Isaya 15:5 - Baibo Busansulushi Bwa Libuku Ili

⁵ Ndabalilila bantu bene Moabu. Bantu babo baloboka bulya balishikite akuSowa alimwi akuEgilati Shelishiya. Balulama nshila iya kuLuyiti alimwi batooya cililabo nshila yoonse. Amwalo munshila iya kuOlonaimu boongumana abuumbi palunyonyooko lwabo.

Isaya 15:5 ပူးပေါင်းရင်းမြစ်များ

Matalikilo 13:10

Loti wakalangalanga akubona kwaamba ayi cinyika coonse ca Joodani, kuyabo akuSowa, cakalinga kucite maanshi abuumbi, anga ngumuunda wa Mwaami Lesa nabi cishi ca Ijipiti. Ici cakalinga nciindi Mwaami Lesa kaatana kunyonyoola mandabala anene a Sodoma a Gomola.

Matalikilo 14:2

bakaya mukulwana aBela mwaami wa Sodoma, Belisha mwaami wa Gomola, Shinabu mwaami wa Adima, Shemeba mwaami wa Seboyimu alimwi amwaami wa Bela nkokwaamba ayi Sowa.

Matalikilo 19:22

Kweendesha! Cica! Nshikoonshi kucita cintu nabi comwi kootana kushika kulya.” Ono mukwiinga Loti wakaamba ayi ndabala ilya njiniini, yakeetikwa ayi Sowa.

2 Samwelo 15:23

Mpeeke bantu bamumishi bakalila cakooloma ndibakabona mwaami abantu bakwe kabainda. Kuswawaawo mwaami Defedi wakasubuka cinyika ca Kidiloni pantu pomwi abantu boonse abo akululama kuluyanga.

2 Samwelo 15:30

Defedi wakatolelela lweendo lwakwe akutanta Kalundu ka Olifi kaaya cilila buumpute. Paciindi ico wakalinga kulifwekete kumutwi alimwi kaali myeendobo. Abalo bamwi boonse bakalifweka kumitwi yabo akunooya cilila buumpute pakutanta kalundu ako.

Isaya 16:14

Ono bulya Mwaami Lesa waamba ayi, “Na peendebo myaaka yotatwe ikwene, bulemu bwa cishi ca Moabu bulaakumana. Abalo bantu beshi bakapuluke mbakubalabo, nakubi boobo abalo balaakunoomanite cakuwabo akumuuwo.”

Isaya 22:5

Mwaami Lesa, ee, Mwaami Lesa Shinkusu shoonse wabamba bushiku, ncakwiila bushiku bwa mapensho, kulyatoolwa alimwi buyoosha muCinyika ca cili anga Nciloto. Bulaakuba bushiku bwakupumununa lilinga lya ndabala alimwi bwakulilila kutulundu.

Isaya 59:7

Myeendo yabo njuubu abuumbi kweendela kucita bubi. Balicabeene abuumbi kuya mukucaya bantu batacite milandu. Miyeeyo yabo njibiibi cilensha boowa. Kunyonyoola abucayi nkokeshibilo ka nshila shabo.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 17:16

Nshikwe kukaka mulimo wa bweembeshi ngomwakampa alimwi nshindakalinga kusuni ayi bakenjile mumapensho. Nceentokwaamba amwebo mulicishi kale.

Jelemiya 4:19

Buumba bwancaya, ee, buumba bwancaya! Ntokwaalabanganabo ceebo moyo wangu wacisa. Ncakwiila moyo wangu utookulunkunta cakuyanda kuncinkula. Nshikoonshi kuumunabo napaceyi ceebo ndanyuumfwa kulila kwa lupeenga ee, ndanyuumfwa ciyobeyobe ca nkondo.

Jelemiya 4:20

Mapensho ananootungenebo kalongo. Cishi coonse camana kunyonyoolwa. Matente angu anyonyoolwabo muciindi ciniini. Ayalo misumba yanyonyoolwabo cakufwambaana.

Jelemiya 48:3

Amunyumfwe kulila kutooswa kuOlonaimu, kulila kwa mapensho aanji akunyonyoolwa.

Jelemiya 48:5

Balaakululama nshila iya kuLuwiti, kabaya bushinshimukaako pakulila, mumukwakwa uya kuOlonaimu mibila yakunyonyookelwa ilaakunyumfwika.

Jelemiya 50:46

Cishi coonse ca panshi cilaakutenkaana ceebo ca coongo ca kukomwa kwa cishi ca Babiloni. Kulila kwabo kulaakunyumfwika pakati ka mishobo imwi yoonse.”

Jelemiya 9:10

Ndaakulila buumpute akulila cakooloma kulilila tulundu, akulila cabuumba pamafulo ceebo shililishiitilebo alimwi taaku abeendaninaamo. Kulila kwa ŋombe takunyumfwikiimo. Bayuni abanyama bamuluundu bakacicaamo.

Shakubelenga 21:29

Mapensho kuli ndimwe nobene Moabu! Mwebo nomulambila Kemoshi mwanyonyoolwa! Lesa wanu ulalengesha basankwa banu kulobokela kushishi shimwi, abalo banakashi Sioni mwaami wa bene Amoli wakabacata.