Isaya 17:10 - Baibo Busansulushi Bwa Libuku Ili

¹⁰ Nobene Isilaeli, ncakwiila mwaluba Lesa wanu uyo wakamufuna ee, mwaluba Mwaandami wanu umutabilila. Mulashanga amyuunda isalalite ayi munoolambililamo balesa banu. Paceebo ceeco nabi mukashange shishango shibotu buyani, ee, nabi mukashange minyansa yakuula kuswa kucishi cimwi,

Isaya 17:10 ပူးပေါင်းရင်းမြစ်များ

1 Makani 16:35

Kamwaamba kuli nguwe ayi, “NoBaami baLesa, baLesa besu amutufuneeko. Mutubunganye kuswa kumishobo iimbi, kwaamba ayi tulumbe liina lyanu lisalalite akumulumbaisha abuumbi.”

Kulumbaisha 106:13

Nakubi boobo bakafwambaana kuluba shoonse nshaakacita, akutalindila ayi abalwiite nshebeelete kucita.

Kulumbaisha 106:21

Bakaluba Lesa uyo wakabafuna ndyaakacita shaankamiko mucishi ca Ijipiti.

Kulumbaisha 18:2

Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.

Kulumbaisha 31:2

Amuteye kutwi kwanu kuli ndime, mwise mumfuune cakufwambaana. Amube mwaandami wangu ngweshi nooyubaako, lilinga lyangu lya mabwe mweshi noopulukila.

Kulumbaisha 65:5

Mwebo mulatukumbula kwiinda mukucita shaankamiko sha bululami, nobaLesa bapulushi besu. Kulangila kwa bantu boonse ba mucishi ca panshi, akwa baabo bali kwitala lya lweenge, kuli muli ndimwe.

Kulumbaisha 79:9

NobaLesa nobapulushi besu, amutucaafwe ceebo ca bulemu bwa liina lyanu. Amutufuune akutulekelela shibiibi shesu ceebo ca liina lyanu.

Kulumbaisha 85:4

NobaLesa Bapulushi besu, amutubooshele bwikaalo bwesu butaanshi. Bukali bwanu pali ndiswe abumane.

Kulumbaisha 9:17

Lufu nkokweela nshila ya bamucita shibi, njenshila ya baabo boonse bakaka Lesa.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Isaya 17:9

Pabushiku ubo mandabala a bene Isilaeli ayo acite malinga ayumu balaakwaashiyabo cisuukila, bweenka bwakacita bene Amoli abene Ifi ndibakalinga kuloonda bene Isilaeli. Mulaakucaalabo kamushinka, ee, shoonse shilaakucaalabo mumatongo.

Isaya 18:5

Sombi bantu kabatana kutalika kutebula, maluba aakumana kulokaako kushisamu, minyansa yaakutalika kupya, balwani balaakunyonyoola bene Kushi cakufwambaana bweenka mbocibete cuubu cibeshi kutimbula misampi ya minyansa.

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 26:4

Amucinke manungo muMwaami Lesa lyoonse ceebo Mwaami Lesa ngumwaandami utufuna kwalyoonse alyoonse.

Isaya 30:29

Sombi mwebo nobantu bakwe Lesa, mulaakwiimba bweenka mbuli pabushiku bwakusekelela kusalalite. Myoyo yanu ilaakusangalala bweenka mboiba bantu ndibaya amitoolilo mukutanta pakalundu ka Mwaami Lesa. Ee, ndibaya kuMwaandami wa bene Isilaeli.

Isaya 33:2

NoBaami baLesa amutunyumfwile luse mukwiinga taaku aumwi ngotucinkitemo manungo. Kamutupa nkusu macuunsa lyoonse akuba bapulushi besu ciindi ndituba mumapensho.

Isaya 44:8

Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”

Isaya 51:13

cakwaamba ayi mulube ndime neMwaami Lesa, uyo wakamulenga? Nebo neMwaami Lesa ndime ndakafungulula liculu akuyaka lwiimbi lwa cishi ca panshi. Ceebonshi mutookala aboowa lyoonse kuloonda bukali bwa baabo bamulyatilila alimwi balibambite kumunyonyoola? Bukali bwabo bulya tabukoonshi kushika pali ndimwe.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 62:11

Mwaami Lesa waambilisha kucishi coonse ca panshi ayi, “Lwiita bamundabala ya Siyoni ayi, ‘Amubone mupulushi wanu waashika! Ncakwiila ulicite acilambu ee, utoosa amalipilo akupa bantu.’ ”

Jelemiya 12:13

Balaakushanga witi, sombi balaakutebula myuumfwa. Balaakuyuwaana, sombi taaku anceshi bakacaneemo. Ono ceebo ca bukali bwangu buyoosha nebo neMwaami Lesa, shishango shabo shilaakufwa.”

