Isaya 19:1 - Baibo Busansulushi Bwa Libuku Ili

¹ Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Isaya 19:1 ပူးပေါင်းရင်းမြစ်များ

Kulumbaisha 104:3

Mwakayaka ŋanda yanu peculu lya maanshi a kwiculu. Mulasebensesha makumbi anga shikoci shanu sha nkondo. Muleendela pamapapaminwa a muuwo.

Kulumbaisha 104:34

Miyeeyo yangu yoonse aimusangalashe mukwiinga kukondwa kwangu kulaswa kuMwaami Lesa.

Kulumbaisha 18:9

Mwaami Lesa wakapensula liculu akwisa panshi. Kuunshi kwa myeendo yakwe kwakalinga makumbi ashiya mbi.

Kulumbaisha 68:4

Amwiimbile Lesa, mwiimbe nyimbo shakulumbaisha liina lyakwe. Amwiimbishe kulumbaisha wooyo weendela pamakumbi, liina lyakwe nguMwaami Lesa, amusangalale pameenso akwe!

Kulonga 12:12

“Pabushiku ubo mbomunya mashiku, ndaakwiinda mucishi coonse ca Ijipiti kuya cicaya baana basankwa boonse bakwiiya ba bantu alimwi aba shifubwa. Ndaakupa mulandu balesa boonse ba bene Ijipiti. Nebo ndime Mwaami Lesa.

Isaya 13:1

Ono ngaaya maswi aamba paBabiloni Isaya mwanaakwe Amosi ngwaakatambula kuswa kuli Lesa.

Isaya 13:7

Paceebo ceeco maansa oonse alaakuboolabo lempwete. Ncakwiila womwi awomwi ulaakunjilwa boowa.

Isaya 19:16

Ciindi cilaakushikila bene Ijipiti ndyeshi bakabe boowa anga mbanakashi. Balaakututuma kuboowa baakubona ayi ndyaansa lya Mwaami Lesa Shinkusu shoonse lyabaletela mapensho.

Isaya 21:9

Ono anaaba baashika! Bashilumamba bobilo bobilo bali pamaaki baashika.” Mpomunyaawo shikulindilila wakaambilisha ayi, “Babiloni wawa! Ee, Babiloni wawa! Ono sunu shibumbwabumbwa shoonse nshebalambila shitoopwayoolwa.”

Jelemiya 25:19

Ndakanwisha Falawo mwaami wa bene Ijipiti, bamatanjilili bakwe, bacinenenene bakwe abantu bakwe bamwi boonse

Jelemiya 4:13

Amubone, utoosabo anga ngamakumbi, shikoci shakwe sha nkondo shitoosa buulukabo anga nkapupuulwa aalo maaki akwe aleenda lubilo kwiinda bamumbankwashi. Mapensho kuli ndiswe! Ncakwiila twamanaawo!

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Jelemiya 50:2

“Amwaambilishe akoolobesha pakati ka mishobo ya bantu, amwiimike mbembela akoolobesha, mutafunkili nabi comwi, sombi mwaambe ayi, ‘Babiloni ulaakukomwa, Belo ulaakulenshekwa nsoni, Maduki ulaakunyumfwa boowa. Shikoshanyo shakwe shilaakulenshekwa nsoni ashibumbwabumbwa shakwe shilaakupwayoolwa.’

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Esekelo 30:13

“Nebo neMwaami Lesa Shinkusu shoonse ndaamba ayi, ‘Ndaakunyonyoola shibumbwabumbwa akumanisha shikoshanyo sha mucishi ca Memfisi. MuIjipiti teshi mukabewo tubili mwaami alimwi ndaakuloondesha bamucishi ico coonse.

Jowelo 3:19

“Cishi ca Ijipiti cilaakuba luyanga. Acalo cishi ca Edomu cilaakuba luyanga umo mutekaali bantu mukwiinga mishobo iyo yakalwana cishi ca Juda akucaya bantu ba ncico batacite mulandu.

Naamu 1:1

Aya ngamaswi akaswa kuMwaami Lesa kwaamba pandabala ya Ninife. Ili ndibuku lya cili anga nciloto cakabona Naamu mwine Ekiloshi.

Naamu 1:3

Mwaami Lesa taakalali bwaangu alimwi ngushinkusu shiinji. Taalangibo muntu wabisha kutamupa mulandu. Uleendela mukapupuulwa amucipuupu. Makumbi alaba ndolusuko lwa myeendo yakwe.

Sekaliya 10:11

Baakwiinda mulweenge lwa mapensho abo, maaba ayoosha alaakukomwa. Ndushinisho maanshi alaamfu amuMulonga wa Nailo alaakuyuma kushika apanshi peene. Kulisumpula kwa bene Asilya kulaakumanishikwa abwalo bweendeleshi bwa bene Ijipiti bulaakwiinda.

Sekaliya 14:18

Na bene Ijipiti bakakake kunoocanika kuKusekelela kwa Shimpaka, mfula teshi bakanooibonaawo. Nkokwaamba ayi Mwaami Lesa ulaakubaletela mwaalu weenka uyo ngweshi akalosheshe bamumishobo yoonse abo beshi bakakake kuya mukucanika kuKusekelela kwa Shimpaka.

Shakubelenga 33:4

abo bakalinga kufukila bana babo bakwiiya abo Mwaami Lesa mbwaakacaya. Mukucita ceeci, Mwaami Lesa wakabonesha ayi uleendaawo nkusu pabalesa ba bene Ijipiti.

Dutolonomi 33:26

Nobene Isilaeli, taaku lesa umwi uli anga nguLesa wanu, uyo weendeenda mwiculu mubulemu bwakwe, uleendeenda mumakumbi ayi amucaafwe.

Joshuwa 2:11

Nditwakanyumfwa shikani ishi, soonse twakaloonda abuumbi ceebo ca ndimwe. Ncakwiila Mwaami Lesa, Lesa wanu, nguLesa wa kwiculu alimwi apacishi ca panshi.

Joshuwa 2:24

Bakaambila Joshuwa ayi, “Ncalushinisho Mwaami Lesa watupa cishi coonse. Bantu boonse kulya baliloondete abuumbi ceebo ca ndiswe.”

Joshuwa 2:9

akubaambila ayi, “Ndishi ayi Mwaami Lesa wakamupa cishi cino. Boonse bantu bekala mucishi cino baliloondete abuumbi ceebo ca ndimwe.

Ciyubululo 1:7

Amubone, utoosa amakumbi! Bantu boonse balaakumubona kubikaawo abaabo boonse bakamuyasa. Mishobo yoonse mucishi ca panshi ilaakulila ceebo ca nguwe. Ameni!