Isaya 17:8 - Baibo Busansulushi Bwa Libuku Ili

⁸ Teshi bakaciinke manungo mushipaililo isho nshebakayaka amaansaabo. Ncakwiila teshi bakaciinke manungo mushikoshanyo shakwe Ashela lesa wabo mwanakashi, nabi mushipaililo sha tununkila kabotu nshebakayaka amaansaabo.

Isaya 17:8 ပူးပေါင်းရင်းမြစ်များ

2 Samwelo 22:42

Bakalinga kuyandoola lucafwo, sombi taaku wakabapulusha. Bakapaila kuMwaami Lesa, sombi taakwe kubakumbula.

2 Makani 14:5

Ono ceebo cakwaamba ayi wakanyonyoola misena yakulambililaako ya patulundu alimwi ashipaililo shakutentelaawo tununkila kabotu mumandabala a bene Juda oonse, cishi cakalinga muluumuno mubwaami bwakwe boonse.

2 Makani 31:1

Kusekelela ndikwakamana, bene Isilaeli boonse bakalingaako bakaya kumandabala oonse ene Juda mukumwayulula macinko asalalite akutimboola shikoshanyo shakwe Ashela lesa mwanakashi. Bakanyonyoola misena yoonse yakulambililaako ya patulundu ashipaililo sha mucishi ca Juda coonse, ca Benjameni, ca Efuleemu alimwi aca Manase. Lyalo boonse bakaboolela mwabo mwabo.

2 Makani 34:4

Bakamwayulula shipaililo shakwe Baali kweelana ambwaakabaambila Josiya. Bakapwayoola ashipaililo sha tununkila kabotu shakalinga pafwaafwi anshisho, shikoshanyo shakwe Ashela alimwi ashibumbwabumbwa shimwi shoonse. Lyalo bakasanseela busu bwa nshisho pashuumbwe sha baabo bakalinga kubenga milambu kuli nshisho.

Kulonga 34:13

Sombi mukamwayulule shipaililo shabo, mukanyonyoole mabwe ngobakeemika pamisena yakulambililaawo alimwi akutimbula shikoshanyo shakwe Ashela, lesa wabo mwanakashi wakubesa.

Isaya 1:29

Cilaakukulensha nsoni kwaamba ayi wakalinga kulambila shisamu alimwi aceebo cakusala myuunda yakulambililamo balesa bamwi.

Isaya 10:20

Pabushiku ubo bene Isilaeli beshi bakacaaleewo, nkokwaamba ayi bamulunyungu lwakwe Jakobo beshi bakanoocili boomi, teshi bakanoocicinkite manungo muwooyo wakabakoma. Sombi balaakucinka manungo muMwaami Lesa Usalalite wa bene Isilaeli.

Isaya 17:9

Pabushiku ubo mandabala a bene Isilaeli ayo acite malinga ayumu balaakwaashiyabo cisuukila, bweenka bwakacita bene Amoli abene Ifi ndibakalinga kuloonda bene Isilaeli. Mulaakucaalabo kamushinka, ee, shoonse shilaakucaalabo mumatongo.

Isaya 2:8

Cishi cabo ciliswitebo shibumbwabumbwa. Balalambila shintu nshebakalipangila amaansaabo beene.

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Isaya 30:22

Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”

Isaya 37:19

Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.

Isaya 41:29

Balesa boonse aba mbakubeca. Taaku ncebakonsha kucita nabi comwi. Shibumbwabumbwa taaku mboshibete, ngumuuwobo.”

Isaya 44:15

Amubone, muntu kucisamu comwi ulakushaako musampi umwi ayi ndukuni, umwi ulakunkisha mulilo ayi ayote alimwi akupangisha shinkwa. Awalo musampi umwi nkubesaamo lesa kwaamba ayi anoolambila, ee, cibumbwabumbwa ayi anoocifukamina.

Jelemiya 17:2

Bana banu abalo balayeeyabo shipaililo shanu alimwi ashikoshanyo shakwe Ashela lesa mwanakashi shili kulubasu lwa shisamu shicite shimfule shibotu alimwi apeculu lya tulundu tulaamfu.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Sefaniya 1:3

Ndaakunyonyoola bantu abanyama boonse, tuyuni twa mwiculu answi sha mulweenge. Lyalo bamucita shibi balaakuba ntantaala ndaakumana kulobya bantu pacishi ca panshi. Nebo neMwaami Lesa ndaamba.”

Sekaliya 13:2

Bushiku ubo ndaakushiminganya meena a shibumbwabumbwa mucishi alimwi teshi shikayeeyekwewo tubili. Kuswawaawo ndaakukusha balaluki amushimu wakulambila shibumbwabumbwa mucishi.

Dutolonomi 7:5

Sombi mukamwaaye shipaililo shabo, mukanyonyoole mabwe ngobakeemika pamisena yakulambilaawo alimwi akutimboola shikoshanyo shakwe Ashela, lesa wabo mwanakashi wakubesa akutenta shibumbwabumbwa shabo.