Isaya 2:12 - Baibo Busansulushi Bwa Libuku Ili

¹² Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

Isaya 2:12 ပူးပေါင်းရင်းမြစ်များ

2 Samwelo 22:28

Mulapulusha baabo balibombya, sombi mulaboosha panshi abo balisumpula.

Jobo 24:1

“Ceebonshi Shinkusu shoonse ncaatana kubambila ciindi cakoombolosha? Ceebonshi abo bamusebensela ncebalangilila bushiku ubo kwakubula kububona?

Kulumbaisha 131:1

NoBaami baLesa, ndacileka kulisumpula alimwi ndasowa kulisuna kwangu koonse. Kushintu shinyinda ciimo nshibikiiko maano nabi kukusha moyo kushintu shikankamika.

Kulumbaisha 18:28

Mwebo noBaami baLesa ndimwe munyasha mumuni wa buumi bwangu, mulapalanganya munshinshe kunembo lyangu.

Kulumbaisha 37:13

Nakubi boobo bantu abo Mwaami Lesa ulabaseka, ceebo ulibwene ayi bushiku bwakunyonyoolwa kwabo buli munshila.

Kulumbaisha 94:2

Amunyamuke noboomboloshi ba bantu boonse, amuboosheshe beshikulisumpula shintu nshebeelete.

Tushimpi 16:5

Mwaami Lesa ulipatite bantu boonse balisumpula, Anu amwishibe ayi teshi akabalangilishebo cakutabapa mulandu.

Isaya 10:12

Sombi Mwaami Lesa waamba ayi, “Ndamanisha kucita nsheentoocita paKalundu ka Siyoni amundabala ya Jelusalemu, ndaakupa mulandu muleli munene wa kuAsilya ceebo cakulisumpula, ee, ceebo cakulinaamuna kwakwe.”

Isaya 10:33

Amubone, Mwaami Lesa, ee, Mwaami Lesa Shinkusu shoonse ulaakubatema akubalosha anga ngumusampi wa cisamu watemwa. Ncakwiila abo balisumpula, abo balinaamuna ulaakubatema akubaboosha panshi.

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 13:6

Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 13:9

Amubone bushiku bwa bukali bwa Mwaami Lesa butoosa, bushiku buyoosha alimwi bufundeene kubukali. Butoosa mukunyonyoola cishi coonse akunyonyoola bamucita shibi boonse baliimo.

Isaya 14:15

Sombi anaapa waletwa mucuumbwe, ee, kuunshi kwiine kwa musena wa bafu.

Isaya 23:9

Mwaami Lesa Shinkusu shoonse ngowakapinga kucita cintu ici. Wakaciyeeya kwaamba ayi amane kulisumpula kwabo pashintu nshebakacita akunyaya bulemu bantu abo bakalinga kulemekwa cishi coonse.

Isaya 24:21

Pabushiku ubo Mwaami Lesa ulaakupa mulandu beshinkusu mwiculu abamaami ba pacishi ca panshi.

Isaya 24:4

Cishi ca panshi cayuma, ncakwiila coonse caangana. Cishi ca panshi aliculu shabola.

Isaya 40:23

Banaabaami ngoobanyaya bulemu bwabo akubalengesha kuba mbuli bamwi boonse. Baleli ba pacishi ca panshi ngoobafuula bwaami bwabo.

Isaya 42:15

Aboobo ndaakunyonyoola tulundu tunene atuniini akuyumya shintu shoonse shimeneteewo. Milonga ndaakwiisandula kuba nsumbu alimwi akuyumya mashiba.

Isaya 5:15

Aboobo kulinaamuna kwa bantu kulaakumana. Ncakwiila kulisumpula kwabo kulaakunyonyoolwa.

Isaya 61:2

Wantuma akwaambilisha ayi uno ngomwaaka uyo Lesa ngweshi apulushe bantu bakwe akuboosha cishole kwakwe Lesa. Wakantuma kwaamba ayi ngumbulushe bantu boonse batoolila.

