Isaya 2:21 - Baibo Busansulushi Bwa Libuku Ili

²¹ Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 2:21 ပူးပေါင်းရင်းမြစ်များ

2 Samwelo 22:46

Ncakwiila boonse balaloonda, balaswa mobayuba kabatutumabo.

Jobo 30:6

Aboobo bakalinga kunookalabo mutulonga tuyuminite, amushimfwengo sha mabwe kutulundu.

Jobo 9:6

Lesa ulatenkaanya cishi ca panshi cino alimwi ulalengesha macinko a ncico kutenkaana.

Kulonga 33:22

Ono na bulemu bwangu bunokwiinda, ntookubika mucimfwengo ca mulibwe, akukufweka lyaansa lyangu kushikila nyinde.

Lwiimbo lwakwe Solomoni 2:14

Ompolobe yangu nooli mushicengo sha mabwe, nookala mumisena yakuyubilaamo mukalundu. Tondesha ciwa cako, aanyumfwe liswi lyako mukwiinga liswi lyako ndibotu. Acalo ciwa cako ncibotu abuumbi.

Isaya 2:10

Nobantu, amuyube mushimfwengo mutulundu twa myaandami, nabi kukaba shilindi kwaamba ayi mucice bukali bwa Mwaami Lesa akuyuba nkusu abulemu bwakwe.

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 24:18

Uyo woonse weshi akeeleshe kucica shiyoosha, ulaakuwita mucilindi. Uyo weshi akeeleshe kuloboka kuswa mucilindi, ulaakucatwa mukoose. Kulaakuloka mfula inene abuumbi kuswa kwiculu alimwi lwiimbi lwa cishi ca panshi lulaakutenkaana.

Isaya 33:10

Mwaami Lesa utokwaamba ayi, “Ono ntoonyamuka, ee, ntoomutondesha nkusu shangu. Lyalo ntooba abulemu.

Isaya 7:19

Ashalo shilaakwisa akwikala mushinyika, mushimfwengo sha mumabwe, pacikupu coonse ca myuumfwa alimwi amumafulo oonse.

Jelemiya 16:16

Mwaami Lesa waamba ayi, “Sombi bulya ntootuma beshikucaya nswi baanji kuya mukubacata. Kuswawaawo ndaakutuma bapalu baanji abo beshi bakese mukubafwima mumalundu oonse, mutulundu toonse alimwi amushimfwengo shili mumyaandami.

Osiya 10:8

Misena yakulambililaako ya patulundu ya kuAfeni, ilaakunyonyoolwa ceebo cakulengesha bene Isilaeli kubisha. Myuumfwa ashisonsoonya shilaakumena akufwekelesha shipaililo sha njiyo. Bantu balaakutalika kwaambila tulundu tunene ayi, “Amutuwiite,” alimwi atulundu tuniini ayi, “Amutufwekelele.”