Isaya 2:19 - Baibo Busansulushi Bwa Libuku Ili

¹⁹ Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 2:19 ပူးပေါင်းရင်းမြစ်များ

2 Samwelo 22:46

Ncakwiila boonse balaloonda, balaswa mobayuba kabatutumabo.

Jobo 9:6

Lesa ulatenkaanya cishi ca panshi cino alimwi ulalengesha macinko a ncico kutenkaana.

Kulumbaisha 7:6

NoBaami baLesa, amunyamuke ono mubukali bwanu. Amubukile bukali bwa balwani bangu. Amunyamuke ono ayi muncaafwe, amoomboloshe cabululami.

Isaya 13:13

Ndaakulengesha liculu kututuma acalo cishi ca panshi cilaakutenkaanishikwaawo pamusena wa ncico. Pabushiku ubo nebo neMwaami Lesa Shinkusu shoonse ndaakuyubulula bukali bwangu buyoosha.

Isaya 2:10

Nobantu, amuyube mushimfwengo mutulundu twa myaandami, nabi kukaba shilindi kwaamba ayi mucice bukali bwa Mwaami Lesa akuyuba nkusu abulemu bwakwe.

Isaya 2:21

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 24:1

Amubone, Mwaami Lesa ulaakunyonyoola cishi ca panshi akucilengesha kuba matongo. Ulaakusandamuna akumwaya bantu boonse bekala muli ncico.

Isaya 24:18

Uyo woonse weshi akeeleshe kucica shiyoosha, ulaakuwita mucilindi. Uyo weshi akeeleshe kuloboka kuswa mucilindi, ulaakucatwa mukoose. Kulaakuloka mfula inene abuumbi kuswa kwiculu alimwi lwiimbi lwa cishi ca panshi lulaakutenkaana.

Isaya 24:19

Cishi ca panshi casekemuka alimwi capasooka akutenkaanishikwa.

Isaya 30:32

Muciindi bene Asilya baakunoopekwa mulandu, balo bantu bakwe Lesa balaakunooshana kumukumo wa misebe atulumbu. Mwaami Lesa mwiine ulaakulwana bene Asilya.

Isaya 33:10

Mwaami Lesa utokwaamba ayi, “Ono ntoonyamuka, ee, ntoomutondesha nkusu shangu. Lyalo ntooba abulemu.

Isaya 7:19

Ashalo shilaakwisa akwikala mushinyika, mushimfwengo sha mumabwe, pacikupu coonse ca myuumfwa alimwi amumafulo oonse.

Jelemiya 16:16

Mwaami Lesa waamba ayi, “Sombi bulya ntootuma beshikucaya nswi baanji kuya mukubacata. Kuswawaawo ndaakutuma bapalu baanji abo beshi bakese mukubafwima mumalundu oonse, mutulundu toonse alimwi amushimfwengo shili mumyaandami.

Jelemiya 4:29

Ono baakunyufwabo ciyobeyobe ca bashilumamba balwanina pamaaki abeshimata, bantu mumandabala oonse balaakucica. Bamwi balaakucicila muluundu, bamwi balaakulityaanisha pakati ka myaandami. Mandabala oonse alaakubula amuntu ukalaamo. Taaku muntu nabi womwi weshi akekalemo tubili.

Jelemiya 48:28

“Mwebo nomwikala mucishi ca Moabu, amuswe mumandabalaanu. Kamuya mwikale mutulundu tulaamfu twa mabwe. Amube anga nimpolobe ipanga ciinswa ca njiyo kumwinjililo wa cimfwengo.

Esekelo 33:27

“Balwiite ayi nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo abo bakacaala mumatongo balaakucaikwa munkondo. Abo bekala muluundu ndaakubaaba kubanyama ba muluundu. Abalo abo boonse bekala mushiyubilo amushimfwengo, balaakufwa kumwaalu.