Jelemiya 17:13

Nobaami baLesa mwebo muli lulangilo lwa bene Isilaeli. Boonse abo bamusuula, balaakulenshekwa nsoni. Boonse abo balaakushiminganabo anga ngameena alembwa mubulongo ceebo bakamufutatila mwebo nokantupu ka buumi.

Jelemiya 2:32

Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.

Jelemiya 3:21

Mibila yanyumfwika peculu lya tulundu. Mbene Isilaeli batoolila akukombelela ceebo bekala buumi bwakubisha alimwi akuluba Mwaami Lesa, Lesa wabo.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Esekelo 23:35

Mwaami Lesa Shinkusu shoonse waamba ayi, “Ono ceebo ca kundubaako akumfutatila ulaakupenga ceebo ca lunkumbwa abufuule bwako.”

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Osiya 8:14

Bene Isilaeli bakaluba Mulengi wabo akuliyakila maanda a bwaami. Abalo bene Juda bakayaka mandabala aanji acite malinga. Sombi ndaakutuma mulilo pamandabala abo anene uyo weshi ukanyonyoole shiyubilo shabo.”

Jowelo 1:17

Shili anga ngamaila shamana kufwa mubulongo buyumu. Taaku shili anga ngamaila shakubika kubutala. Paceebo ceeco matala oonse atoonyonyookabo.

Bene Lefi 26:16

ndaakumupa mulandu. Ndaakumuletela mapensho a mbuli malwashi atashilikwi alimwi ashimpwita isho nsheshi shikamupofole akunyonyoola buumi bwanu. Mulaakushanga mbuto shanu, sombi teshi cikamucafweewo mukwiinga balwani banu balaakumukoma akulya shoonse nshemwakalima.

Bene Lefi 26:20

Anu kusebensa kwanu kunene abuumbi teshi kukamucafweewo, ceebo mucishi canu teshi mukaswe shakulya ashalo shisamu teshi shikacate shisepo.

Amosi 5:11

Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.

Abakuku 3:18

ndaakusekelela muMwaami Lesa, ndushinisho ndaakusangalala muli Lesa, Mupulushi wangu.

Sefaniya 1:13

Buboni bwabo bulaakumana kusaalwa. Maandaabo alaakupwayoolwa. Ncakwiila balaakuyaka maanda sombi teshi bakekaleemo. Balaakulima minyansa, sombi teshi bakanweewo waini.”

Dutolonomi 28:30

“Mulaakumamikila mwanakashi, sombi umwi ulaakumweeba. Mulaakuyaka ŋanda, sombi teshi mukekaleemo. Mulaakulima muunda wa minyansa, sombi teshi mukaikankeewo amukanwa.

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

Dutolonomi 32:18

Bakakaka Mwaandami, Lesa uyo wakabalenga, Bakaluba Lesa wabo uyo wakabapa buumi.

Dutolonomi 32:31

Balwani babo balishi ayi balesa babo balilefukite, tabacite nkusu mbuli Lesa wa bene Isilaeli.

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Dutolonomi 6:12

mukacenjele kwaamba ayi mutakalubi Mwaami Lesa uyo wakamufuna mucishi ca Ijipiti, umo mumwakalinga basha.

Dutolonomi 8:11

“Amushinishe kwaamba ayi teshi mukalube Mwaami Lesa, Lesa wanu. Kutaalilwa kukonkela milawo amilasho yakwe iyo njeentoomupa sunu.

Dutolonomi 8:14

amushinishe kwaamba ayi teshi mukatalike kulisumpula akuluba Mwaami Lesa, Lesa wanu, wakamufuna kuswa muIjipiti umo momwakalinga basha.

Dutolonomi 8:19

Kuteelesha kuluba Mwaami Lesa, Lesa wanu nabi kulambila balesa bamwi akubasebensela. Na mukacite boobo ndamulwiitila limwi sunu ayi mulaakunyonyoolwa.