Isaya 17:14 - Baibo Busansulushi Bwa Libuku Ili

¹⁴ Macolesha kabaloondesha! Sombi na bwaca macuunsa bacica. Anu ubo mbweshi cikabe kubaabo boonse batusaala, ee, kubaabo batubwesela buboni.

Isaya 17:14 ပူးပေါင်းရင်းမြစ်များ

2 Baami 19:3

Isaya bakamulwiita ayi, “Mwaami Esekiya waamba ayi, ‘Sunu mbushiku bwa buumba, mapensho alimwi bwa nsoni. Twaba anga ngumwanakashi usuni kutumbuka, sombi wabula nkusu shakutumbuka.

2 Baami 19:35

Mashiku ayo, munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Jobo 20:29

Shamushobo uyu Lesa nshaapa kubamucita shibi. Ncakwiila ici ncecipansha Lesa ncaabila bataluleme.”

Kulumbaisha 37:36

Sombi tapakwe kwiinda aciindi taakwe kucanikaawo. Ndakeelesha kumulangoola apa apaapa cakutamubonaawo.

Tushimpi 22:23

Mwaami Lesa ulaakwiimikanina makani akwe akusaala buboni bwa baabo basaala buboni bwa mukandu.

Isaya 10:25

Coonoonobo bukali bwangu pali ndimwe butoomana. Lyalo ntoobukila mbabo kwaamba ayi mbanyonyoole.

Isaya 21:12

Shikulindilila wakumbula ayi, “Macuunsa atoosa, sombi aalo mashiku acisa. Na unanoocisuni kwiipusha, use wiipushe alimwi.”

Isaya 29:2

Ono ndaakushinguluka ndabala iyo yaambwa ayi ncipaililo cakwe Lesa. Ndushinisho kulaakuba kulila abuumba buyoosha muli njiyo. Ndabala yoonse ilaakubabo pyupyupyu kubulowa anga ncipaililo.

Isaya 29:5

Nakubi boobo makoto makoto abalwani bako alaakubabo anga ndusuko luyabo amuuwo. Ee, balwani banu batacite nkumbu balaakubabo mbuungu butooya cuululuka. Ncakwiila muciindi ciniinibo alimwi cakuteengashila

Isaya 29:7

Lyalo balwani bako boonse abo bakulwana ocipaililo ca Mwaami Lesa, ee, abo bakulwana akunyonyoola shiyubilo shako alimwi akukushinguluka, ncakwiila balaakuba anga nciloto.

Isaya 30:28

Kuyoya kwakwe kuli anga ngumulonga wasefuka utolelela shintu shoonse. Ulaseba mishobo ya bantu musefa walunyonyooko. Mumicendwa yabo ulabikaamo tweela twakubeensheshaako kubapambusha munshila ibotu.

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Isaya 33:18

Mumyoyo yanu mulaakunokwiibaluka shintu isho shakalinga kumulengesha boowa. Mulaakunooliipusha ayi, “Ino mutanjilili wa bashilumamba ulya uli kuli? Ino ulya wakalinga kuya cibwesa musonko uli kuli? Ino shilumamba weendelesha maanda alaamfu abeshikulindilila uli kuli?”

Isaya 34:17

Ndushinisho mwiine ngweshi akashibunganye. Ee, ngowashibaanya cishi ico. Lyaansa lyakwe mwiine ndilyacibaanya mushipansha shipimitwe. Cishi ico cilaakuba ca nshisho kwamuyayaya. Shinanookalaamo kuswa lishalane alishalane.”

Isaya 41:12

Balwani banu abo mulaakubalangoola, sombi teshi mukababoneewo. Ee, boonse bamulwana palaakubulabo.

Jelemiya 13:25

Ici nceshi cikacitike kuli ndimwe. Cilaakuba ncecipansha nceshi nkamupe mukwiinga mwebo mwakanduba akucinka manungo mubalesa babubeshi.

Jelemiya 2:3

Isilaeli wakalinga kusalalite kuMwaami Lesa. Wakalinga mbuli shisepo shitaanshi kutebulwa. Abo boonse bakamucisa ndakabapa mulandu aboobo mapensho akabashikila.’ ” Mwaami Lesa waamba.

Jelemiya 49:10

Sombi nebo ndaakubwesa shintu shoonse sha bamulunyungu lwakwe Esau akumushiya maansabo. Ndaakuyubulula misena yabo iyo njebayubamo kwaamba ayi bakabule kwakuyuba. Bene Edomu boonse balaakuloba, taaku nabi womwi weshi akacaaleewo.

Esekelo 39:10

Teshi bakanootepawo nkuni muluundu nabi mumasaka ceebo balaakunoosebensesha shilwanisho isho pakukunka mulilo. Kuswawaawo balaakusaala baabo bakabasaala akubwesa buboni bwa baabo bakababwesela. Nebo neMwaami Lesa Shinkusu shoonse ndaamba.’ ”

Sekaliya 2:12

Lyalo cishi ca Juda cilaakuba cipansha Mwaami Lesa ncaasuni abuumbi mucishi cakwe cisalalite. Ndabala ya Jelusalemu ilaakuba njendabala njeshi akanoosuni kwiinda mandabala amwi oonse.

Boomboloshi 5:31

“NoBaami baLesa, balwani banu boonse abalobe, sombi abo bamusuni babe anga ndisuba liswa cankusu.” Lyalo mucishi cabo mwakaba luumuno kwamyaaka makumi one.