Jelemiya 12:9

Bantu mbondakasala baba anga nkayuni kashingulukwa abacikupwi ayi bakalye. Koya ukabunganye banyama bamuluundu boonse ayi abalo bese balye.

Jelemiya 13:9

“Nebo neMwaami Lesa ndaamba ayi, ‘Munshila njemunya iyi mbweshi nkanyonyoole kulisumpula kunene kwa bene Juda akwa bene Jelusalemu.

Jelemiya 30:7

Bwabica bushiku ubu mwebo! Taaku bushiku nabi bomwi bweshi bukakoshanyeewo ambubo. Bulaakuba bushiku bwa mapensho kubamulunyungu lwakwe Jakobo, nakubi boobo balaakupulushikwa.”

Jelemiya 46:10

Sombi bushiku ubu mbwa Mwaami Lesa, Mwaami Lesa Shinkusu shoonse. Mbushiku bwakuboosha cishole, ee, cishole pabalwani bakwe. Mupeeni ulaakucaya tibili ukakute bulowa ee, kushikila nyotwa ya bulowa ikamaane. Mwaami Lesa Shinkusu shoonse ulaakubenga mulambu mucishi cakumatwa kulubasu lwa Mulonga wa Yufuletisi.

Jelemiya 50:31

Mwaami Lesa Shinkusu shoonse waamba ayi, “Bona, ntookulwana webo ocishi cilisumpula ceebo bushiku bwako bwakupekwa mulandu bwashikila.

Esekelo 13:5

Bakacileka akuya mukulama pamusena apo lubumbu lwabo mpolwakamwayuluka nabi kuya mukuluyaka alimwi kwaamba ayi lukatabilile bene Isilaeli pabushiku bwa Mwaami Lesa bwa nkondo.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Amosi 5:18

Mapensho kuli ndimwe nomutookumbwa kubona bushiku bwa Mwaami Lesa. Ceebonshi mulakumbwa kubona bushiku ubo? Bushiku ubo bulaakuba bwa munshinshe, kuteshi bwa mumuni.

Mika 2:3

Paceebo ceeco Mwaami Lesa waamba ayi, “Ntooyeeya kumuletela mapensho mwebo nobantu alimwi teshi mukakonshe kulipulusha. Teshi mukanokweendawo cakulisumpula ceebo cilaakuba ciindi ca mapensho.

Mika 5:11

Ndaakunyonyoola mandabala oonse a mucishi canu akupwayoola malinga anu oonse.

Sefaniya 1:16

bushiku bwa mapeenga a nkondo akulila kwa bashilumamba abo beshi bakalwane mandabala acite malinga alimwi amaanda alaamfu.

Sefaniya 3:11

Pabushiku bweenka ubo mwebo nobene Jelusalemu teshi mukalenshekwe nsoni pashintu isho nshemwakambishisha. Nebo ndaakukusha beshikulisumpula boonse mundabala yanu. Teshi mukambukilewo tubili pakalundu kangu kasalalite.

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Malaki 4:5

“Amubone, ndaakumutumina mulaluki Elija bushiku bunene buyoosha bwa Mwaami kabutana kushikila.

Mateyo 23:12

Uyo woonse ulisumpula, Lesa ulaakumuceesha alimwi uyo woonse uliceesha, Lesa ulaakumusumpula.

Luka 14:11

Mukwiinga uyo woonse ulisumpula ulaakuceeshekwa, sombi uyo woonse uliceesha ulaakusumpulwa.”

1 Bene Kolinto 5:5

mukaabe musankwa uyo kunkusu shakwe Satana kwaamba ayi mubili wakwe unyonyoolwe. Lyalo muuya wakwe ndyeshi ukapulushikwe pabushiku bwakwisa Mwaami Jesu.

1 Bene Tesalonika 5:2

Ceebo mwebo nobeene mulishi kale kabotu kwaamba ayi Bushiku bwakwisa kwa Mwaami Jesu, bulaakushikila cakutabwiingashila bweenka mwiipi mbweesa mashiku.

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”