Osiya 10:8

Misena yakulambililaako ya patulundu ya kuAfeni, ilaakunyonyoolwa ceebo cakulengesha bene Isilaeli kubisha. Myuumfwa ashisonsoonya shilaakumena akufwekelesha shipaililo sha njiyo. Bantu balaakutalika kwaambila tulundu tunene ayi, “Amutuwiite,” alimwi atulundu tuniini ayi, “Amutufwekelele.”

Mika 7:17

Balaakunoomyanguta bulongo anga ninsoka, ee, anga shilongolo shikalaba panshi. Balaakunoosa kabatutuma mushiyubilo shabo. Balaakusandukila kuli ndime neMwaami Lesa, Lesa wanu ceebo ca boowa alimwi balaakunooloonda ndimwe.”

Naamu 3:11

Awebo ondabala ya Ninife ulaakukolwa. Lyalo ulaakuya mukuyuba akweelesha kucicila balwani bako.

Agayi 2:6

“Ono nebo neMwaami Lesa Shinkusu shoonse ndaamba ayi, ‘Paakwiinda ciindi ciniinibo ndaakutenkaanya liculu acishi ca panshi, lweenge anshi iyumu nta.

Agayi 2:7

Ndaakutenkaanya mishobo yoonse abuboni bwa njiyo bulaakuletwa kuno. Lyalo ndaakususha Ŋanda yangu abulemu.

Luka 23:30

Lyalo balaakutalika kwaambila tulundu tunene ayi, ‘Amutuwiite’ alimwi atulundu tuniini ayi, ‘Amutufwekelele.’

2 Bene Tesalonika 1:9

Mulandu wabo ulaakuba kunyonyooka kutamaani. Balaakupansanishikwa kuMwaami wesu Jesu alimwi abulemu bwa nkusu shakwe.

Bene Ebulu 11:38

Cishi ca panshi tecakalinga kubeeleteewo! Bakalinga kusubyaangilabo mumayanga alimwi amutulundu akunookalabo mushimfweengo sha panshi alimwi amushilingo.

Bene Ebulu 12:26

Paciindi ico, liswi lyakwe Lesa lyakatenkaanya cishi ca panshi, sombi bulya wakashomesha ayi, “Ndaakutenkaanya cishi alimwi, ono kuteshi cishi ceenka, sombi aliculu alyalo.”

Ciyubululo 11:13

Paciindi ncemunya ici, kwakaba citentanshi cinene abuumbi. Mpeeke cipansha calikumi ca ndabala inene cakanyonyooka alimwi abantu bali 7,000 bakafwa. Lyalo bantu boonse bakacaala bakaloonda abuumbi akutalika kulumbaisha Lesa wa kwiculu ceebo ca nkusu shakwe.

Ciyubululo 11:19

Mpomunyaawo Ŋanda yakwe Lesa yakacaluka kwiculu, aLibokoshi lya Cipangano lyakaboneka nkomunya uko. Lyalo kwakatalika kubeka kwa mfula, kunyumfwika ciyobeyobe alimwi ashilulumo. Kwakaba citentanshi alimwi amfuula ya mabwe inene.

Ciyubululo 16:18

Lyalo kwakaba kubeka kwa mfula, shiyobeyobe, shilulumo alimwi acitentanshi cinene abuumbi. Takuna kubawo kale citentanshi ca mushobo wooyu kuswabo kumalengelo a muntu. Cakabica kwiinda pashitentanshi shimwi shoonse.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 9:6

Ono mumyeenshi yosanwe iyi, bantu balaakunooyandoola lufu, sombi teshi bakalucaneewo. Balaakusuna kufwa, sombi lufu lulaakubacica.

1 Samwelo 13:6

Lyalo bene Isilaeli ndibakabona ayi bakalinga munkasaalo, bamwi bakalinga kuyuba mushimfwengo, mushilingo, pakati ka mabwe, mushilindi alimwi amumikalo.

1 Samwelo 14:11

Mpeeke bakalibonesha kashanga kubene Filisiti. Lyalo bene Filisiti bakaamba ayi, “Amubone! BaEbulu bamwi batooswa mushilindi mobalinga kuyubite!”