Isaya 17:1 - Baibo Busansulushi Bwa Libuku Ili

¹ Aya ngamaswi aamba pandabala ya Damasikasi. Mwaami Lesa waamba ayi, “Damasikasi teshi inoocili ndabala inene, sobwe. Bulya ilaakubabo mulwi wa sheesho sha kanyonyoolwa.

Isaya 17:1 ပူးပေါင်းရင်းမြစ်များ

Matalikilo 14:15

Kulya wakapansaanya bantu bakwe mutukototukoto, bakalwana beshinkondonyinaabo mashiku akubakoma. Wakabatandaanya akubashisha kuOba kumatwa a Damasikasi.

Matalikilo 15:2

Sombi Abulamu wakakumbula ayi, “NoBaami Beshinkusu shoonse, nebo nshiciteewo mwaana, ino cilambu canu cilicite mpindunshi kuli ndime? Eliyasa eenkabo wa kuDamasikasi njempyani yangu.

1 Baami 11:24

Wakaba munene wa beshishimfulunganya. Ishi shakacitika Defedi ndyaakakoma Adadesa alimwi akucaya bene Silya abo bakalinga kunyumfwanaakwe. Lesoni abantu bakwe bakaya mukwikala kuDamasikasi uko bantu bakwe nkobakaya mukumupa bwaami bwa cishi ca Silya.

2 Baami 16:9

Tigilati Pilesa, mukucita kweelana akusenga kwakwe Aasi wakaya abeshilumamba mukulwana ndabala ya Damasikasi. Wakeekoma, wacaya mwaami Lesini akutola bantu busha kuKili.

1 Makani 18:5

Bene Silya ba muDamasikasi ndibakesa ayi bacafwe Adadesa mwaami wa kuSoba, Defedi wakabalwana akucayaawo bashilumamba bali 22,000 pakati lyabo.

2 Makani 28:23

Wakabenga milambu kubalesa ba bene Damasikasi abo bakamukoma mukwiinga wakayeeya ayi, “Balesa ba bamaami bene Silya bacafwa bantu aba, aboobo ntoobenga milambu kuli mbabo kwaamba ayi anebo bancafweeko.” Sombi ici cakaleta mapensho pali nguwe apabene Isilaeli boonse.

2 Makani 28:5

Mpeeke Mwaami Lesa, Lesa wakwe wakamwaaba mumaansa a bene Silya mukwiinga wakabisha. Bene Silya bakamukoma akutola busha bantu bakwe baanji kuDamasikasi. Mwaami Lesa wakamwaaba amumaansa a mwaami wa bene Isilaeli uyo wakacaya bashilumamba bakwe baanji.

Isaya 10:9

Ndakakoma ndabala ya Kalino aya Kakemishi. Ndakakoma ndabala ya Amati aya Alipadi alimwi ndakakoma ndabala ya Samaliya aya Damasikasi.

Isaya 13:1

Ono ngaaya maswi aamba paBabiloni Isaya mwanaakwe Amosi ngwaakatambula kuswa kuli Lesa.

Isaya 15:1

Aya ngamaswi aamba pacishi ca Moabu. Ndabala ya Ali aya Kili anyonyoolwa mubushiku bomwibo, cishi ca Moabu cawa!

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Isaya 37:26

“ ‘Sa tookwe kunyumfwaawo? Sa tooshi ayi ici ndakacibambabo kale kale? Ncakwiila ici ndakalengesha ayi cicitike. Ndakakupa nkusu shakunyonyoola mandabala acite malinga kuba matongo.

Isaya 7:16

Sombi ico kacitana kushikila, shishi sha bamaami bobilo aba mbootooloonda shilaakucaalabo mumatongo.

Isaya 7:8

Mukwiinga cishi ca Silya taciindiwo nkusu paDamasikasi ndabala inene iindaawo ya ncico. Ayalo ndabala ya Damasikasi tayiindiwo nkusu Lesini mwaami wa njiyo. Acalo cishi ca Isilaeli na kwiindebo myaaka ili 65 teshi cikanoocili cishi.

Isaya 8:4

Mwaana uyu kaatana kucishiba kwaamba ayi, ‘Ma,’ nabi ayi, ‘Ta,’ buboni boonse bwa bene Damasikasi ashintu nsheshi shikasaalwe kubene Samaliya ulaakushitola mwaami wa bene Asilya.”

Jelemiya 49:2

Sombi ciindi cilaakushikila ndyeshi nkalishe lupeenga lwa nkondo kulwana Laba ndabala inene ya bene Amoni. Ndabala iyo ilaakuba matongo amandabala aishingulukite alaakutentwa. Kuswawaawo bene Isilaeli balaakutandaamo baabo bakalinga babatandaamo. Nebo neMwaami Lesa ndaamba.

Mika 1:6

Paceebo ceeco Mwaami Lesa wakaamba ayi, “Samaliya iyo ndaakwiisandula kuba matongo, musena wakulimaamo minyansa. Mabwe a njiyo ndaakwaasowela mucinyika. Lwiimbi lwa njiyo lulaakucaalabo patuba.

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Sekaliya 9:1

Aya ngamakani abulaluki akaambwa aMwaami Lesa. Mwaami Lesa washinisha kupa mulandu cishi ca Adilaki. Bukali bwakwe bulaakushikila pandabala ya Damasikasi. Meenso a Mwaami Lesa ali pabantu boonse bweenka mbwaabete pabene Isilaeli.

Milimo ya Batumwi 9:2

mukusenga makalata akumusuminisha kuya kushoonde sha baJuda kuDamasikasi. Wakalinga kusuni ayi na akacaneko bantu bakonkela kwiisha kwa Mwaami Jesu, banakashi nabi basankwa, akabaange akubatola kuJelusalemu.

Dutolonomi 13:16

Kuswawaawo mukabunjike shintu sha bantu ba mundabala umo pamusena ucanika bantu baanji. Lyalo ndabala mukeeteente alimwi ashintu shoonse shiliimo ayi ncipo kuMwaami Lesa. Ndabala iyo ilyeelete kunyonyookelabo limwi, tayeelete kuyakululwa alimwi, sobwe.