Isaya 19:20 - Baibo Busansulushi Bwa Libuku Ili

²⁰ Shintu isho shilaakuba shitondesho kwaamba ayi Mwaami Lesa Shinkusu shoonse mwaali muIjipiti. Bushiku baakulyatililwa, na bakalilile Mwaami Lesa ayi abacaafwe, ncakwiila ulaakubatumina weshi akabafuune akubapulusha.

Isaya 19:20 ပူးပေါင်းရင်းမြစ်များ

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Luka 2:11

Sunu mundabala yakwe Defedi mwashalwa Mupulushi wanu uyo ngoKlistu Mwaami.

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.

Isaya 55:13

Apo pali myuumfwa palaakumena shisamu sha mapaini, apalo pali shisonsoonya palaakumena mishikili. Ici cilaakuba citondesho ceshi cikanoolikobo kwalyoonse alyoonse, cakwiibalukilaawo shintu isho Mwaami Lesa nshaakacita.”

Isaya 52:5

Ono Mwaami Lesa waamba ayi, “Ino caangu apa nciinshi? Bantu bangu batolwa busha kwakubula amalipilo, abalo abo batoobalela, balabacelebula kulilabo bwaca. Peculu lya waawo balacobola liina lyangu cakutacilekaawo.

Isaya 37:36

Lyalo munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Isaya 20:4

mbweeke ubo mwaami wa bene Asilya ulaakutola busha bene Ijipiti abene Kushi kabali matakosha alimwi kabali myeendobo. Banike abamanene boonse balaakunooyabo amatako patuba mukulensha nsoni bene Ijipiti.

Isaya 19:4

Bene Ijipiti ndaakubaaba mumaansa a mwaami shilunkutwe, ncakwiila mwaami mukali ngweshi akabaleele. Nebo neMwaami Lesa, ee, neMwaami Lesa Shinkusu shoonse ndaamba.”

Joshuwa 22:34

Mpeeke cipaililo ico bakacitumba ayi, “Kamboni” ceebo bene Lubeni abene Gadi bakaamba ayi, “Cipaililo ici citooba kamboni pakati kesu amwebo kwaamba ayi Mwaami Lesa, ngoLesa wesu.”

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Kulonga 2:23

Ndipakeenda myaaka, mwaami wa mucishi ca Ijipiti wakafwa, sombi bene Isilaeli bakalinga kucipengabo ceebo ca busha akunoolilila shikubafunaako. Kulila kwabo kwakashika kuli Lesa,

Isaya 43:3

Ceebo nebo ndime Mwaami Lesa wanu, ee, Usalalite wa bene Isilaeli uyo umupulusha. Ndaakubenga Ijipiti mukumulubula. Ndaakubenga Kushi aSeba mumusena wanu.

Isaya 43:11

“Nebo, ee, nebo neenka ndime Mwaami Lesa, kwisule lyangu taaku aumwi mupulushi.

Isaya 45:15

Nobene Isilaeli, Lesa wanu uyo umupulusha, ncakwiila nguLesa ulishisa.

Isaya 60:16

Mishobo imwi abamaami balaakunookulama bweenka mushali mwanakashi bwaalama mwanaakwe. Lyalo ulaakwishiba kwaamba ayi Nebo, neMwaami Lesa, ndime Mupulushi wako. Ulaakwishiba ayi ndime nkufuna alimwi ayi ndi Lesa Shinkusu shoonse wa bamulunyungu lwakwe Jakobo.

Isaya 63:8

Mwaami Lesa wakaamba ayi, “Aba mbantu bangu, bana bangu abo batakoonshi kumbeca.” Nceceeco ncaakabeta Mupulushi wabo.