Isaya 18:2 - Baibo Busansulushi Bwa Libuku Ili

² Kuswa kucishi ico kulatumwa bashinkombe mumaato a matete paMulonga wa Nailo. Ono amuboolele mwebo nobeshinkombe beenda cakufwambaana! Amutole nkombe kubantu balaamfu, bateshimite shikanda alimwi bantu baloondwa cishi coonse. Ee, kumushobo ucite beshinkusu, ncakwiila kucishi cibaanishitwe amilonga.

Isaya 18:2 ပူးပေါင်းရင်းမြစ်များ

2 Makani 14:9

Kwakalinga Sela mwine Kushi uyo wakesa mukulwana cishi ca Juda abashilumamba bali 1,000,000 ashikoci shili 300. Wakashika akuMalesha.

2 Makani 16:8

Sa bene Kushi abene Libya tebakalinga kucite bashilumamba baanji, shikoci shiinji alimwi abeshikulwanina pamaaki baanji? Sombi mukwiinga mwakacinka manungo muMwaami Lesa, wakabaaba mumaansaanu.

Jobo 9:26

Sheenda lubilo anga mbwaato bwa mabuba. Sheendabo anga ngucikupwi usuni kufupula cakulya.

Kulonga 2:3

Sombi ndyaakabona ayi inga taatoleleli kumushisa, wakabwesa mutaanga wa matete akunanikamo manenekela kwaamba ayi maanshi atanoonjila. Lyalo wakabikamo mwaana akumushisa mumatete muloombe lwa mulonga.

Isaya 18:7

Paciindi ico shipo shilaakuletwa kuMwaami Lesa kuswa kubantu balaamfu, bateshimite shikanda alimwi bantu baloondwa cishi coonse. Ee, kuswa kumushobo ucite beshinkusu, ncakwiila kuswa kucishi cibaanishitwe amilonga. Bantu abo balaakwisa kuKalundu ka Siyoni uko Mwaami Lesa Shinkusu shoonse nkwaalambililwa.

Jelemiya 49:14

Ndakanyumfwa nkombe yakaswa kuMwaami Lesa yakwaamba ayi, “Shikumwiimikaninako wakatumwa kumishobo ya bantu mukwaamba ayi, ‘Amulibungebunge mulwane bene Edomu! Amunyamuke muye kunkondo!’

Esekelo 30:9

“Bushiku ubo bwaakushikila alimwi cishi ca Ijipiti caakunyonyoolwa, ndaakutuma beshinkombe bangu mumaato kuya mukuloondesha bene Kushi bashiite kwakubula cakulisukama kwiinda mukubalwiita ayi kunyonyooka kwabo kulaakwisa. Bushiku ubo ncakwiila bulaakwisa.

Obadiya 1:1

Ishi nshesheeshi Mwaami Lesa nshaakayubulwita Obadiya anga muciloto. Makani aya atokwaamba pabene Edomu. Mwaami Lesa wakatuma shikwiimikaninaako kumishobo imwi yoonse alimwi twakanyumfwa makani akwe akwaamba ayi, “Amulibambile! Tiya tukalwaane abene Edomu.”

Abakuku 1:7

Mbantu baloondwa alimwi bayoosha. Ncakwiila mbantu abo balipangilabo milawo beene abwalo bulemu balalipabo beene.

Luka 10:19

Ono amunyumfwe! Ndamupa nkusu sha kweenda pansoka apantalaŋongo alimwi akukoma nkusu shoonse sha Mulwani. Taaku ceshi cikamuciise.