Isaya 19:3 - Baibo Busansulushi Bwa Libuku Ili

³ Bene Ijipiti balaakutyongola alimwi ndaakulengesha miyeeyo yabo kubula mpindu. Balaakwiipusha kushibumbwabumbwa, kumishimu, kubeshi shamucaamba alimwi akubeshikwaamba amishimu.

Isaya 19:3 ပူးပေါင်းရင်းမြစ်များ

2 Samwelo 15:31

Ono Defedi wakalwiitikwa ayi pabaabo batookonkela aAbusalomu, Ayitofelo alakwe mpwaali. Mpomunyaawo Defedi wakapaila ayi, “NoBaami baLesa amumunyaaye busongo bwakupanda maano kwaamba ayi anokwaambabo shifwite.”

2 Samwelo 17:14

Mpomunyaawo Abusalomu abene Isilaeli bamwi boonse bakaamba ayi, “Muyeeyo wapa Ushayi mwine Aki weendaawo kubota pawakwe Ayitofelo.” Ono cakacitika boobo mukwiinga Mwaami Lesa wakalinga weelibalabo kunyonyonganya muyeeyo ubotu wakwe Ayitofelo kwaamba ayi alete libona pali Abusalomu.

2 Samwelo 17:23

Ono Ayitofelo ndyaakabona ayi muyeeyo wakwe wakakwa, wakabika cakwikalaawo pambongolo yakwe akuya kuŋanda yakwe mundabala ine mishaabo. Mpeeke ndyaakamana kubamba shakalinga kweelete muŋanda yakwe, wakalyaangilila. Aboobo wakafwa akubikwa mucuumbwe ca baishi.

2 Baami 1:2

Mwaami Aasiya wakaloka pambwelyo ya cipinda ca peculu ca ŋanda yakwe muSamaliya akulicisa abuumbi. Lyalo wakatuma beshinkombe kuya mukwiipusha Baali Sebubu lesa wa kuEkiloni ndabala inene ya bene Filisiti ayi na ulaakuba kabotu.

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

Kulumbaisha 107:27

Bakapulumpunta akutalantanta anga mbantu bakoletwe cakwaamba ayi alushibo lwabo mpalampala.

Kulumbaisha 33:10

Mwaami Lesa ulanyonyonganya miyeeyo ya bantu bakunsengwe, ee, ulalengesha bantu abo kubula kucita miyeeyo njebabamba.

Kulumbaisha 76:12

Lakwe ulamana kulisumpula kwa bamaami, bamaami boonse ba mucishi ca panshi balamuloonda.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Isaya 14:27

Mwaami Lesa Shinkusu shoonse mwiine ngwaashinisha ayi ulaakucita shintu ishi. Ono ngani weenga wakonsha kumukasha? Lyaansa lyakwe walinyamuna kale kwaamba ayi ape mulandu. Ono ngani weenga wakonsha kuliboosha panshi?

Isaya 15:2

Bantu bamundabala ya Diboni baya kuŋanda ya lesa wabo. Ee, kumisena yakulambililaako balesa babo kuya mukulila. Bene Moabu abo batoolila ndabala ya Nebo aMedeba. Mutwi wa muntu womwi awomwi wakululwa ashalo ndesu sha basankwa boonse shaceswa.

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Isaya 44:25

Ndime Lesa uyo ulubaanya bulaluki bwa balaluki babeshi akulengesha bamukamwaami kuboneka buluya. Ndime Lesa uyo ukoma lushibo lwa basongo akululengesha kuba buluya.

Isaya 47:12

“Ndwaako, kosunga shisoko abwaanga bwako, kayi wakalinga kushisebensesha kuswabo kubwanike. Cimwi ciindi shilaakukucafwa munshila imwi. Mpashi ulaakukonsha kuyoosha balwani bako.

Isaya 57:16

Teshi nkatolelele kumupa milandu nabi kunoopulwita bukali pali ndimwe. Na ndatolelela, bantu inga bafwa. Ee, inga bafwa bantu abo nebo nemwiine mbondakalenga.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Jelemiya 46:15

Ceebonshi Apisi lesa wanu ncaakawita panshi? Mwaami Lesa ngowamuwisha panshi.

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Esekelo 22:14

Sa ulaakunoocicite nkusu nabi kuba ankusu shakusebensesha maansaako bushiku mbweshi nkakulwaane? Nebo neMwaami Lesa ndaamba alimwi ndaakucicita.

Danyelo 1:20

Mumakani oonse a busongo amaano akunyumfwisha shintu ayo mwaami ngaakabeepusha, wakacana kwaamba ayi balo bakalinga kucite busongo ciine kwiinda beshimampelampela abeshikusonda bali mubwaami bwakwe boonse.

Danyelo 2:2

Lyalo wakeeta beshimampelampela, beshikusonda, baloshi alimwi abasongo ba shintu shili mwiculu kwaamba ayi bese bamusansulwite ciloto ico. Ndibakashika, bakeemikana kunembo lya mwaami.

Danyelo 5:7

Lyalo wakoolobesha ayi kwiitwe beshimampelampela, basongo ba shintu shili mwiculu alimwi abamukamwaami. Ono ndibakesa mwaami wakabaambila ayi, “Uli woonse weshi abelenge ishi shilembetwe palubumbu apa akundwiita mboshaamba, ntoomupa shakufwala shibotu shifubelafubela shabwaami akufwalikwa ncetani ya golodi munshingo. Peculu lya waawo utoosumpulwa kuba muleli watatu mubwaami bwangu.”

1 Samwelo 25:37

Ndibwakaca macuunsa, Nabali ndyaakakololokwa, Abigelo mukaakwe wakamwaambila makani oonse ayo. Mpeeke wakafwa citu akuyumabo nta anga ndibwe.