Isaya 16:7 - Baibo Busansulushi Bwa Libuku Ili

⁷ Paceebo ceeco boonse bene Moabu batoolila, ee, batoolila cishi cabo. Ndushinisho abalile akulyuungumika ceebo ca shakulya shibotu sha kuKili Aleseti.

Isaya 16:7 ပူးပေါင်းရင်းမြစ်များ

2 Baami 3:25

Bakalinga kuya cinyonyoola mandabala abo anene. Na bacana muunda ucite bulongo bubotu, mwine Isilaeli woonse wakalinga kuwaalamo libwe kushikila myuunda yoonse yakesula mabwe. Bakashinka atuntupu alimwi bakatimbula ashisamu sha shisepo. Kumeelelesho kwakacaalabo ndabala inene iitwa ayi Kili Aleseti. Balo beshikuwaala mabwe ashipaya bakashinguluka ndabala iyo akwiilwana.

1 Makani 12:40

Abalo beshikamukobonyinaabo kuswa kucishi ca bene Isaka, ca bene Sebuluni alimwi aca bene Nafutali, bakabaletela shakulya pambongolo, ngamela, shifubwa shili anga nimbongolo alimwi abasune. Mpeeke fulaulo, shaampe sha nkuyu shakuyanika, shisankata sha minyansa yakuyanika, waini, mafuta a olifi, ŋombe alimwi ambelele isho nshebakaleta shakafula abuumbi. Bakacita boobo ceebo mucishi ca Isilaeli coonse mwakalinga kusangalala.

1 Makani 16:3

Kuswawaawo bantu boonse, nkokwaamba ayi bene Isilaeli boonse, basankwa abanakashi wakabaabila shinkwa womwi womwi, cipumputa ca nyama yakutenta acisankata ca minyansa comwi comwi.

Isaya 16:11

Ono moyo wangu wapenga abuumbi ceebo ca cishi ca Moabu. Buumba bwancata abuumbi ceebo ca ndabala ya Kili Aleseti.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Jelemiya 48:20

Balaakukumbula ayi, ‘Cishi ca Moabu casebaana ceebo capwayoolwa. Amoolome akulila! Amwaambilishe muya Mulonga wa Anoni ayi cishi ca Moabu canyonyoolwa.’

Jelemiya 48:31

Paceebo ceeco ndalilila bene Moabu, ncakwiila ndalilila bene Moabu boonse. Ndalilila bantu bene Kili Aleseti.