Isaya 17:3 - Baibo Busansulushi Bwa Libuku Ili

³ Mucishi ca bene Efuleemu teshi munoocili ndabala inene icite lilinga lya mabwe. KuDamasikasi teshi kukabewo tubili bwaami. Abalo ba kuSilya beshi bakacaaleewo balaakunyaikwa bulemu anga mbantu bene Isilaeli. Ubo mbondaamba nebo neMwaami Lesa Shinkusu shoonse.

Isaya 17:3 ပူးပေါင်းရင်းမြစ်များ

2 Baami 16:9

Tigilati Pilesa, mukucita kweelana akusenga kwakwe Aasi wakaya abeshilumamba mukulwana ndabala ya Damasikasi. Wakeekoma, wacaya mwaami Lesini akutola bantu busha kuKili.

2 Baami 17:6

Mumwaaka wasanu ayone wa bwaami bwakwe Osheya, mwaami wa bene Asilya wakakoma ndabala ya Samaliya akutola busha bene Isilaeli kucishi ca Asilya. Bamwi wakabekalika mundabala ya Ala, bamwi kufwaafwi aMulonga wa Aboli mumusena wiitwa ayi Gosani, bamwi mumandabala anene a mucishi ca bene Medi.

Isaya 10:9

Ndakakoma ndabala ya Kalino aya Kakemishi. Ndakakoma ndabala ya Amati aya Alipadi alimwi ndakakoma ndabala ya Samaliya aya Damasikasi.

Isaya 16:14

Ono bulya Mwaami Lesa waamba ayi, “Na peendebo myaaka yotatwe ikwene, bulemu bwa cishi ca Moabu bulaakumana. Abalo bantu beshi bakapuluke mbakubalabo, nakubi boobo abalo balaakunoomanite cakuwabo akumuuwo.”

Isaya 17:4

“Pabushiku ubo bulemu bwa bamulunyungu lwakwe Jakobo bulaakuba anga ninsalu yamana mubala. Mumusena wakuba babile balaakuba bakandu.

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Isaya 7:16

Sombi ico kacitana kushikila, shishi sha bamaami bobilo aba mbootooloonda shilaakucaalabo mumatongo.

Isaya 7:8

Mukwiinga cishi ca Silya taciindiwo nkusu paDamasikasi ndabala inene iindaawo ya ncico. Ayalo ndabala ya Damasikasi tayiindiwo nkusu Lesini mwaami wa njiyo. Acalo cishi ca Isilaeli na kwiindebo myaaka ili 65 teshi cikanoocili cishi.

Isaya 8:4

Mwaana uyu kaatana kucishiba kwaamba ayi, ‘Ma,’ nabi ayi, ‘Ta,’ buboni boonse bwa bene Damasikasi ashintu nsheshi shikasaalwe kubene Samaliya ulaakushitola mwaami wa bene Asilya.”

Osiya 1:4

Lyalo Mwaami Lesa wakaŋambila ayi, “Mwaana uyo mutumbe ayi Jesiliilu mukwiinga coonoonobo ndaakupa mulandu bamulunyungu lwakwe Jeyu. Ndaakucita boobo ceebo bantu baanji mbwaakacaya kuJesiliilu. Munshila iyo ndaakumanisha bulelo bwa Isilaeli.

Osiya 1:6

Goma wakamita alimwi akushala mwaana mwanakashi. Lyalo Mwaami Lesa wakaŋambila ayi, “Mwaana uyo mutumbe ayi Lo Luyama mukwiinga teshi nkatondeshewo bene Isilaeli tubili lusuno nabi kulekelela shibiibi shabo.

Osiya 10:14

nkondo ilaakwisa pali ndimwe shiyubilo shanu shoonse shilaakunyonyoolwa. Cilaakubabo anga mbushiku mwaami Shalimani ndyaakanyonyoola ndabala inene ya Beti Abelo muciindi ca nkondo akupwayoola baana abamanyinawabo ayi bafwe.

Osiya 3:4

Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Osiya 8:8

Bene Isilaeli bamana ncito, bababo anga njimishobo imwi. Tabacite incito balibo anga nshikaye.

Osiya 9:11

Bulemu bwa bene Isilaeli bulaakuluka anga nkayuni. Nkokwaamba ayi kutumbuka, kuba amafumo, ee, kumina mate shoonse shilaakumana.

Amosi 8:14

Boonse bashomesha cakulumbila kushibumbwabumbwa shine Samaliya, nabi baamba ayi, ‘Bweenka mbocibete lushinisho ayi lesa wako ondabala ya Dani ngumuumi,’ nabi ayi, ‘Bweenka mbocibete lushinisho ayi lesa wa kuBiyasheba ngumuumi,’ balaakuwa cakutabukaawo, sobwe.”