Isaya 19:2 - Baibo Busansulushi Bwa Libuku Ili

² Mwaami Lesa waamba ayi, “Ndaakulengesha bene Ijipiti kubukila bene Ijipitinyina. Nkokwaamba ayi musankwa ulaakubukila mukwabo musankwa, shikamukobo ulaakubukila shikamukobonyina, ndabala ilaakubukila ndabalanyina, bulelo bulaakubukila bulelonyina.

Isaya 19:2 ပူးပေါင်းရင်းမြစ်များ

1 Baami 16:21

Bene Isilaeli bakapansaana. Bamwi bakalinga kusuni kubika Tibini mwanaakwe Ginati pabwaami, ingayi bamwi bakalinga kusuni Omuli.

2 Makani 15:6

Cishi comwi cakalinga kulyatililwa acishi cimwi, ayalo ndabala yomwi yakalinga kulyatililwa andabala imwi mukwiinga Lesa wakalinga kuleta mapensho abuumba pali mbabo.

Isaya 3:5

Lyalo bantu balaakutalika kulyatililana, nkokwaamba ayi musankwa kulyatilila musankwanyina, shikamukobo kulyatilila shikamukobonyina. Bacikula bwangu balaakunoonyansha bamanene abalo bantu bataaku mbobabete balaakunoonyansha bamatanjilili babo.

Isaya 9:21

Bene Manase abene Efuleemu babukilana beene abeene. Kuswawaawo bacatana pomwi akulwana bene Juda. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 46:12

Mishobo ya bantu ilaakunyumfwa shakusebaana kwanu, Kulila kwanu kulaakunyumfwika mucishi coonse ca panshi. Bashilumamba banu balaakunoolimbana akuwita panshi boonse pantu pomwi.”

Jelemiya 51:46

Mutakatutumi nabi kuloonda mwaakunyumfwa mikutukutu iyo njeshi mukanyumfwe. Mwaaka amwaaka kulanyumfwika mikutukutu, inga yaba yakulwana mucishi canu nabi mwaami kubukila mwaaminyina.

Esekelo 38:21

Ndaakuleta bantu abo beshi bakese mukulwana nkondo aGogi patulundu twangu toonse. Bantu balaakutalika kuyasana mipeeni beene abeene. Nebo neMwaami Lesa Shinkusu shoonse.

Sekaliya 8:10

Kacitana kushikila ciindi ico, tekwakalinga kufola maali na muntu wenjila ncito nabi kulipila weenga wakupa ŋombe yakusebensesha. Tekwakalinga kwikala kwakubula cakulisukama balwani ceebo nebo ndakalengesha muntu womwi awomwi kubukila mubye.

Mateyo 10:21

“Muntu ulaakubenga mukwabo wa lifumo lyomwi ayi acaikwe, abalo bamaishiwabo balaakubenga bana babo. Abalo baana balaakubukila bamashali babo, akubacaisha.

Mateyo 10:36

Ono nkokwaamba ayi balwani ba muntu balaakuba baabo beenka mbwaakalaabo paŋanda.

Mateyo 12:25

Jesu wakalinga kwishi miyeeyo yabo, lyalo wakabaambila ayi, “Buleelo boonse bweenga bwabukilana akutalika kulwana, buleelo ubo bulamwaika. Na bantu ba mundabala nabi muŋanda yomwi babukilana, ndabala nabi ŋanda iyo ilawa.

Mateyo 24:7

Mushobo umwi ulaakubukila ubye, abwalo buleelo bulaakubukila bulelonyina. Kulaakuba nsala ashitentanshi mumisena ipusenepusene.

Maako 3:24

Na cishi calyaabanya mushipansha akutalika kulwana shiine, cishi ico cilawa.

Boomboloshi 7:22

Boonse ndibakalisha mapeenga ali 300, Mwaami Lesa wakalengesha balwani babo kutalika kucayana beene abeene. Bakacicila kuBeti Shita kulubasu lwa kuSelela kuya mukushika kundabala ya Abelo Mewola kufwaafwi akuTabati.

Boomboloshi 9:23

Kuswawaawo Lesa wakatuma muuya ubiibi uyo wakalengesha bene Shekemu kupata Abimeleki. Lyalo bakamubukila.

1 Samwelo 14:16

Ono bashilumamba bakwe Saulo abo bakalinga kulindilila kuGibiya mucishi cakwe Benjameni, bakababona bene Filisiti kabacica cicicecice.

1 Samwelo 14:20

Mpomunyaawo Saulo abashilumamba bakwe bakeenda kuya mukulwana bene Filisiti. Bakacana ayi bakalinga kulwana beene abeene ceebo cakupilingana.