna kuswa kuEbenesa kulitola kundabala inene ya Ashidodi.

1 Samwelo 6:17

Bene Filisiti bakatumya shuute sha golodi shili shosanwe ayi comwi acomwi ciimikanine ndabala inene ya Ashidodi, Gasa, Ashikeloni, Gati aya Ekiloni.